ဆိုဗီယက်
ပြည်ထောင်စု ပြိုကွဲ သွားမှု နှင့်အတူ တစ်ချိန်က အနောက် အုပ်စုက ဖိန့်ဖိန့် တုန်အောင်
ကြောက်လန့် ခဲ့ရသော ဆိုဗီယက် တပ်မတော် ကြီးလည်း ပျောက်ကွယ် သွားခဲ့ ရသည်။ ဆိုဗီယက်
ပြည်ထောင်စု ထံမှ အမွေ ဆက်ခံ ခဲ့သော ရုရှား တပ်မတော်ကား ဟန်သာ ရှိပြီး အဆန် မရှိသည့်
သင်္ကြန် အမြောက်သာ ဖြစ်နေ ခဲ့သည်။ ရုရှားတို့တွင် အနုမြူ လက်နက်များ ပိုင်ဆိုင် နေလင့်
ကစား မည်သူ ကမျှ အလေး ထားမှု မရှိတော့ပဲ ဥရောပ လုံခြုံရေး နှင့် ပတ်သက်လျှင် နေတိုးတို့
လုပ်သမျှကို ရုရှား တို့က လက်ပိုက် ကြည့်နေ ခဲ့ရ သည်မှာ ကြာပြီ ဖြစ်သည်။
မကြာမီက
အမေရိကန် နိုင်ငံက အရှေ့ ဥရောပ နိုင်ငံများ ဖြစ်သည့် ပိုလန်နှင့် ချက် သမ္မတ နိုင်ငံတွင်
ဒုံးခွင်းဒုံး စနစ်နှင့် ရေဒါ များကို နေရာ ချထားမည့် အစီအစဉ်ကို ကြေညာ ခဲ့သည့် အခါတွင်
ရုရှား နိုင်ငံက အပြင်း အထန် ကန့်ကွက် ခဲ့သည်။ ထို့ပြင် သမ္မတ ပူတင်က အမေရိကန် တို့၏
လုပ်ရပ်ကို တုန့်ပြန်သည့် အနေဖြင့် ရုရှား တို့၏ ဒုံးပျံများကို ဥရောပရှိ မဟာ ဗျူဟာမြောက်
ပစ်မှတ် အသစ် များသို့ ပြန်လည် ချိန်ရွယ် ရလိမ့် မည်ဟု ထုတ်ဖော် ပြောကြား ခဲ့သည်။ ယခင်က
ရုရှားတို့ ခြိမ်းခြောက်မှု မှန်သမျှကို သင်္ကြန် အမြောက် အဖြစ် လျစ်လျူ ရှုခဲ့သော အနောက်
အုပ်စုသည် ယခု တစ်ကြိမ် တွင်မူ ပူတင်၏ စကားကို မျက်ပြူး ဆန်ပြာဖြင့် တုန့်ပြန် ခဲ့ကြ
သည်ကို တွေ့ရသည်။ ထိုသို့ ဆိုလျှင် တစ်ချိန်က စာရင်း မသွင်း ခဲ့သော ရုရှား တပ်မတော်သည့်
နေတိုး အဖွဲ့က အလေးထား ရမည့် အနေ အထားသို့ ပြန်ရောက် လာနေပြီလား၊ လေ့လာကြည့် သင့်ပေသည်။
ပြောင်းလဲရေး
လုပ်ငန်းစဉ် အစ
ယဲလ့်ဆင်
လက်ထက်က ပေါ်လာသမျှ ပြဿနာကို လက်တမ်း ဖြေရှင်းရင်း အသက်ဆက် နေခဲ့ရသော ရုရှား တပ်မတော်သည်
ပူတင် လက်ထက်တွင် ခေတ်မီ ပြုပြင် ပြောင်းလဲရေး လုပ်ငန်း များကို စတင် အကောင် အထည် ဖော်နိုင်ရန်
