ကျွန်တော့်ဖခင်က ၁၉၆၇ ခုနှစ်ကနေ ၁၉၇၁ ခုနှစ်အထိ ချင်းတွင်းမြစ်ဖျားက
ခန္တီးမြို့မှာတာဝန်ကျပါတယ်။ တပ်ရင်းမှူး ဖြစ်တဲ့အတွက် ခရိုင်လုံခြုံရေးနဲ့ အုပ်ချုပ်မှု
ကော်မတီ ဥက္ကဌ တာဝန်ယူရတယ်။ အဲဒီတုံးက နာဂတောင်တန်းမှာရော၊ ချင်းတွင်းမြစ် တစ်လျှောက်မှာရော
လူနေ နည်းပါး ပါသေးတယ်။ ကျွန်တော်ဖခင်တာဝန်ယူရတဲ့နယ်မြေက ချင်းတွင်းမြစ် အတိုင်းဆိုရင်
ဟုမ္မလင်းအောက်ဖက် သောင်သွပ်ကနေ ချင်းတွင်းမြစ်ဖျား ဘီလူးမုန်းရွာ အကျော်၊ ကချင်ပြည်နယ်
နယ်စပ်အထိ ပါပါတယ်။ အဖေက တစ်နှစ်ကို နှစ်ခေါက်လောက် သဘောင်္ငယ်လေး နှစ်စီးနဲ့ ချင်းတွင်းမြစ်
တစ်လျှောက် ရွာတွေ၊မြို့တွေကိုလိုက်စစ် ပါတယ်။ အဲဒီအခါကျရင် ကျွန်တော်တို့မိသားစုက
သဘောင်္ငယ်လေးတစ်စီး၊ လုံခြုံရေးအဖွဲ့တွေက တစ်စီးနဲ့ သွားကြပါ တယ်။ ခရီးစဉ် တိတိကျကျ
မထားဘဲ လမ်းက ရွာတွေကို တက်လယ်၊ ဆေးကု၊ အုပ်ချုပ်ရေး ကိစ္စတွေ လုပ်ပေး၊ ညနေကျရင် အဆင်ပြေတဲ့
သောင်ပြင်တစ်ခုမှာ ရပ်။ ချက်ပြုတ်စားပြီးညအိပ်ပါတယ်။ အဲဒီအတွေ့အကြုံတွေက ကျွန်တော်တို့
မိသားစု အတွက် ဘယ်တော့မှ မမေ့နိုင်တဲ့ အတွေ့အကြုံ တွေပါ။ မြစ်ချောင်းတွေ၊ တောတောင်တွေ၊
ကျေးငှက်တိရိစ္ဆာန်တွေ၊ ကျေးလက်ပြည်သူတွေကို ချစ်တတ်၊တန်ဖိုးထားတတ်အောင် သင်ပေးခဲ့တယ်။
ကျွန်တော်အဖေကတော့ အသက်၈၀ အရွယ်ရောက်မှ ချင်းတွင်းမြစ် တစ်လျှောက် ခရီးသွားခဲ့တဲ့ အတွေ့အကြုံတွေ၊
နာဂတောင်တန်းက အတွေ့အကြုံတွေကို ချင်းတွင်းမြစ်ဖျား ပုံပြင်များ ဆိုပြီး ပိတောက်ပွင့်သစ်မှာ
ပြန်ရေးနေတယ်။ ကျွန်တော်ကတော့ အဲဒီအချိန်က လေးတန်း၊ အဖေ့လို တိတိကျကျ မမှတ်မိပါဘူး။
ဒါပေမယ့် ချင်းတွင်းမြစ်ရေ အရမ်း ကြည်တာကို သိတယ်။ ကမ်းနား သောင်ပြင်တွေ ပေါ်မှာ မုံရွာ
၊ ဆားလင်းကြီး ဘက်က တက်လာပြီး တံငါလုပ်၊ ၀ါးခုတ်၊ သင်ဖျာ ယက်နေတဲ့ တဲလေးတွေရှိတာ၊ အဲဒီတဲတွေမှာ
အမေက ငါးခြောက်တွေ၊ ဖျာတွေဝယ်တာမှတ်မိတယ်။ ကမ်းနားကရွာတွေက တဲအိမ်တွေပဲ၊ ဒါပေမယ့် လူတွေက
ရိုးသား ဖော်ရွေတာ၊ ခင်ဖို့ ကောင်း တာကိုသိတယ်။ သဘောင်္သွားနေတဲ့အခါ မနက်စောစောနဲ့ ညနေစောင်းမှာ
