အနိမ့်အမြင့်၊ အတက်အကျ

ဒီနှစ် သင်္ကြန် ရုံးပိတ် ရက်များ အတွင်း ပုပ္ပါးကို မိသားစုနဲ့ ခရီး ထွက်ခဲ့သည်။ တောင်ကလပ် ပေါ်တက်တော့ ကားရပ် တဲ့ နေရာက စပြီး တောင်ကလပ် ထိပ်အထိ အတက် ခရီး တစ်လျှောက် ကြိုဆို သူတွေ အပြည့်။ ဘုရားတွေ၊ နန်းတွေက  အလှုခံများ၊ ၀င်ဖူး လိုက်ပါဦး ဆိုသည့် ရွှေကြိူများ ၊လူစာ၊ မျောက်စာ ရောင်းသူတွေ၊ တံမြက်စည်း တစ်ချောင်း၊ ရေပုံး တစ်လုံး ချထားပြီး လှေခါးထစ်များ သန့်ရှင်းရေး လုပ်နေလို့ စေတနာ အလျှောက် ကူခဲ့ပါဦး ဆိုသူတွေ၊ ဖိနပ်လေးတွေ အပ်ထား ခဲ့ဖို့ ဖိတ်ခေါ်သူ တွေ။ လှုသင့်တာ လူလိုက်၊ ခေါင်းခါ ပြသင့်သူကို ခေါင်းခါလိုက်၊ မမြင်ချင်ယောင် ဆောင်သင့် သူကို မျက်နှာ လွှဲလိုက်နှင့် တောင်ကလပ် ထိပ်ရောက် သွားခဲ့ ရသည်။

ဟော၊ အဆင်း ကျတော့၊ အေးအေး လူလူ။ အတင်း ခေါ်မယ့်သူ၊ ရောင်းမယ့်သူ မရှိ။ ၀င်ဖူး လိုက်ပါဦး ဆိုပြီး ဆွဲမတတ် ကြိုသူ တွေလည်း မရှိ။ ဖိနပ် အပ်ခဲ့တဲ့ နေရာ ရောက်တော့ အလာတုံးက ပေးပေး ဒီနား ထားလိုက်မယ် ဆိုပေမယ့် အပြန်ကြတော့ ကိုယ့် ဖိနပ် ကိုယ်မနည်း ပြန်ရှာ ခဲ့ရသည်။ ကားပေါ် ရောက်တော့ သမီးကြီးက အစတုံးက သူတို့ပဲ ထားပါ၊ ထားပါ ဆိုပြီး အခုတော့ အစချီကာ ရင်ဖွင့်သည်။ ကျွန်တော် ကတော့ အတက်နဲ့ အဆင်း ဘယ်တူ ပါ့မလဲ၊ အပြန် ကျတော့ အဖေ တို့က အဆင်းလေ  ဟုသာ ရိုးရိုးလေး ရှင်းပြခဲ့သည်။

ဒီသဘော တရားကို ကျောင်းဆရာ၊ စာရေးဆရာ၊ သတင်းစာ ဆရာ၊ နိုင်ငံရေး သမား ဆရာကြီး ဦးကြည်မြက ကဗျာ ဖွဲ့ပြ ခဲ့ဘူးသည်။ တော်လှန်ရေး ကောင်စီ အကြံပေး အဖွဲ့၊ ပြည်သူ့ တရား သူကြီး အဖွဲ့လို အာဏာပိုင် အဖွဲ့ အစည်းများမှာ နှစ်အတော်ကြာ ထမ်းဆောင်ပြီး အနားယူ ခဲ့သည့်အခါ ကြုံတွေ့ ရသည့် ဘ၀ကို ရွှေတိဂုံ ဘုရား စောင်းတန်းက အဖြစ်အပျက် လေးနဲ့ ထင်ဟပ် ပြခဲ့သည်။ ကဗျာ အမည်က  အတက်နဲ့ အဆင်း ၊ ဘုရားပေါ် အတက် ပန်းဆိုင်က ပျူငှာ ဖော်ရွေစွာနဲ့ ကြိုဆိုပုံ၊ အဲဒီ ဆိုင်မှာပဲ ထီးနဲ့ ဖိနပ်အပ် ခဲ့ပုံ၊ အပြန် ကျတော့ ဆိုင်ရှင် အမျိုးသမီး ငယ်က အဖက်တောင် မလုပ်တော့ ပုံများကို ဖွဲ့ဆို ထားခဲ့သည်။