ကြိုးစား လာခဲ့သည်။ ၂ဝဝ၃ ခုနှစ် တွင်မူ ရုရှား တပ်မတော်သည့် အကြပ် အတည်း ကာလကို ကျော်ဖြတ်
နိုင်ခဲ့ ပြီးနောက် ခေတ်မီ ပြောင်းလဲရေး စီမံချက် (၂ဝဝ၄ - ၂ဝဝ၈) ကို စနစ်တကျ အကောင်
အထည် ဖော်နိုင်သည့် အခြေ အနေသို့ ရောက်လာ ခဲ့သည်။ ရုရှား တပ်မတော်သည် ကွပ်ကဲမှုနှင့်
ကြီးကြပ်မှု ကဏ္ဍ၊ တပ်သားသစ် စုဆောင်းမှု ကဏ္ဍ၊ လက်နက် တပ်ဆင် ထုတ်လုပ်ရေး ကဏ္ဍ၊ အထူး စစ်ဆင်ရေး
ကဏ္ဍနှင့် အနုမြူ လက်နက် ကဏ္ဍ များတွင် ပြုပြင် ပြောင်းလဲ ရေးများကို စတင် ဆောင်ရွက် ခဲ့သည်ကို
တွေ့ရသည်။ ထိုအထဲတွင် ကွပ်ကဲ ကြီးကြပ်မှု စနစ်၊ စစ်သား စုဆောင်းမှု စနစ်နှင့် အနုမြူ
ဟန့်တားရေး ကဏ္ဍ များသည် ဦးစားပေး ကဏ္ဍများ ဖြစ်လာ သည်ကို တွေ့ရသည်။
ကွပ်ကဲမှုနှင့်
ကြီးကြပ်မှုစနစ်
တင်းကြပ်သော
ဗဟို ချုပ်ကိုင်မှု စနစ်နှင့် ကွပ်ကဲမှု စနစ်များ ရှုပ်ထွေး ခြင်းသည် ဆိုဗီယက် တပ်မတော်
နှင့် ၎င်း၏ အမွေခံ ရုရှား တပ်မတော်၏ ထင်ရှားသော ဝိသေသ လက္ခဏာ နှင့် အဓိက အားနည်းချက်
ဖြစ်ခဲ့သည်။ သို့သော် ၂ဝဝဝ ပြည့်နှစ် တွင်မူ ရုရှား တပ်မတော်သည် အမေရိကန် တို့ကဲ့သို့ပင်
စစ်မြေပြင်ရှိ တပ်မှူးကို လုပ်ပိုင်ခွင့် အပြည့်အဝ ပေးသည့် ကွပ်ကဲမှု စနစ်ကို စတင် ပြောင်းလဲ
ခဲ့သည်။ ထို့ကြောင့် ယခင် ရှိနေသည့် စစ်ဒေသ ခြောက်ခုနှင့် ရေတပ်တော် လေးခုကို အနောက်
ဥရောပ ဒေသ ပါဝင်သော အနောက်ပိုင်း ဒေသ ကွပ်ကဲမှု ဌာနချုပ်၊ ဗဟိုအာရှ ဒေသ ပါဝင်သော တောင်ပိုင်း
ဒေသ ကွပ်ကဲမှု ဌာနချုပ်၊ အာရှဒေသ ပါဝင်သော အရှေ့ပိုင်း ဒေသ ကွပ်ကဲမှု ဌာနချုပ်များ အဖြစ်
ပြောင်းလဲ ဖွဲ့စည်း ခဲ့သည်။ ထိုကွပ်ကဲမှု ဌာနချုပ် မှူးများသည် ဒေသ အတွင်းရှိ အနုမြူ
ဒုံးပျံ တပ်ဖွဲ့များ မှအပ ကြည်းရေလေ စစ်လက်ရုံး တပ်ဖွဲ့များ၊ စစ်ဝန်ထမ်း တပ်ဖွဲ့များ
အားလုံးကို ကွပ်ကဲခွင့် ရရှိမည် ဖြစ်သည်။
စစ်သားစု
ဆောင်မှုစနစ်
ဆိုဗီယက်ရော၊
