တရုတ် နိုင်ငံတွင် ထုတ်ဝေသော စစ်ဘက်
ဆိုင်ရာ စာပေ များ၌ ရေးသား ဖော်ပြ ချက်များ အရ တရုတ် နိုင်ငံ အနေဖြင့် ဟန့်တား နှောက်ယှက်ရေး
မဟာ ဗျူဟာကို အောက်ပါ အတိုင်း အသုံးပြု လာနိုင် သည်ဟု အမေရိကန် စစ်ရေး ကျွမ်းကျင် သူများက
သုံးသပ် တင်ပြခဲ့ ကြသည်ကို တွေ့ရ ပေသည်-
စစ်စခန်းချခွင့်၊
နယ်မြေအသုံးပြုခွင့်မရရှိအောင်တားဆီးခြင်း
တရုတ် နိုင်ငံ အနေဖြင့် ပဋိပက္ခ ကာလတွင်
ဒေသတွင်းရှိ အမေ ရိကန်တို့၏ မဟာမိတ် နိုင်ငံများက ၎င်းတို့ နိုင်ငံရှိ အခြေစိုက် စခန်း
များကို အမေရိကန် တပ်ဖွဲ့များ အသုံးပြု ခြင်းအား တားဆီးခြင်း၊ သို့မဟုတ် လေပိုင်နက်ကို
ဖြတ်ကျော် ပျံသန်း ခွင့်မပြုခြင်း၊ ဆိပ်ကမ်း များကို အသုံးပြုခွင့် မပေး ခြင်းတို့
လုပ်ဆောင် လာစေရန် အတွက် သံတမန်ရေး၊ နိုင်ငံရေး နည်းလမ်း များဖြင့် ဆောင်ရွက် လာနိုင်
ပေသည်။ အီရတ် စစ်ပွဲ ကာလက နေတိုး အဖွဲ့ဝင် နိုင်ငံ ဖြစ်သော တူရကီ နိုင်ငံက တူရကီ
လေတပ် အခြေစိုက် စခန်းများကို အမေရိကန်တို့အား အသုံး ပြုခွင့် ပေးရန် ငြင်းဆန် ခဲ့ခြင်းသည်
အကောင်းဆုံး ဥပမာပင် ဖြစ်သည်။ ဖိလစ်ပိုင် နိုင်ငံမှ ရေတပ်နှင့် လေတပ် အခြေစိုက် စခန်း
များကို ရုပ်သိမ်းခဲ့ ရပြီးနောက် အမေရိကန် တို့သည် ဂျပန် နိုင်ငံရှိ အခြေစိုက် စခန်း
များကို အလွန်အမင်း အားထား နေရခြင်း သည် အမေ ရိကန်တို့၏ အားနည်းချက် တစ်ခု ဖြစ်နေသည်။
ကွပ်ကဲမှု၊
ကြီးကြပ်မှု၊ ဆက်သွယ်မှုနှင့် ထောက်လှမ်းရေး စနစ်များကို တိုက်ခိုက်ခြင်း
အမေရိ ကန်တို့၏ ကွပ်ကဲ ကြီးကြပ်မှု စနစ်
အပေါ် တိုက်ခိုက်မှု များသည် ကြည်း၊ ရေ၊ လေ၊ အာကာသနှင့် ဆိုင်ဘာ နယ်မြေ ငါးခု လုံးမှ
ဘက်စုံ ဒေါင့်စုံ ပေါ်ပေါက် လာနိုင်သည်။ တိုက်ခိုက်မှု နည်းလမ်း များမှာလည်း ဆက်သွယ်မှု
စနစ်ကို ဝင်ရောက် နှောက်ယှက်သည့် အပျော့စား တိုက်ခိုက်မှု များမှသည် အဆောက် အအုံများကို
ပျက်စီး စေသည့် ပြင်းထန်သော တိုက်ခိုက်မှု များအထိ ပါဝင် လာနိုင်သည်။ ပြင်းထန်သည့် လျှပ်စစ်