ကမ်းဘေးမှာ မျောက်အုပ်တွေတွေ့ရတယ်။ တစ်ချို့မျောက်တွေက မျောက်တံငါတွေငါးဖမ်းတတ်တယ်လို့
အဖေက ရှင်းပြဖူးတာ သတိရသေးတယ်။ ညအိပ်တဲ့ သောင် ပြင်တွေက ဖြူဖွေးသန့်ရှင်းပြီး အဲဒီအပေါ်မှာ
ကျွန်တော်တို့မောင်နှမတွေ ဆော့ခဲ့ ဖူးတာမှတ်မိတုံးပဲ။မြစ်ဘေးက တောအုပ်ကြီးကမဲညို့နေတော့
ညဘက်ဆိုရင် ကျားများထွက်လာမလားဆိုပြီး ကြောက်ခဲ့ဖူး တယ်။ ခန္တီးက ပြောင်းလာပြီးတဲ့
နောက် ချင်းတွင်းကတခါမှပြန်မရောက်တော့ပေမယ့် ချင်းတွင်းမြစ်အတိုင်းခရီးသွားခဲ့တဲ့ အတွေ့အကြုံကတော့ သတိရတိုင်း ပြောဖြစ်ကြတယ်။ ပြောတိုင်းလည်း ကြည်နူးရတယ်။
အခုတော့ ကျွန်တော့်ဌာန တာဝန်နဲ့ နယ်တွေကို ခရီးသွားခွင့်
ကြုံလာတဲ့အခါ ချင်းတွင်းမြစ်ရိုး တလျှောက်က ကျေးရွာ စာကြည့်တိုက် တွေနဲ့ မြို့နယ်ရုံး
တွေကို စစ်ဆေးဖို့ စီစဉ်ခဲ့တယ်။ သွားမယ် လုပ်လိုက် အကြောင်းကြောင်းကြောင့် ပျက်သွားလိုက်နဲ့
နောက်ဆုံး ဒီဇင်ဘာ ၁၈ ရက်နေ့ကနေ ဒီဇင်ဘာ ၂၄ ရက်နေ့အထိ သွားခွင့်ရခဲ့ပါတယ်။ ခန္တီးကို
လေယာဉ်နဲ့သွားပြီး ခန္တီးကနေ ပဲ့ထောင်စက်လှေငှားပြီးကျွန်တော်နဲ့ ရုံးအဖွဲ့သားသုံးယောက်စုန်ဆင်းခဲ့ကြတယ်။
သာမန် ခရီးသည်တင် စက်လှေတွေနဲ့ သွားရင် ကမ်းဘေးက ရွာတွေကို စိတ်ကြိုက်ဝင်ပြီး လည်ပတ်ခွင့်
မရမှာ စိုးတဲ့အတွက် ပဲ့ထောင် စက်လှေကိုပဲ တစ်မြို့က တစ်မြို့ တစ်ဆင့်ပြီး တစ်ဆင့် ငှားစီးခဲ့တယ်။
အဖေ့ဆီက ငယ်ငယ်တုံးက ကျွန်တော်တို့ ရောက်ခဲ့ဖူးတဲ့ ရွာတွေကိုမေးပြီး အဲဒီရွာတွေကို
ဝင်ပြီး စာကြည့်တိုက်တွေ စစ်ဆေး၊ လိုတာတွေ လုပ်ပေးခဲ့တယ်။ အဲဒီလို စုံဆင်းလိုက်တာ ဒီဇင်ဘာ
၂၄ ရက်နေ့မှာ မုံရွာကို ပြန်ရောက်ပါတယ်။ ပြန်တွက် ကြည့်လိုက်တော့ ချင်းတွင်းမြစ် အတိုင်း
မိုင်ပေါင်း နှစ်ရာ ကျော်စက်လှေနဲ့ စုံဆင်း နိုင်ခဲ့ပါတယ်။
ကျွန်တော်အင်မတန်သွားချင်တဲ့ ချင်းတွင်းခရီးကို သွားလိုက်ရတော့
ငယ်ငယ်တုံးက ဖတ်ဖူးတဲ့ ၀တ္ထုတစ်ပုဒ်ကို သတိရမိ ပါတယ်။ ရေးတဲ့သူလည်း မမှတ်မိ၊ နံမည်လည်း