ရုရှားတို့ပါ အစဉ်အလာ ကျင့်သုံး ခဲ့သည့် စစ်သားစု ဆောင်းမှု စနစ်မှာ အမျိုးသား စစ်မှုထမ်း
ဥပဒေကို အခြေခံသည့် မဝင်မနေရ စစ်မှုထမ်း စနစ်ပင် ဖြစ်သည်။ သို့သော် ထိုစနစ်သည် ခေတ်သစ်
စစ်ပွဲကို ဆင်နွဲ နိုင်မည့် အရည်အသွေး ပြည့်ဝသော အရာခံ၊ အကြပ် တပ်သား များကို ရရှိရန်
ခက်ခဲ သောကြောင့် ရုရှား တို့သည် အနောက် အုပ်စု တပ်မတော်များ ကဲ့သို့ပင် ဆန္ဒ အလျှောက်
စစ်မှု ထမ်းဆောင်သည့် စနစ်ကို ကျင့်သုံး နိုင်ရန် အတွက် ပြောင်းလဲ မှုများ စတင် လုပ်ဆောင်
လာခဲ့သည်။
ထို
ပြောင်းလဲမှု၏ ပထမ အဆင့် အနေဖြင့် လက်ရှိ အင်အား ၁.၁ သန်းကျော် ရှိသည့် တပ်မတော်ကို
၂ဝ၁၁ ခုနှစ်တွင် အင်အား ၁.ဝ၃ သန်းသို့ လျှော့ချရန် ဆောင်ရွက် ခဲ့သည်။ သို့သော် ထိုလျှော့ချမည့်
အင်အား အများစုမှာ တိုက်ခိုက်ရေး တပ်ဖွဲ့ များမှ မဟုတ်ပဲ အုပ်ချုပ်မှု ဆိုင်ရာ တပ်ဖွဲ့များ
မှသာ လျှော့ချ သွားမည် ဖြစ်သည်။ တို့ပြင် ရုရှား တို့သည့် ၂ဝဝ၄ ခုနှစ်မှ စတင်ပြီး
လေကြောင်းချီ တပ်ဖွဲ့ များနှင့် ယန္တရားတင် တပ်ဖွဲ့ များကို ဆန္ဒ အလျှောက် စစ်မှု ထမ်းဆောင်
သူများ နှင့်သာ ဖွဲ့စည်း မှုကို စတင် ပြုလုပ် ခဲ့ရာ ယနေ့ အချိန်တွင် တပ်မ ငါးခုကို
ပြင်ဆင် ဖွဲ့စည်း နိုင်ခဲ့ပြီ ဖြစ်သည်။ ရုရှား ကာကွယ်ရေး ဝန်ကြီး ဌာနက ၂ဝဝ၇ ခုနှစ်
ကုန်တွင် ရုရှား တပ်မတော်၏ အင်အား ၅ဝ%ကို ဆန္ဒ အလျှောက် စစ်မှု ထမ်းဆောင် သူများနှင့်
ဖွဲ့စည်းနိုင်ရန် လျာထား သော်လည်း လက်တွေ့ အကောင် အထည် ဖော်နိုင်မည့် အခြေအနေ မရှိ
သည်ကို တွေ့ရသည်။
အနုမြူဟန့်တားရေးမဟာဗျူဟာ
လက်ရှိ
ရုရှား တပ်မတော်သည် ယခင် ဆိုဗီယက် တပ်မတော် လက်ထက် အင်အားနှင့် နှိုင်းယှဉ်လျှင် မဟာ
ဗျူဟာ ဗုံးကြဲ လေယာဉ် များတွင် ၃၉%၊ တိုက်ချင်းပစ် ဒုံးပျံ များတွင် ၅၈% နှင့် တိုက်ချင်းပစ်
ဒုံးပျံ တပ်ဆင် ထားသော ရေငုတ် သဘောင်္တွင် ၈ဝ% သာ ရှိပေသည်။ ထို့ကြောင့် ရုရှားတို့သည်