အဲဒီကဗျာမှာ အဆင်း ခရီး အတွေ့ အကြုံကို ဆရာကြီးက အခုလို ဖွဲ့ဆိုခဲ့သည်-

ပန်းက လှတယ်

ထွန်းပါ ညှိပါ

ဖယောင်းတိုင်ရတယ်

မွှေးပါ့ ကြိုင်ပါ့

ပူဇော်ရတယ်

ခေါ်ကြ ငင်ကြ

ကြိုဆိုကြ၏။

ဒါပေမယ့် ငါတော့ မဟုတ်ပါဘူး

ထိပ်သို့ တက်သူ

ထိုထိုသူသာ

သူ ငါ ကြိုဆိုရခြင်းတကား။

ထီးနဲ့ ဖိနပ်

အပ်ခဲ့ဆိုင်နောက်

ငါဝင်ရောက်လဲ

အင်း အဲ မလှုပ်

ကျောက်ရုပ်ဆိုင်ရှင်မလေး

သူတွေး မျှော်မှန်း

တက်သည့်လမ်းက

လူများကို။

ငါ့ထီး ငါဆွဲ

ဖိနပ်လဲယူ

တူရူအောက်ဆီ

ဆင်းခဲ့၏။

နိမ့်ခြင်း၊ မြင့်ခြင်း၊ တက်ခြင်း၊ ကျခြင်း များကား မည်သူ မဆို ကြုံတွေ့ ရမည့် လောကဓံ တရားများ သာဖြစ်၏။ တကယ်တော့ တက်သည် ဖြစ်စေ၊ ဆင်းသည် ဖြစ်စေ စိတ္တသတ္တိ ခိုင်မာ ဖို့တော့ လိုသည်သာ။ အဲဒီလို မခိုင်မာဘူး ဆိုရင်တော့ တက်ချိန်မှာ မလွဲမသွေ တွေ့ရမည့် ဆွဲဆောင် မှုများ၏ ဒဏ်ကို ခံနိုင်မည် မဟုတ်။ ဒါ့ကြောင့်လည်း စစ်ရေး နိုင်ငံရေး ခေါင်းဆောင်ကြီး တစ်ဦးက ငါတို့လူတွေဟာ ဆင်းရဲ တဲ့ဒဏ် ခံနိုင်ပေမယ့် ချမ်းသာတဲ့ ဒဏ်မခံ နိုင်ဘူး ဟု ဆိုခဲ့ခြင်း ဖြစ်သည်။ သို့သော် သူကိုယ်တိုင် ပင်လျှင် အမြင့်မှာ ကြာလာတော့ လူတွေနဲ့ ကင်းကွာ သွားခဲ့သည်။

အတက်မှာ သတိ ကောင်းဖို့ လိုသလို အဆင်းမှာ ခြေမြဲ၊ လက်မြဲ သတိေ ကာင်းဖို့ လိုသေးသည်။ အကြောင်း တစ်စုံတစ်ရာ ကြောင့် ပြိုလဲခဲ့ချိန်မှာ မှန်ကန်သော ဆောက်တည်ခြင်း မပြုနိုင် သောကြောင့် ပြိုလဲ သွားခဲ့ ရသည့် အပေါင်း အသင်းတွေ၊ ဆရာ သမားတွေကို တွေ့ခဲ့ ဖူးသည်။ ဒီလို အကြိမ်ကြိမ် ပြိုလဲ ခဲ့သည့် ကြားက ပြန်လည် ထူမတ် ခဲ့သော သူများလည်း ရှိသည်။ ကျွန်တော့် မှာ အဲဒီလို ဆရာ သမားများနှင့် ကြုံခဲ့ရပြီး သူတို့ထံက ခိုင်မာသည့် စိတ္တ သတ္တိတွေ အများကြီး ရခဲ့သည်။