သံလိုက် လှိုင်းများ ပေါ်ထွက် စေသည့် ပေါက်ကွဲ မှုများကို ပြုလုပ် ခြင်းဖြင့် ဆက်သွယ်မှု
စနစ်ကို နှောက်ယှက် ဖျက်ဆီးသည့် နည်းလမ်း သည်လည်း ဖြစ်နိုင် ဖွယ်ရာ ရှိသော တိုက်ခိုက်မှု
များထဲတွင် ပါဝင်ပေသည်။
ကွန်ပျူတာကွန်ယက်စနစ်ကို
တိုက်ခိုက်ခြင်း
အမေရိကန် စစ်ဘက် ကွန်ပျူတာ ကွန်ယက်စနစ်
၏ ၉ဝ% သည် အများ ပြည်သူသုံး ကွန်ပျူတာ ကွန်ယက် စနစ် များကို ဖြတ်သန်း ဆောင်ရွက် နေခြင်း
ဖြစ်သည်။ ကိုဆိုဗို စစ်ပွဲ ကာလ အတွင်းက ဆာဘီးယား ဟက်ကာ များက အမေရိကန် လေယာဉ်တင် သဘောင်္
အုပ်စု ၏ ကွပ်ကဲမှု ကွန်ပျူတာ ကွန်ယက် စနစ် အတွင်းသို့ ထိုးဖောက် တိုက်ခိုက် ခဲ့ရာ
လေယာဉ်တင် သဘောင်္ အုပ်စု၏ စစ်ဆင်ရေး လုပ်ငန်းများ ကသိ ကအောင့် ဖြစ်ခဲ့ ရဖူးသည်။ ထို့ပြင်
ကွန်ပျူတာ စနစ်ကို တိုက်ခိုက် မှုသည် စစ်ဖြစ် ချိန်မှသာ မဟုတ်ပဲ ငြိမ်းချမ်းချိန် ကာလကပင်
မိမိ ပြိုင်ဖက်၏ ကွန်ပျူတာ စနစ် တွင်းသို ထိုးဖောက် သတင်း ယူခြင်း၊ ဗိုင်းရပ်စ်များ
ထည့်သွင်း ထားပြီး လိုအပ် ချိန်တွင် အသက် သွင်းခြင်းဖြင့် ကွန်ပျူတာ စနစ်ကို နှောင့်ယှက်
ဖျက်ဆီးခြင်း တို့ကို ဆောင်ရွက် နိုင်သည့် အားသာ ချက်လည်း ရှိနေ ပေသည်။
ဂြိုလ်တုဖျက်စနစ်
အမေရိကန် တပ်မတော်၏ ကွပ်ကဲ ကြီးကြပ်မှု၊
ဆက်သွယ်မှု၊ ထောက်လှမ်းမှု နှင့် ပစ်မှတ် ရှာဖွေမှု စနစ် အားလုံးသည့် ဂြိုလ်တု ဆက်သွယ်ရေး
စနစ် အပေါ်တွင် မီခို နေရခြင်း ဖြစ်သည်။ ထို့ပြင် အမေရိကန် တပ်မတော်၏ ပဲ့ထိန်း ဒုံးစနစ်
များသည် ဂျီပီအက်စ် စနစ်ဖြင့် လမ်းကြောင်း ထိန်းသိမ်း မှုများကို ဆောင်ရွက် နေခြင်း
ဖြစ်သည်။ ၁၉၉၁ ခုနှစ် ပင်လယ်ကွေ့ စစ်ပွဲ အပြီးတွင် ပြုလုပ် ခဲ့သည့် တရုတ် တပ်မတော်၏
လေ့လာ ချက်အရ စစ်ပွဲ ကာလ အတွင်းတွင် အမေရိကန် တို့၏ ဆက်သွယ်မှု ၉ဝ% ကို ဂြိုလ်တုမှ တဆင့်
ဆောင်ရွက် ခဲ့ခြင်း ဖြစ်ကြောင်း တွေ့ခဲ့ ရသည်။ ထို့ကြောင့် ၂ဝဝဝ ပြည့်နှစ်တွင် တရုတ်
စစ်ပညာ ဂျာနယ် တစ်စောင် ၌ အမေ ရိကန်ကို လေယာဉ်ချင်း၊ တင့်ကားချင်း ယှဉ်တိုက်ရန် မဖြစ်
နိုင်သည့် နိုင်ငံများ အနေဖြင့် အမေရိကန် တို့၏ အာကာသ အခြေပြု ဆက်သွယ်မှု စနစ်ကို တိုက်ခိုက်ရန်
