တရုတ်-အာဆီယံဆက်ဆံရေးနှင့် အမေရိကန်အမျိုးသားအကျိုးစီးပွား(၃)

အာဆီယံ၏ အခန်းကဏ္ဍ

၁၉၈ဝ ပြည့်လွန် နှစ်များ အထိ အာရှတိုက်၏ ပထဝီ နိုင်ငံရေး စင်မြင့်တွင် အမေရိကန်၊ ဆိုဗီယက်၊ တရုတ်နှင့် ဂျပန် တို့သည်သာ အဓိက ဇာတ်လိုက်များ ဖြစ်ခဲ့ ကြသည်။ ၂၁ ရာစုသို့ ဝင်လာ ချိန်တွင်မူ အာဆီယံ သည် အာရှ ဒေသတွင် အရေး ပါသည့် ဒေသ ဆိုင်ရာ အဖွဲ့အစည်း တစ်ခု အဖြစ်သို့ ရောက်လာကာ အမေရိကန်၊ တရုတ်၊ ဂျပန်၊ ရုရှား တို့နှင့် တန်းတူ ရည်တူ ရပ်တည် နေပြီ ဖြစ်သည်။

ထိုကဲ့သို့ အာရှ ဒေသ ရေးရာ များတွင် အာဆီယံ ရှေ့တန်း ရောက်လာ ခြင်းကို အဆင့် လေးဆင့် ဖြင့် ခွဲခြား သုံးသပ် နိုင်သည်။ ပထမ အဆင့်မှာ ၁၉၇၈ ခုနှစ်တွင် ဗီယက်နမ် နိုင်ငံက ကမ္ဘော ဒီးယား နိုင်ငံကို ကျူးကျော် သိမ်းပိုက် ခဲ့ပြီး နောက်တွင် အာဆီယံက ဒေသ ပြင်ပ အင်အားကြီး နိုင်ငံ များနှင့် ပူးပေါင်းပြီး ကမ္ဘော ဒီးယား နိုင်ငံမှ ဗီယက်နမ် တပ်များ ဆုတ်ခွာ သွားစေ ရန်နှင့် ကမ္ဘော ဒီးယား နိုင်ငံတွင် နိုင်ငံရေး အရ ငြိမ်းချမ်းစွာ အဖြေရှာ နိုင်ရေးကို ကြိုးပမ်း ဆောင်ရွက် ခဲ့သည့် အဆင့် ဖြစ်သည်။ ဤကြိုးစား မှု၏ ရလဒ်အဖြစ် ၁၉၉၁ ခုနှစ်တွင် ပါရီ သဘော တူညီချက်ကို လက်မှတ် ရေးထိုး နိုင်ပြီး ကမ္ဘော ဒီးယား နိုင်ငံ အရေးကို ဖြေရှင်း နိုင်ခဲ့သည့် အခါ အာဆီယံ၏ အခန်း ကဏ္ဍကို နိုင်ငံတကာ က အလေးထား လာသကဲ့သို့ အာဆီယံ အဖွဲ့ အနေဖြင့်လည်း ဒေသတွင်း ပြဿနာ များတွင် ပိုမို ပါဝင် ဆောင်ရွက် နိုင်ရန် အတွက် ယုံကြည်မှု ပိုမို ရရှိလာ ခဲ့သည်။ ဒုတိယ အဆင့်မှာ ၁၉၉ဝ ပြည့်နှစ်များ အစ ပိုင်းတွင် အာဆီယံက တရုတ်နှင့် ကျန်ဒေသ ပြင်ပ အင်အားကြီး နိုင်ငံများကို အာဆီယံ ဒေသ ဆိုင်ရာေ ဆွးနွေးပွဲ ARF ဘောင် အတွင်းမှ လုံခြုံရေး ကိစ္စများ အား ဆွေးနွေး အဖြေရှာ စေရေး အတွက် ကြိုးစား ခဲ့သည့် အဆင့် ဖြစ်သည်။ တတိယ အဆင့်မှာ ၁၉၉ဝ ပြည့်လွန် နှစ်များ နှောင်းပိုင်းတွင် အာဆီယံ အဖွဲ့ကို ချဲ့ထွင် ခဲ့ခြင်းနှင့် အာဆီယံ အနေဖြင့် ဒေသ ပြင်ပ အင်အားကြီး နိုင်ငံများနှင့် ဥရောပ သမဂ္ဂ တို့နှင့် စီးပွားရေး၊ လုံခြုံရေး အရ ဆက်ဆံ မှုကို ဘက်စုံ၊ အလွှာစုံမှ ပူးပေါင်း ဆောင်ရွက် နိုင်ရန် အတွက် အာဆီယံ- ဥရောပ ဆွေးနွေးပွဲ (ASEM) ၊ အာဆီယံ အပေါင်းတစ်၊ အာဆီယံ အပေါင်း သုံး ဆွေးနွေး ပွဲများ၊ အာဆီယံ လွတ်လပ်သော ကုန်သွယ် မှုဇုံ၊ တရုတ်- အာဆီယံ လွတ်လပ်သော ကုန်သွယ် မှုဇုံ၊ စသည့် လှုပ်ရှားမှု များဖြင့် အရှိန် မြှင့်တင် ခဲ့သည့် အဆင့် ဖြစ်သည်။ နောက်ဆုံး အဆင့်မှာမူ ၂ဝဝ၅ ခုနှစ်မှ စတင်ပြီး အရှေ့တောင် အာရှ ဒေသ သာမက အရှေ့ အာရှ တစ်ခုလုံးကို လွှမ်းခြုံ နိုင်သည့် နိုင်ငံရေး စင်မြင့် တစ်ခု တည်ထောင်ရန် ကြိုးစားသည့် အဆင့် ဖြစ်၏။ မလေးရှား ဝန်ကြီး ချုပ်ဟောင်း မဟာသီယာ စတင်ခဲ့သည့် ထိုအကြံ ဥာဏ်ကြောင့် ၂ဝဝ၅ ခုနှစ် ဒီဇင် ဘာလတွင် ပထမဆုံး အကြိမ် အရှေ့ အာရှ ထိပ်သီး အစည်းအဝေး East Asia Summit ကိုကျင်းပ နိုင်ခဲ့သည်။ ထိုထိပ်သီး အစည်း အဝေးတွင် မူလက လျာထားသည့် ဒေသတွင်း အင်အားကြီး နိုင်ငံများ ဖြစ်သည့် တရုတ်၊ ရုရှား၊ ဂျပန်နှင့် ကျန်အရှေ့ အာရှ နိုင်ငံများ သာမက အိန္ဒိယ၊ သြစတေး လျနှင့် နယူးဇီလန် တို့ပါ တက်ရောက် ခဲ့သည်။ ထိုအစည်း အဝေး၏ ထူးခြား ချက်မှာ အာရှ ဒေသတွင်း အမြဲလို အဓိက ဇာတ်ကောင် အဖြစ် ပါဝင် ခဲ့သည့် အမေ ရိကန် နိုင်ငံကို ဖိတ်ကြားမှု မရှိခဲ့ခြင်းပင် ဖြစ်သည်။ နိုင်ငံရေး အကဲခတ် အချို့ကမူ ထိုဖြစ်ရပ်ကို အာရှ ဇာတ်ခုံ ပေါ်မှ အမေရိကန်တို့ ပျောက်ကွယ် တော့မည့် အစပျိုးမှု ဖြစ်မည်ဟု စိုးရိမ် ခဲ့ကြသည်။