ဆရာသမား တစ်ဦးက ကွပ်ကဲမှု ဌာနချုပ် တစ်ခုမှာ ဒုတိယ အဆင့် အမြင့်ဆုံး အရာရှိကြီး။ သူကွပ်ကဲ ရသည့် တိုက်ပွဲကြီး တစ်ခုမှာ တပ်ဖွဲ့တစ်ခု အထိနာ ခဲ့ရသည့် ကိစ္စနှင့် ပတ်သက်ပြီး ရာထူး တူသော်လည်း လုပ်ပိုင်ခွင့် နိမ့်ကျသည့် ကွပ်ကဲမှု ဌာနချုပ် တစ်ခု၏ ဒုတိယ အဆင့် အမြင့်ဆုံး အရာရှိ အဖြစ် ပြောင်းလဲ တာဝန် ပေးခံ ရသည်။ တနည်း အားဖြင့် အပြစ်ပေး ခံရသည့် သဘောပင်။ ဆရာသ မားသည် အဲဒီ အခြေအနေမှာ စိတ်ဓာတ် မကျ၊ ဆက်ကြိုး စားသည်။ ဒါပေမယ့် နောက်ထပ် အဲဒီလို ဒုတိယ နေရာ ( Second in Command ) အဖြစ်နဲ့ ကွပ်ကဲမှု ဌာနချုပ် နှစ်နေရာကို ထပ်ပြောင်း ရသည်။ အထက် အကြီး အကဲ များက သူ့ကို ဆက်ပြီး စောင့်ကြည့် နေသည့် သဘော။ နောက်ဆုံးတော့ ကျွန်တော်တို့ တပ်ရင်းကို ကွပ်ကဲ ရသည့် ဌာနချုပ်မှူး ဖြစ်လာသည်။ အဲဒီအချိန် ၁၉၈၀ လွန်နှစ်များ အစပိုင်းက ကျွန်တော်တို့ တပ်ရင်းတွေနဲ့ တစ်ဘက် လက်နက်ကိုင် တပ်ဖွဲ့များ အကြား တိုက်ပွဲတွေ ပြင်းထန် နေသည့် အချိန်။ နယ်မြေ ကျွမ်းကျင်ပြီး ပြောက်ကျား စစ်ကို အဓိက ထားသည့် တစ်ဘက် အဖွဲ့အစည်းက အခြေအနေ ဖန်တီး နိုင်ခွင့်ကို ရထားသည့် အချိန်။

ဆရာသမားက အကွပ် အညှပ် ပြင်းထန်သည်။ အပင်ပန်း ခံသည်။ အောက်ခြေက အခြေအနေကို သိအောင် လုပ်သည်။ ဆုပေး ဒဏ်ပေး စနစ်ကို ပြင်းပြင်း ထန်ထန် ကျင့်သုံးသည်။ လူတွေကို အောင်စိတ် သွင်းပေးသည်။ အစပိုင်း ကာလ များမှာ အတော် ပင်ပန်းခဲ့ သော်လည်း အချိန် ကြာလာ သည်နှင့် အမျှ အခြေအနေ ဖန်တီး နိုင်ခွင့်က ကျွန်တော်တို့ ဘက်ကို ရောက်လာသည်။ တစ်ဘက် အဖွဲ့အစည်းရဲ့ အခိုင်အမာ နယ်မြေတွေ ပျောက်ကွယ် သွားပြီး နယ်စပ် တစ်ဝိုက် မှာသာ နေုထိုင်ရ သည့် အခြေအနေသို့ ရောက်သွား ခဲ့သည်။ ကျွန်တော်တို့ တစ်တွေကို စကား ပြောသည့် အခါတိုင်း သူ့အတွေ့ အကြုံကို ပြောပြသည်။ အဆိုးဆုံး အခြေအနေမှာ ပင်လျှင် အောင်စိတ်ကို ထိန်းသိမ်း မွေးမြူ ထားဖို့၊ ဘယ်နေရာ၊ ဘယ်တာဝန် ပေးပေး အကောင်းဆုံး ဖြစ်အောင် လုပ်ဖို့ တိုက်တွန်းသည်။ သူက ငါ့ကတော့ ငါ့ကို တံမျက်စည်း လှည်းဖို့ တာဝန် ပေးလည်း ငါတာဝန် ကျတဲ့ နေရာမှာ အပြောင်ဆုံး၊ အသန့် ရှင်းဆုံး ဖြစ်အောင်  လုပ်မှာပဲ ဟု အမြဲ ပြောလေ့ ရှိသည်။ နောင်တော့ ရာထူး အဆင့်ဆင့် တက်သွားခဲ့ပြီး ဒုတိယ ဗိုလ်ချုပ်ကြီး အဆင့်ထိ တာဝန် ယူသွား ခဲ့ရသည်။ နယ်ဘက် တာဝန် တွေလည်း ပူးတွဲ ထမ်းဆောင် သွားခဲ့သည်။