ကြိုးစား သင့်ကြောင်း၊ ထိုသို့ တိုက်ခိုက် ရာတွင် ဂြိုလ်တုမှ ထုတ်လွှင့် ချက်များကို
နှောက်ယှက်ခြင်း (Jamming) နှင့် ဂြိုလ်တု များကို ဖျက်ဆီးခြင်း နည်းလမ်း နှစ်မျိုး
လုံးကို သုံးသင့်ကြောင်း တိုက်တွန်း ထားသည့် ဆောင်းပါး တစ်စောင်ကို ဖော်ပြခဲ့ သည်ကို
တွေ့ခဲ့ရသည်။ ယခုနှစ် ဇန်န ဝါရီလ ၁၁ ရက်နေ့တွင် မြေပြင် အထက် မိုင် ၅ဝဝကျော် တွင် ရှိနေသော
မိုးလေဝသ ဂြိုလ်တု အဟောင်း တစ်လုံးကို မြေပြင်မှ ဒုံးပျံဖြင့် ပစ်ခတ် ဖျက်စီး နိုင်ခဲ့
သည်ကို တွေ့ရ သည်။ ထို့ကြောင့် မိုင် ၅ဝဝ ကမ္ဘာ ပတ်လမ်း အတွင်းတွင် ရှိနေသော အမေရိကန်
ဂြိုလ်တု များသည် တရုတ် တို့၏ ဂြိုလ်တုဖျက် ဒုံးလက်နက် စနစ်ဖြင့် ဖျက်ဆီးခြင်း ခံရမည့်
အန္တရာယ်နှင့် ရင်ဆိုင် နေရပြီ ဖြစ်သည်။
အုပ်ချုပ်
ထောက်ပံ့မှု စနစ်အား တိုက်ခိုက်ခြင်း
ဒေသတွင်းတွင် အခြေပြု ထားသော အမေရိကန်
တပ်ဖွဲ့ များကို ပဋိပက္ခ ဖြစ်ပွားရာ နေရာသို့ လျှင်မြန်စွာ တပ်ဖြန့်ခြင်း မပြုနိုင်ရန်၊
နောက်ထပ် တပ်ဖွဲ့ သစ်များကို အာရှ ဒေသ တွင်းသို့ ပို့ဆောင်ခြင်း မပြုနိုင် ရန်နှင့်
နောက်ဆုံး အဆင့်တွင် စစ်မြေပြင်တွင် ရောက်ရှိ နေသော တပ်ဖွဲ့များသို့ အုပ်ချုပ် ထောက်ပံ့မှု
မပြုလုပ် နိုင်ရန် ရည်ရွယ် တိုက်ခိုက်ခြင်း ဖြစ်သည်။ ထိုသို့ တိုက်ခိုက် ရာတွင် အမေရိကန်
အခြေစိုက် စခန်း များကို အနုမြူ ထိပ်ဖူးတပ် တိုက်ချင်းပစ် ဒုံးပျံ များဖြင့် လည်းကောင်း၊
သမား ရိုးကျ ထိပ်ဖူးတပ် ခရုစ် ဒုံးပျံ များဖြင့် လည်းကောင်း တိုက်ခိုက် ခြင်းမှ အစ
လေကြောင်းမှ တိုက်ခိုက်ခြင်း အလယ် အထူး တပ်ဖွဲ့များ၊ အကြမ်းဖက် သမား များဖြင့် တိုက်ခိုက်ခြင်း
အဆုံး နည်းလမ်း များကို အသုံး ပြုနိုင် ပေသည်။ ထို့ပြင် အချက်အခြာ ကျသော ကုန်သွယ် ရေလမ်းကြောင်း
များကို ရေငုပ် သဘောင်္များ၊ ရေမြှပ် မိုင်းများဖြင့် ပိတ်ဆို့ နိုင်သကဲ့သို့ မလက္ကာ ရေလက်ကြား
ကဲ့သို့သော နေရာတွင် ရေနံတင် သဘောင်္ကြီး တစ်စီးကို နှစ်မြှပ်ခြင်း စသည် တို့ကလည်း အုပ်ချုပ်