အနုမြူ လက်နက်များကို ခေတ်မီအောင် ဆောင်ရွက် ရာတွင် အနုမြူ ဟန့်တားရေး မဟာဗျူဟာ Nuclear
Deterence နှင့် ပတ်သက်သည့် အယူအဆ များကိုပါ ပြောင်းလဲ သုံးသပ် ဆောင်ရွက် လာခဲ့သည်။
ဆိုဗီယက် ခေတ်ကမူ ဒုံးပျံ အရေအတွက်၊ အဏုမြူ ထ်ိပ်ဖူး အရေအတွက် များတွင် အမေ ရိကန် တို့ထက်
သာလွန်အောင် အမြဲ ကြိုးစား ခဲ့ကြသည်။ ရုရှတို့၏ အယူ အဆသစ် အရမူ ဟန့်တားရေး မဟာဗျူဟာ
အကောင် အထည် ဖော်မှုကို အရေ အတွက် နှင့် အကဲဖြတ်ခြင်း မပြုတော့ပဲ မိမိတို့ ဒုံးပျံများ
အနေဖြင့် ရန်သူ၏ ဒုံးပျံ ကာကွယ်ရေး စနစ်ကို ဖြတ်ကျော် ထိုးဖောက် နိုင်စွမ်း ရှိမှု နှင့်သာ
တိုင်းတာ အကဲဖြတ် တော့မည် ဖြစ်သည်။ တနည်း အားဖြင့် ရုရှား တို့သည် အမေရိကန် တို့နှင့်
လက်နက် ပြိုင်ပွဲဝင် နိုင်သည့် ငွေကြေးရော၊ လူ့အရင်း အမြစ်ပါ မရှိသည့် အခြေ အနေကို
လက်ခံပြီး အမေ ရိကန် တို့၏ ရန်စမှုကို တုံ့ပြန် နိုင်ရန် အနည်းဆုံး လိုအပ်သည့် အနုမြူ
လက်နက် အရေအတွက်ကို ပိုင်ဆိုင် ရန်သာ လက်တွေ့ ကျကျ ကျင့်သုံး ခဲ့ခြင်း ဖြစ်သည်။
ထို့ပြင်
၂ဝဝဝ ပြည့်နှစ်တွင် ထုတ်ပြန် ခဲ့သည့် ရုရှား အမျိုးသား လုံခြုံရေး သဘော တရား Russia's
National Security Concept (2000) တွင် ဟန့်တားရေး မဟာ ဗျူဟာကို ကျင့်သုံး ရာတွင် အနုမြူ
လက်နက် တစ်ခုတည်း ကိုသာ မှီခို နေမည် မဟုတ်ပဲ သံတမန်ရေး၊ နိုင်ငံရေး၊ စီးပွားရေးနှင့်
အခြား စစ်ရေး မဟုတ်သော နည်းလမ်း များကိုပါ အသုံး ပြုမည်ဟု ဖော်ပြ ခဲ့သည်ကို တွေ့ရသည်။
ရုရှား တပ်မတော် စစ်ဦးစီးချုပ် ဗိုလ်ချုပ်ကြီး ယူရီဘာ လူယက်ဗ် စကီ ကလည်း ရုရှား တို့အနေဖြင့်
ရန်သူကို ထိရောက်စွာ တန်ပြန် နိုင်မည့် နည်းလမ်း အားလုံးကို အသုံးပြု ရမည်၊ ရှိပြီး
လက်နက် များကို အထိ ရောက်ဆုံး သုံးနိုင်မည့် သမားရိုးကျ မဟုတ်သော စစ်ဆင်မှု နည်းလမ်း
များကိုလည်း ရှာဖွေ အသုံးပြု ရမည်ဟု ထုတ်ဖော် ပြောကြား ခဲ့သည်ကို တွေ့ရသည်။
အနုမြူ
ဒုံးပျံတပ်ဖွဲ့များ