နောက် ဆရာ သမား တစ်ဦးကတော့ အတက် အကျတွေ အများကြီး ကြုံခဲ့သူ ဖြစ်သည်။ တပ်ရင်းမှူး ဘ၀မှာ စစ်ဦးစီးမှူး ( ပထမတန်း) ဂျီဝမ်း အဖြစ်  ရာထူး တိုးသည်။ အဲဒီအချိန်က တပ်ရင်းက ရှေ့တန်းမှာ၊ နောက်တန်းကို ပြန်နားရန် သိပ်မလို တော့သည့် အချိန်။ ဒီတော့ တပ်ရင်းနဲ့ အတူ ပြန်ပြီးမှ တာဝန် ကျသည့် နေရာသို့ ပြောင်းရန် ပြင်ဆင်သည်။ ဖြစ်ချင်တော့ အပြန်လမ်းမှာ ရန်သူက အလစ် အငိုက် အတိုက် ခံရပြီး ထိခိုက်မှု များခဲ့ ရသည်။ ရာထူး နေရာ အသစ်မှာ ခဏပဲ  နေလိုက် ရသည်၊ အဲဒီ တိုက်ပွဲနဲ့ပ တ်သက်ပြီး တာဝန် ရှိသည်ဟု ဆိုကာ ရာထူး ပြန်ချပြီး အခြား တပ်ရင်း တစ်ခုမှာ တပ်ရင်းမှူး ပြန်လုပ် ရသည်။ တော်ရုံ လူဆိုရင် စိတ်ပျက် လမ်းဆုံး သွားမည့် အဖြစ်မျိုး။ ဒါပေမယ့် ဆရာသမားက အဲဒီ တပ်ရင်းကို ဦးဆောင်ပြီး ရန်သူ နယ်မြေအ တွင်းထိ ထိုးဖောက်က အောင်ပွဲ ယူပြ ခဲ့သည်။ ဒီတော့ ဂျီဝမ်း ပြန်ဖြစ်သည်။ နောက်အဲဒီက နေ ရာထူး အဆင့်ဆင့် တက်ပြီး ကျွန်တော်တို့ ကွပ်ကဲမှု ဌာနချုပ်ကို ရောက်လာ ခဲ့သည်။ အဲဒီအချိန် ကျွန်တော်က စစ်ဦးစီး အရာရှိ ဘ၀။

သူကတော့ စစ်ဆင်ရေး ကိစ္စများ သာမက ကျွန်တော်တို့ လက်လှမ်း ဝေးသည့် အုပ်ချုပ်ရေး ဆိုင်ရာ ကိစ္စများပါ အသေးစိတ် သင်ကြား ပေးသည်။ နောက်ပြီး တပ်မတော် သမိုင်း၊ တပ်မတော် ခေါင်းဆောင် များ၏ ကိုယ်ရေး သမိုင်း အတုယူ စရာတွေ၊ ပါသလို သင်ခန်းစာ ယူရမည့် အချက် တွေလည်း ပြောပြ ခဲ့သည်။ နောင်တွင် ရာထူး တက်ပြီး ပို အဆင့်မြင့်သည့် ကွပ်ကဲမှု ဌာနချုပ်မှူး အဖြစ် ရာထူး တိုးမြှင့် ခံရပြီး ဗိုလ်ချုပ် အဆင့်ထိ တာဝန်ယူ သွားခဲ့သည်။ ဒါတွင်မက အရေး ကြီးသည့် နယ်ဘက် ၀န်ကြီးဌာန များကိုလည်း ဦးဆောင် သွားခဲ့သည်။ သူကလည်း ဂျီဝမ်း ဘ၀ကနေ ခြေလျင် တပ်ရင်းမှူး အဖြစ် ပြန်သွား ရမယ် ဆိုတော့ ယူနီဖောင်းက လက်မောင်း တံဆိပ်များကို ပြောင်းတပ်ရင်း ဇနီးဖြစ်သူ မျက်ရည် ကျခဲ့သည့် အကြောင်း၊ သူ့ကို ဂိတ်ဆုံးပြီး ဆိုကာ နှိမ့်ချ ဆက်ဆံ ခဲ့သူများ အကြောင်း၊ အဲဒီအချိန်မှာ သူ့ကို ကူညီ အားပေး ခဲ့သည့် မိတ်ဆွေ ကောင်းတွေ၊ သူနဲ့ အတူ တိုက်ပွဲ ၀င်ပြီး အောင်ပွဲကို ရယူပေးတဲ့ ရဲဘော်တွေ အကြောင်း ကျွန်တော် တို့ကို ပြောပြ တတ်သည်။