ထောက်ပံ့မှု စနစ်ကို ပျက်ပြားအောင် လုပ်ဆောင် နိုင်ပေသည်။
အမေရိကန်တို့ကြံဆချက်
တရုတ် နိုင်ငံ၏ ဟန့်တား နှောက်ယှက်မှု
မဟာ ဗျူဟာကို တုန့်ပြန်ရန် အတွက် အမေ ရိကန်တို့၏ အဓိက အားနည်း ချက်မှာ အာရှ ဒေသတွင်းရှိ
အခြေစိုက် စခန်း များ၏ အနေ အထားပင် ဖြစ်သည်။ ဗီယက်နမ် စစ်ပြီးဆုံး ပြီးချိန်တွင် တောင်
ဗီယက်နမ်ရှိ အခြေစိုက် စခန်းများကို လက်လွှတ် ခဲ့ရ သကဲ့သို့ ၁၉၉၁ ခုနှစ် စက်တင် ဘာလတွင်
ဖိလစ်ပိုင် နိုင်ငံက အမေရိကန် ရေတပ်နှင့် လေတပ် အခြေစိုက် စခန်းများ ငှားရမ်းသည့် စာချုပ်ကို
သက်တမ်း တိုးရန် ငြင်းဆန် ခဲ့ပြီးနောက် ကလတ် လေတပ် စခန်းနှင့် ဆူဘစ် ရေတပ် စခန်း များကို
လက်လွှတ် ခဲ့ရသည်။ အဆိုပါ စခန်း နှစ်ခုမှာ ပင်လယ် ရပ်ခြားရှိ အမေရိကန် အခြေစိုက် စခန်း
များတွင် အကြီးဆုံး နှစ်ခုဖြစ်ရာ ထိုစခန်းများကို ဆုံးရှုံး ခဲ့ရခြင်းမှာ အမေရိကန် တို့အတွက်
အထိနာ လှပေသည်။
ထို့ကြောင့် လက်ရှိ အချိန်တွင် အာရှ ဒေသရှိ
အမေရိကန် တပ်ဖွဲ့ များသည် တောင် ကိုရီးယား နိုင်ငံရှိ စခန်းနှစ်ခု၊ ဂျပန် နိုင်ငံရှိ
စခန်း(၇) ခုနှင့် အမေရိကန်ပိုင် ဂူအမ် ကျွန်းရှိ စခန်း တစ်ခု ပေါ်တွင်သာ မီခို နေရ
ပေသည်။ သို့သော် တောင် ကိုရီးယား နိုင်ငံနှင့် အိုကီနာဝါ ကျွန်းတို့တွင် အမေရိကန် စစ်စခန်း
ချထားမှု များကို ဆန့်ကျင် မှုများ တိုးပွား လာနေ မှုကြောင့် ထိုစခန်း များ၏ အနာဂတ် မှာလည်း
မရေမရာ ဖြစ်နေ ပေသည်။ ထိုထက် ပိုပြီး စိုးရိမ် ရသည့် အချက်မှာ ဂျပန်နှင့် တောင် ကိုရီးယားရှိ
စခန်း များကို တရုတ်တို့၏ ခရုစ် ဒုံးပျံများက လက်လှမ်းမီ နေခြင်းပင် ဖြစ်သည်။
ထို့ကြောင့် အမေ ရိကန်တို့က အာရှ ဒေသတွင်
နောက်ထပ် အခြေစိုက် စခန်းများ ထပ်မံ ရှာဖွေရန်၊ စခန်းများ ထားရှိခွင့် မရှိသည့်တိုင်
အမေရိကန် လေယာဉ်နှင့် စစ် သဘောင်္များ ရပ်နားခွင့်၊ ဆိုက်ကပ်ခွင့်၊ လေယာဉ် ဖြတ်ကျော်
ပျံသန်း ခွင့်များ ရရှိ စေရန်၊ အမေ ရိကန်တို့၏ လေကြောင်းနှင့် ဒုံးပျံ ကာကွယ်ရေး စနစ်ကို