ရုရှား
တပ်မတော်၏ ဒုံးပျံတပ်ဖွဲ့များကို မြေပြင် အခြေစိုက်၊ လေယာဉ်တင်နှင့် သင်္ဘောတင် တပ်ဖွဲ့များ
အဖြစ် သုံးမျိုး ခွဲခြား ဖွဲ့စည်း ထားသည့် အနက် မြေပြင် အခြေစိုက်နှင့် သဘောင်္တင် တပ်ဖွဲ့များ၏
ခေတ်မီ ရေးကို ဦးစားပေး ဆောင်ရွက် လျှက်ရှိ သည်ကို တွေ့ရသည်။ ရုရှား တို့၏ စီမံချက်
အရ ၂ဝ၁၅ ခုနှစ်တွင် အနုမြူ ထိပ်ဖူး အရေ အတွက်ကို ၂ဝဝဝ အထိ ရောက်အောင် တိုးချဲ့ ထုတ်လုပ်
သွားမည် ဖြစ်သည်။ ရုရှားနှင့် အမေရိကန် နိုင်ငံတို့ ချုပ်ဆို ထားသည့် မဟာ ဗျူဟာ လက်နက်
လျှော့ချရေး စာချုပ်တွင် အများဆုံး ထားရှိ နိုင်သည့် ထိပ်ဖူး အရေ အတွက်ကို ၂၂ဝဝ အထိ
ခွင့်ပြု ထားပြီး ဖြစ်ရာ ရုရှားတို့ အနေဖြင့် အများဆုံး ထားနိုင်သည့် အရေ အတွက်သို့
ရောက်အောင် ဆောင်ရွက် သွားမည် ဖြစ်သည်။ ထိုကဲ့သို့ အရေ အတွက်ကို တိုးမြှင့် သကဲ့သို့
တစ်ဖက် ကလည်း ရှိပြီး ဒုံးပျံများကို ပိုမို ခေတ်မီသည့် ဒုံးပျံ အမျိုးအစား များနှင့်
အစားထိုး နိုင်ရန် ဆောင်ရွက်လျှက် ရှိသည်။ ရုရှား ကာကွယ်ရေး ဝန်ကြီး ဌာနက ၂ဝ၁၅ ခုနှစ်နှင့်
၂ဝ၂ဝ ပြည့်နှစ် ကြားတွင် ဒုံးပျံတပ်ဖွဲ့ ခေတ်မီအောင် တည်ဆောက်ရေး စီမံချက်ကို အပြီး
သတ်ရန်နှင့် ထိုသို့ တည်ဆောက် ပြီးပါက ရုရှား ဒုံးပျံ တပ်ဖွဲ့ အနေဖြင့် နောက်ထပ် တိုးချဲ့မှု
မပြုပဲ ၂ဝ၄၅ ခုနှစ်အထိ စွမ်းရည် အပြည့်ဖြင့် တိုက်ပွဲ ဝင်နိုင်စွမ်း ရှိမည်ဟု ခန့်မှန်း
ထားပါသည်။
လက်ရှိ
အချိန်တွင် ရုရှား တို့သည် ခေတ်မမီ တော့သော အက်စ်အက်စ် ၁၈ ဒုံးပျံများကို ဖျက်သိမ်း
လျှက်ရှိပြီး အက်စ်အက်စ် ၁၉ ဒုံးပျံ များကိုမူ ထိပ်ဖူး တစ်ခုတပ် ယာဉ်တင် RT-2PM2
Topol-Ms အမျိုး အစား ဒုံးပျံ များဖြင့် နှစ်စဉ် အစားထိုး လဲလှယ်လျှက် ရှိပေသည်။ အသစ်
ထပ်မံ ထုတ်လုပ်သည့် မြေပြင် အခြေစိုက် အက်စ်အက်စ် ၂၇ နှင့် သင်္ဘောတင် အက်စ်အက်စ် အင်န်အိတ်စ်