ဒါ့အပြင် ဘ၀ကို ချောတိုင်နဲ့ ညွှန်းပြီး ငါကတော့ ဘယ်နှစ်ခါ ပြန်ကျကျ ရအောင် တက်မှာပဲဟု ဆိုသည်။ နောက်ပြီး ကျွန်တော် တို့ကို မင်းတို့ အပေါ်ကို တက်သွား တဲ့အခါ နင်းတက် ခဲ့တဲ့ လှေကားထစ် တွေကို မမေ့နဲ့ ဟုဆိုသည်။ ဒီထက် အရေးကြီးတာက မင်းတို့ တက်နေတုံး ပြန်ဆင်း လာတဲ့ သူတွေ တွေ့ရင်လည်း ကောင်းကောင်း နှုတ်ဆက်ကွ၊ မင်းတို့လည်း တစ်နေ့ ပြန်ဆင်း ရမှာပဲ။ အဲဒီအခါ ကျရင် မင်းတို့ကို နှုတ်ဆက် တဲ့သူ ရှိလိမ့်မယ် ဆိုသည့် ဆုံးမစကား ဖြစ်သည်။

အတက်၊ အကျ သဘောေ တွကို အစထဲက နှလုံးသွင်း တတ်သူ များနဲ့လည်း ကြုံတွေ့ခဲ့ ဘူးသည်။ ၁၉၉၀ ပြည့်လွန် နှစ် များက တိုင်းစစ်ဌာနချုပ် တစ်ခုမှာ ဦးစီး အရာရှိ တာဝန် ယူသည့် အချိန်။ အဲဒီအချိန်က တိုင်းမှူးများက နယ်ဘက် ဆိုင်ရာ အုပ်ချုပ်ရေး ကိုပါ ပူးတွဲ တာဝန်ယူ ထားသည့် အချိန် ဖြစ်သည်။ ဒီတော့ နယ်ဘက် ဆိုင်ရာ အခမ်းအနား များကိုလည်း ကျွန်တော်တို့ တာဝန် ယူရသည်။ ဒီမှာ ခုံနေရာ ပြဿနာနဲ့ ကြုံရသည်။ တပ်မှာတော့ ကြီးစဉ်ဇ ယားက အတိအကျ၊ နယ်ဘက် ကျတော့ ပြည်နယ် အဆင့်၊ တိုင်းအဆင့် ဌာန အကြီးအကဲ အားလုံးက အတူတူလို ဖြစ်နေသည်။ ဒီတော့  ရှေ့ဆုံး တန်းကို လုတာတွေ ရှိသည်။ ဘာ့ကြောင့်မှန်း မသိ၊ ဓာတ်ပုံထဲ ပါချင်လို့လား၊ ဒါမှမဟုတ် ရှေ့ဆုံးတန်းက ပိုအရေးပါသည် ဟု ထင်လို့လား။