အရည် အသွေး မြှင့်တင်ရန်၊ ကွန်ပျူတာ ကွန်ယက် စနစ်ကို ကာကွယ် ရန်နှင့် အုပ်ချုပ် ထောက်ပံ့မှု
စနစ် လုံခြုံမှုကို တိုးမြှင့် ဆောင်ရွက်ရန် ဆောင်ရွက် လာသည်ကို တွေ့ရသည်။
ထို့ပြင် အမေ ရိကန် တပ်မတော်သည် အာရှ-
ပစိဖိတ် ဒေသတွင် နောက်ထပ် လေယာဉ်တင် သဘောင်္ အုပ်စု တစ်ခုကို စေလွှတ် ထားသင့် မသင့် သုံးသပ်
လျှက်ရှိသည်။ အကယ်၍ အရေးပေါ် အခြေ အနေတွင် လေယာဉ်တင် သဘောင်္ အုပ်စု တစ်ခုကို တရုတ်(တိုင်ပေ)
ရေလက်ကြားသို့ အမေရိကန် နိုင်ငံ အနောက်ဖက် ကမ်းခြေမှ စေလွှတ်လျှင် ကိုးရက်မှ ဆယ်ရက်၊
ဟာဝိုင်ယီ ကျွန်းမှ စေလွှတ်လျှင် ခုနှစ်ရက်၊ စင်္ကာပူမှ စေလွှတ်လျှင် သုံးရက်နှင့် ဂူအမ်
ကျွန်းမှ စေလွှတ်လျှင် နှစ်ရက် ကြာမြင့်မည် ဖြစ်သည်။ အမေရိကန် တို့၏ ပင်မ တိုက်ခိုက်ရေး
အင်အားစုမှာ လေယာဉ်တင် သဘောင်္ အုပ်စုများ ဖြစ်ပေရာ ၎င်းတို့ကို ပဋိပက္ခ ဖြစ်ပွားရာ ဒေသသို့
အမြန်ဆုံး ဖြန့်ကျက် နိုင်ရေးမှာ အမေရိကန် တို့၏ တပ်ဖြန့် ကျက်မှု မဟာ ဗျူဟာတွင် အဓိက
လိုအပ်ချက် ဖြစ်နေ၏။ တရုတ် တို့အနေဖြင့် ပဋိပက္ခကို အမေရိကန်တို့ အင်အားနှင့် ဝင်ရောက်
မစွတ်ဖက် နိုင်မီ အဆုံး သတ်ရန် ကြိုးစားမည် ဖြစ်ရာ လေယာဉ်တင် သဘောင်္ အုပ်စု များကို
အချိန်တို အတွင်း လိုအပ်သည့် နေရာသို့ ရောက်ရှိ နိုင်အောင် ကြိုတင် ပြင်ဆင် ထားရန်
လိုအပ် နေပြီ ဖြစ်သည်။
နောက်ထပ် အမေရိကန် တို့၏ နည်းလမ်း တစ်ခုမှာ
ဒေသတွင်း အရေး ပါသော မဟာမိတ် များ၏ ကာကွယ်ရေး စွမ်းရည်ကို မြှင့်တင် ပေးရေးပင် ဖြစ်သည်။
ထိုနိုင်ငံများ အနေဖြင့် တရုတ် နိုင်ငံ၏ တိုက်ခိုက်မှု များကို အချိန် ကြာကြာ ရင်ဆိုင်
နိုင်ပါက အမေရိကန်တို့ အနေဖြင့် တရုတ်တို့က ၎င်းတို့၏ မဟာဗျူဟာ ရည်မှန်း ချက်များ မရမီ
လုံလောက်သော အင်အားဖြင့် ဝင်ရောက် တားဆီး နိုင်ခွင့် ရရှိမည် ဖြစ်သည်။ အလားတူပင် ဒေသတွင်းရှိ
မိတ်ဆွေ နိုင်ငံများ ကိုလည်း တရုတ် နိုင်ငံ၏ သံတမန်ရေး၊ နိုင်ငံရေး၊ စစ်ရေး အရ ဖိအား