၃ဝ ဒုံးပျံများမှာမူ ထိပ်ဖူး ခြောက်ခု အထိ တပ်ဆင် ထားပြီး နောင်တွင် ထိပ်ဖူး ၁ဝ ခုအထိ
တပ်ဆင်ရန် လျာထားကြောင်း သိရသည်။ ထိုထိပ်ဖူး များမှာ ပစ်မှတ် တစ်ခုစီကို သီးခြား ရွေးချယ်
တိုက်ခိုက် နိုင်သည့် Multiple Independently Targetable Re-entry Vehicle (MIRV) အမျိုး
အစားများ ဖြစ်သောကြောင့် ဒုံးပျံ ကာကွယ်ရေး စနစ်များ အနေဖြင့် ခြေရာခံ ဖျက်ဆီးရန် ပိုမို
ခက်ခဲမည် ဖြစ်သည်။ ရုရှား ကာကွယ်ရေး ဝန်ကြီး ဌာန ကမူ အဆိုပါ ဒုံးပျံ များသည့် စတုတ္ထ
မျိုးဆက်သစ် ဒုံးပျံများ ဖြစ်သောကြောင့် အခြား နိုင်ငံများ အနေဖြင့် ထိုအမျိုးအစား
ဒုံးပျံများကို ထုတ်လုပ် နိုင်ရန် နောက်ထပ် ဆယ်နှစ်မှ ၁၅ နှစ် အတွင်း အချိန်ယူ ရမည်ဟု
ပြောကြား ခဲ့သည်။ ရုရှား တို့က လက်ရှိ အမေ ရိကန် တို့၏ ဒုံးပျံ ကာကွယ်ရေး စနစ်နှင့်
ဒုံးခွင်း ဒုံးများသည့် ထိုအမျိုးအစား ဒုံးပျံ များကို ရာခိုင်နှုန်း ပြည့် တားဆီး နိုင်မည်
မဟုတ် ဟုလည်း ပြောကြား ခဲ့သည်။
ထိုအက်စ်အက်စ်
အင်န်အိတ်စ် ၃ဝ ဒုံးပျံ များကို တင်ဆောင်မည့် ရေငုတ် သဘောင်္ကို ၂ဝဝ၆ ခုနှစ် တွင် စတင်
ရေချ ခဲ့ပြီး ၂ဝ၁ဝ ပြည့်နှစ်တွင် မျိုးဆက်သစ် ရေငုတ် သဘောင်္ သုံးစီးသည် တိုက်ပွဲဝင်
အသင့် အနေ အထားသို့ ရောက်ရှိမည် ဖြစ်သည်။ ထို့ပြင် လက်ရှိ ရေငုတ် သဘောင်္ ခြောက်စီး ကိုလည်း
ဒုံးပျံ အမျိုးအစား အသစ်များကို တပ်ဆင် နိုင်ရန် အတွက် မွမ်းမံ ပြင်ဆင် မှုများ ပြုလုပ်
ပြီးစီးမည် ဖြစ်သည်။ ရုရှား စစ်ရေး ကျွမ်းကျင် သူများက အမေရိကန် တို့၏ ဒုံးပျံ ကာကွယ်ရေး
စနစ်ကို ၂ဝ၂ဝ ပြည့်နှစ် မှသာ တိုက်ပွဲဝင် အသင့် ဖြစ်မည်ဟု ခန့်မှန်းထားပြီး ထိုအချိန်တွင်
ရုရှားတို့၏ အနုမြူ တပ်ဖွဲ့များ သည်လည်း ထိုစနစ်ကို ကျော်လွှား နိုင်စွမ်း ရှိနေ မည်ဟု
သုံးသပ် ထားသည်ကို တွေ့ရ ပါသည်။
သို့တိုင်အောင်
ရုရှားတို့ အနေဖြင့် ပိုလန်နှင့် ချက်နိုင်ငံ များတွင် အမေ ရိကန် ဒုံးပျံ ကာကွယ်ရေး