မမှတ်မိတော့ပေမယ့် ဇာတ်ကြောင်းကတော့ သတိရနေတုံးပါ။ ၀တ္ထုက အမျိူးသမီး တစ်ယောက်ရဲ့ အဖြစ်အပျက်ကို
ရေးဖွဲ့ထားတာ။ အဲဒီအမျိုးသမီးက ဆယ်ကျော်သက်ရွယ်မှာ အချစ်ဦးနဲ့ တွေ့ တယ်။ အချစ်ဦးက
သူ့ထက်အသက်ကြီးတယ်၊ ထောင်ထောင်မောင်းမောင်း ယောက်ျားပီသတဲ့သူ၊ ကြင်နာတတ်တယ်၊ ဒါပေမယ့် ဖူးစာ မဆုံခဲ့ဘူး။ သို့သော် သူငယ်ငယ်က အချစ်ဦးကို
သူစိတ်ထဲက ဖျောက်လို့ မရခဲ့ဖူး။ အိမ်ထောင် ကျတာတောင် တစ်ခါတစ်လေ သတိရတုံးပဲ၊ သူ့အိမ်ထောင်ဖက်ကို
ချစ်ပေမယ့် သစ္စာ ရှိပေမယ့် ငယ်ငယ်က အချစ်ဦးကို သူမမေ့ဘူး။ တစ်နေ့တော့ သူ့ငယ်ချစ်က
သူရှိနေတဲ့မြို့ကို ရောက်လာတယ်။ ဒီတော့ အကြောင်းရှာပြီး သွားတွေ့တယ်။ ဒါပေမယ့် သူပြန်တွေ့တဲ့
သူ့ငယ်ချစ်က သူ့စိတ်ကူးထဲမှာ အမြဲရှိနေခဲ့တဲ့ ငယ်ချစ်ဦး မဟုတ်တော့ဘူး။ ဗိုက်ရွဲရွဲ
ထိပ်ပြောင်ပြောင်၊ အရက်မူးပြီး ဇနီးကို အနိုင်ကျင့်တတ်တဲ့ လူဖြစ်နေပြီ။ အဲဒီတော့မှပဲ
သူ့အိမ်မက်ထဲက တစ်သက်လုံး ကိုးကွယ်ခဲ့တဲ့ ငယ်ချစ်ဦး ပျောက်သွားတော့တယ်။ အိမ်အပြန်လမ်း
ကျတော့ အဲဒီ အမျိုးသမီးက ငါသူ့ကို သွားမတွေ့မိရင် ကောင်းသားလို့ စဉ်းစားမိသတဲ့။ ဒီလိုသာ
သွားမတွေ့ဖြစ်ခဲ့ရင် သူ့ငယ်ချစ်ဦးဟာ သူ့အတိတ် အိမ်မက်ထဲက သူရဲကောင်း အဖြစ် တစ်သက်လုံး
ဆက်ပြီး ရှိနေမှာကိုး။ အခုတော့ အားလုံး ပျက်ပြယ်ခဲ့ပြီပေါ့။
ကျွန်တော့် အဖေကတော့ ပုဂံကို အလည်သွားဖို့ ခေါ်လို့ မရဘူး။
၁၉၇၀ ပြည့်လွန် နှစ်တွေ ကုန်ခါနီးက သူရောက်ခဲ့တဲ့ ပုဂံကို မေ့သွားမှာ စိုးလို့ ဆိုပြီး
ပြောတယ်။ အရင်ကတော့ အဖေ့ကို နားမလည်ခဲ့ဘူး။
ချင်းတွင်း ခရီးစဉ်က ပြန်လာတော့ အဖေ ဘာ့ကြောင့် ပုဂံကို ပြန်သွားဖို့ မကြိုးစားခဲ့ဖူး ဆိုတာ နားလည်ခဲ့ပါပြီ။ တစ်ခါ တစ်လေ မှာတော့ အတိတ်က အကောင်းဆုံး အရာလေးတွေကိုပဲ မှတ်သားထားတာ ကောင်းပါတယ်။
ချင်းတွင်း ခရီးစဉ်က ပြန်လာတော့ အဖေ ဘာ့ကြောင့် ပုဂံကို ပြန်သွားဖို့ မကြိုးစားခဲ့ဖူး ဆိုတာ နားလည်ခဲ့ပါပြီ။ တစ်ခါ တစ်လေ မှာတော့ အတိတ်က အကောင်းဆုံး အရာလေးတွေကိုပဲ မှတ်သားထားတာ ကောင်းပါတယ်။
No comments:
Post a Comment