ပေးမှု များကို ခံနိုင် စေရန် အတွက် ကာကွယ်ရေးနှင့် စီးပွားရေး အကူ အညီများ ပိုမိုပေးအပ်
သွားရန်လည်း ဆောင်ရွက်လျှက် ရှိပေသည်။ ထိုနည်းလမ်း ကြောင့်ပင် မကြာမီ နှစ်များ အတွင်း
အမေရိကန် အနေဖြင့် ဂျပန်နိုင်ငံ၏ ကာကွယ်ရေး အင်အား တိုးချဲ့မှုကို ထောက်ခံ ခဲ့သကဲ့သို့
ခေတ်မီ လေကြောင်းရန် ကာကွယ်ရေး စနစ်များ ကိုလည်း ပေးပို့ ခဲ့သည်ကို တွေ့ရမည် ဖြစ်သည်။
အလားတူပင် တရုတ် (တိုင်ပေ)သို့ ခေတ်မီ စစ်သဘောင်္များ ရောင်းချပေး သကဲ့သို့ အာဆီယံ နိုင်ငံ
အချို့နှင့် စစ်ရေး ပူးပေါင်း ဆောင်ရွက် မှုများကို တိုးမြှင့် ဆောင်ရွက် လာသည်ကို
တွေ့ရမည် ဖြစ်သည်။
အမေရိကန် တို့သည် တရုတ် နိုင်ငံ၏ ဂြိုလ်တုဖျက်
ဒုံးစနစ် စမ်းသပ်မှု ကိုလည်း အန္တရာယ် ကြီးသော လုပ်ရပ် အဖြစ် ရှုမြင် ခဲ့သည်။ ထို့ကြောင့်
ဘုရ်ှက အမေရိကန်၏ အမျိုးသား လုံခြုံရေးနှင့် အမျိုးသား အကျိုး စီးပွားကို ကာကွယ်ရန်
အတွက် အာကာသ အတွင်းတွင် လွပ်လပ်စွာ လှုပ်ရှား ဆောင်ရွက်ခွင့် ရှိရမည် ဖြစ်ကြောင်း နှင့်
ပြိုင်ဖက်များက အမေရိကန် နိုင်ငံ၏ အာကသတွင်း လုပ်ဆောင်မှု များကို နှောက်ယှက်ရန် ကြိုးစားမှု
များကို လက်သင့် ခံမည် မဟုတ်ကြောင်း ထုတ်ပြော ခဲ့သည်ကို တွေ့ရ ပါသည်။
ထိပ်တိုက်ရင်ဆိုင်မှုအလားအလာ
အထက်ပါ စစ်အခြေခံ သဘော တရားများ၊ စစ်နည်း
ဗျူဟာ များကို သုံးသပ် ပြင်ဆင် နေသော်လည်း အင်အားကြီး နှစ်နိုင်ငံကြား ထိပ်တိုက် တွေ့ဆုံမည့်
အလားအလာမှာ မရှိသလောက် နည်းပါး နေဆဲ ဖြစ်ပါသည်။ အထက်ပါ ပြင်ဆင်မှု များမှာ နှစ်ဘက်လုံးက
ကာကွယ်ရေး မူဝါဒ ချမှတ် သူများအ နေဖြင့် အဆိုးဆုံး အခြေအနေ အတွက် မျှော်မှန်း ပြင်ဆင်
ထားမှု များသာ ဖြစ်၏။ နှစ်နိုင်ငံ ထိပ်တိုက် ရင်ဆိုင်မှု ဖြစ်နိုင်ရန် အလား အလာ အများဆုံး
ရှိနေသည့် တရုတ်(တိုင်ပေ) နိုင်ငံအရေး တွင်ပင် နှစ်ဘက်လုံးက ထိန်းထိန်း သိမ်းသိမ်း
ကိုင်တွယ် ဆောင်ရွက်ေ နသည်ကို တွေ့နိုင် ပေသည်။ အထူးသဖြင့် အမေရိကန်က တရုတ် (တိုင်ပေ)
အစိုးရကို လက်ရှိ ပိုနေမြဲ ကျားနေမြဲ အခြေ အနေကို ပျက်ပြား စေမည့် ခွဲထွက်ရေး လုပ်ရပ်