စနစ် ချထားမည့် အစီအစဉ်ကို ရုရှား တို့အား စိန်ခေါ်မှု အဖြစ် ရှု့မြင် နေဆဲ ဖြစ်သည်။ အကယ်၍
အမေရိကန် အနေဖြင့် ထိုအစီ အမံကို လက်တွေ့ အကောင် အထည် ဖော်ခဲ့လျှင် ရုရှား တို့ကလည်း
၁၉၈၇ ခုနှစ်က ချုပ်ဆို ထားခဲ့သည့် တာလတ်ပစ် ဒုံးပျံ ဖျက်သိမ်းရေး စာချုပ်မှ တစ်ဖက်သတ်
နှုတ်ထွက်ရန် ဆောင်ရွက် လာနိုင်သည်။ လက်ရှိ ရုရှား တို့၏ နည်းပညာနှင့် ကာကွယ်ရေး စက်ရုံများ၏
အခြေအနေ အရ ရုရှား တို့သည် ကီလိုမီတာ ၅ဝဝမှ ၁ဝဝဝ အထိ ပစ်ခတ် နိုင်သော တာတိုပစ်နှင့်
ကီလိုမီတာ ၁ဝဝဝ မှ ၅၅ဝဝ အထိ ပစ်ခတ် နိုင်သော တာလတ်ပစ် ဒုံးပျံများကို အချိန်တို အတွင်း
ထုတ်လုပ် နိုင်သည် သာမက ထိုဒုံးပျံ နည်းပညာ များကို အခြား နိုင်ငံ များသို့ ရောင်းချခြင်း
ကိုလည်း ပြုလုပ် နိုင်ပေသည်။ ထိုအချက် များကြောင့် ဥရောပ နိုင်ငံ များက ပူတင်၏ ခြိမ်းခြောက်
မှုကို အလေးအနက် ထားခဲ့ ကြခြင်း ဖြစ်ပါသည်။
ယခု
အချိန် အထိတော့ ဒုံးပျံ ကာကွယ်ရေး စနစ် ချထား ရေးနှင့် ပတ်သက်ပြီး နှစ်နိုင်ငံ ကြားတွင်
နိုင်ငံရေး ကစား မှုများ လုပ်နေဆဲ ဖြစ်ရာ အဆုံးသတ် ရလဒ် မည်သို့ ပေါ်ထွက် လာမည်ကို ခန့်မှန်း
နိုင်ရန် စောလွန်း နေပေ သေးသည်။ သို့သော် ဥရောပ ကာကွယ် ရေးနှင့် လုံခြုံရေးနှင့် ပတ်သက်ပြီး
အမေ ရိကန်နှင့် နေတိုးတို့ ထင်ရာစိုင်း ခဲ့သော ခေတ်ကုန်ပြီ၊ နောင်တွင် ရုရှား၏ သဘောထားကို
ထည့်သွင်း စဉ်းစား ရတော့မည် အချိန်ရောက် လာပြီ ဟုကား သေချာပေါက် ပြောနိုင်ပြီ ဖြစ်ပါသည်။
ရဲထွဋ်
International
Eleven : 26-07-2007
မှီငြမ်းပြုစာစောင်များ
၁။
|
Irina Isakova ,
Russian Defence Reform: Current Trends , November 2006, Strategic Study
Institute
|
၂။
|
NATO Condems Putin
Missile Vow, BC News,4-6-2007
|
၃။
|
Paul Raynolds , New
Era of Discord for Russia and West, June 2007
|
No comments:
Post a Comment