ဒါပေမယ့် ဌာန အကြီးအကဲ တစ်ဦး ကတော့ ဘယ်အချိန် ရောက်ရောက် ဒုတိယ တန်းမှာ သွားထိုင် နေတတ် တာကို သတိပြု မိသည်။ အခမ်းအနား စခါနီး ရှေ့ခုံတွေ လွတ်နေတဲ့ အခါ ကျွန်တော် တို့က ရှေ့မှာ လာထိုင်ဖို့ ပြောရသည်။ တစ်နေ့တော့ ကျွန်တော်က အန်ကယ်ကြီး စောစော ရောက်လည်း ဘာ့ကြောင့် နောက်သွား ထိုင်နေတာ လည်းဟု စပ်စုမိသည်။ သူက ဗိုလ်မှူးရေ၊ ရှေ့မှာ ထိုင်နေပြီး အကြောင်းကြောင့် နောက်တန်း ပြန်ဆင်း ထိုင်ရရင် မြင်မကောင်း ဘူးဗျ၊ လိုအပ်လို့ ရှေ့ရွှေ့ထိုင် ပေးရတာက ပြဿနာ မဟုတ်ဘူးဟု ရှင်းပြသည်။ ဒါကလည်း သင်ခန်းစာ တစ်ခုပင်။

ကျွန်တော့် ဘ၀လမ်း တစ်လျှောက်မှာ အဲဒီလို လူတွေ ဆီက စိတ်ဓာတ် ခွန်အားတွေ၊ အတွေး အမြင်တွေ ရခဲ့တာက ကံထူးမှု တစ်ခုပင်။ ဘ၀လမ်းရဲ့ တစ်ခုသော အစိတ်အပိုင်းမှာ ကျွန်တော်လည်း နိမ့်ကျ ခဲ့ဖူးသည်။ လုပ်ဖော် ကိုင်ဘက်တွေ ရှေ့က ခြေလှမ်း သွက်သွက် ခရီး နှင်စဉ်မှာ ချောင် တစ်ချောင်မှာ ကျွန်တော် ရှိနေ ခဲ့သည်။ အဲဒီအချိန်က ဆရာသမား နှစ်ဦးရဲ့ စိတ္တ သတ္တိ တွေကို မွေးယူ ခဲ့ရသည်။ အခက်အခဲ များကို အခွင့်အလမ်း အဖြစ် ပြောင်းနိုင်ဖို့ ကြိုးစားသည်။ မဲဇာ ရောက်နေတုံး စာတွေ ပိုဖတ်ဖြစ်၊ ပိုရေး ဖြစ်သည်။ မိသားစုနှင့် အခြေ အနေတွေကို ရင်ဆိုင် ဖြေရှင်း ခဲ့သည်။ ဒါ့အပြင် ဆရာတော် ဦးဇောတိ ကရဲ့ တရား စာအုပ် တွေနဲ့လည်း စိတ်ကို ဆောက်တည် ခဲ့ရသည်။

တစ်လောတုံးက နာရေး တစ်ခုမှာ ဆရာတော်၏ ဒကာရင်း တစ်ဦးနှင့် အမှတ်မထင် ဆုံသည့် အခါ ထိုအချိ်န်က ဆရာတော့် စာတွေနဲ့ ဆောက်တည် ခဲ့ရ ပုံများကို ရှင်းပြရင်း ကျေးဇူး စကား ဆိုမိသည်။ ထိုမိတ်ဆွေက အခုကော ဟု မေးသည်။  အခု လည်း အကြိမ်ကြိမ် ပြန်ဖတ်နှလုံးသွင်း ဖြစ်ပါတယ်။ အတက်မှာ အခြေ မလွတ်ဖို့ လိုသလို အဆင်း အတွက်လည်း ပြင်ဆင် ရဦးမယ် လေ၊ ဆရာတော် ကိုလည်း လျှောက်ပေးပါ ဟု ဖြေခဲ့ ပါသည်။

ဘ၀ ခရီးကား ရှည်လျား၏။ ဘယ်အကွေ့မှာ ဘာတွေ ဖြစ်မည် မသိနိုင်။ လုပ်နိုင် တာကတော့ အနိမ့် အမြင့်၊ အတက် အကျ အားလုံး အတွက် ပြင်ဆင် ထားခြင်းပဲ ဖြစ်ပါသည်။ ဒါဆိုရင်တော့ ကြောင့်ကြခြင်း ကင်းစွာဖြင့် ခရီး ဆက်နိုင် လိမ့်မည် ထင်သည်။

ရဲထွဋ်

Facebook စာမျက်နှာမှ