များကို ဆောင်ရွက်ခြင်း မပြုရန် သတိ ပေးလျှက် ရှိပေသည်။ မည်သို့ပင် ဖြစ်စေ တရုတ် နိုင်ငံ၏
အင်အား ကြီးမား လာမှုနှင့် တရုတ်၏ ဟန့်တား နှောက်ယှက်ရေး မဟာ ဗျူဟာကို တုန့်ပြန်ရန်
လိုအပ် ချက်များက အမေ ရိကန်တို့၏ အာရှတိုက် ဆိုင်ရာ မူဝါဒ အပေါ် အတိုင်းအတာ တစ်ခု အထိ
ဆက်လက် လွှမ်းမိုး နေဦး မည်သာ ဖြစ်ပါသည်။
အမေရိကန် နိုင်ငံ၏ အင်အား ဖြန့်ကြက်မှု
မဟာ ဗျူဟာနှင့် ပြိုင်ဖက်များ၏ ဟန့်တား နှောက်ယှက်ရေး မဟာ ဗျူဟာကို တုန့်ပြန်ရန် လုပ်ဆောင်
ချက်များကို လေ့လာပါက အမေရိကန် နိုင်ငံက အဘယ်ကြောင့် ဒုံးပျံ ကာကွယ်ရေး စနစ်ကို ပြန်လည်
အသက်သွင်း လုပ်ဆောင် နေသည်ကို လည်းကောင်း၊ ယခင် ဆိုဗိယက် အုပ်စုဝင် အရှေ့ ဥရောပ နိုင်ငံများကို
မည်သည့် အတွက်ကြောင့် နေတိုး အဖွဲ့ တွင်းသို့ ဝင်ခွင့် ပြုခဲ့ သည်ကို လည်းကောင်း နားလည်
နိုင်မည် ဖြစ်ပါသည်။
အလားတူပင် အမေရိကန် နိုင်ငံက အာရှ နိုင်ငံ
အချို့နှင့် အကြမ်းဖက်မှု ဝါဒ တိုက်ဖျက်ရေး ခေါင်းစဉ် အောက်မှ စစ်ရေးအရ ပူးပေါင်း လုပ်ဆောင်မှုများ
တိုးမြှင့် လုပ်ဆောင် လာခြင်း၊ လွပ်လပ်သော ကုန်သွယ်မှု စာချုပ်များ ချုပ်ဆို လာခြင်း
တို့၏ အကြောင်း အရင်း ကိုလည်း မှန်းဆ နိုင်မည် ဖြစ်ပါသည်။ ထို့အပြင် အချို့ အာရှ နိုင်ငံများ
အပေါ် အမေရိကန်က ဖိအားပေး နေခြင်း၏ အကြောင်း အရင်း မှန်ကိုလည်း မှန်းဆ နိုင်လိမ့် မည်
ထင်ပါသည်။
ရဲထွဋ်
International Eleven : 19-07-2007
မှီငြမ်းပြုစာစောင်များ
၁။
|
အောင်မျိုး(မောင်)၊တရုတ်ပြည်သူ့လွတ်မြောက်ရေးတပ်မတော်အကြောင်းတစေ့တစောင်း၊
ပြည့်စုံစာအုပ်တိုက်၊ ၂ဝဝ၇
|
၂။
|
Cliff, Roger and
Others, Entering the Dragon's Lair : Chinese Antiaccess Strategies and Their
Implications for the United States , RAND Corporation, 2007
|
၃။
|
Mulvenon, James C. and Others, Chinese
Responses to US Military Transformation and Implications for the Department
of Defence, RAND Corporation, 2006
|