အမေရိကန်အမျိုးသားအကျိုးစီးပွား

အမေရိကန် အနေဖြင့် တရုတ်နှင့် အာဆီယံ အကြား ဆက်ဆံမှု အရှိန် မြင့်လာခြင်း၊ အာရှ ဒေသတွင် တရုတ်တို့ စစ်ရေး၊ စီးပွားရေး အင်အားကြီး နိုင်ငံ ဖြစ်လာ ခြင်းကို မည်ကဲ့သို့ ရှုမြင် သုံးသပ် မည်နည်း။

ယျေဘူယျ ပြောရမည် ဆိုလျှင် တင်းမာမှု လျော့ပါး နေသော၊ တည်ငြိမ် အေးချမ်း နေသော အာရှ ဒေသနှင့် စစ်အေးခေတ် အမူ အကျင့် များကို စွန့်လွှတ်ပြီး ဒေသတွင်း နိုင်ငံ အားလုံးနှင့် ချစ်ကြည်ရ င်းနှီးစွာ ဆက်ဆံ နေသော တရုတ်ပြည် ဆိုသည့် အနေ အထားသည့် အမေ ရိကန်တို့ အကျိုး စီးပွားကို အထောက် အကူ ပြုနေ သည်ဟု ဆိုရမည် ဖြစ်ပေသည်။ သို့သော် လက်တွေ့ တွင်မူ အမေရိကန် အနေဖြင့် ထိုကဲ့သို့ သဘောထား နိုင်ခြင်း မရှိဟု ဆိုရမည်။ အမေရိကန် တပ်မတော် ပူးတွဲ စစ်ဦးစီးချုပ် များအဖွဲ့က ထုတ်ပြန် ထားသည့် ပူးတွဲ စစ်ဆင်မှု သဘောတရား (Joint Warfare) စာစောင်တွင် ငြိမ်းချမ်းရေးနှင့် တည်ငြိမ်မှု ဆိုသည်မှာ ကမ္ဘာ့ နေရာ ဒေသ အသီးသီးတွင် အမေရိကန် ပြည်ထောင်စု၏ နိုင်ငံရေး သဘောတရား၊ လူမှုရေး စံနှုန်း များကို လက်ခံသော၊ အမေရိကန် ပြည်ထောင်စု၏ မဟာဗျူဟာ ရည်မှန်း ချက်များကို အောင်မြင်စွာ အကောင် အထည် ဖော်နိုင်ရန် အတွက် အခွင့် သာသော အခြေအနေ ဖြစ်သည်။ အမေ ရိကန်တို့၏ အကျိုး စီးပွား များကို ဆန့်ကျင်သော တည်ငြိမ်မှု မျိုးသည် လက်ခံ နိုင်သော အခြေအနေ မဟုတ်ဟု ဖွင့်ဆို ထားသည်ကို ကြည့်ပါက အမေရိကန် အနေဖြင့် တရုတ် နိုင်ငံက အဓိက အခန်း ကဏ္ဍမှ ပါဝင် နေသည့် အာရှ ဒေသကို လက်မခံနိုင် ဆိုသည်မှာ ထင်ရှားနေ ပေသည်။ ထိုသို့ ဖြစ်ရခြင်း မှာလည်း အမေ ရိကန် တို့၏ အမျိုးသား လုံခြုံရေး မဟာ ဗျူဟာနှင့် ဆက်စပ် နေပေသည်။

စစ်အေး ခေတ်လွန်၊ ဆိုဗီယက် ပြည်ထောင်စု ပြိုကွဲခဲ့ပြီး နောက်တွင် အမေရိကန် တို့သည် တစ်ခုတည်း သော မဟာ အင်အားကြီး နိုင်ငံ အဖြစ်သို့ ရောက်ရှိ ခဲ့သည်။ အမေရိကန် ပြည်ထောင်စု အင်အားကြီး နိုင်ငံ အဖြစ်သို့ ရောက်ရှိ လာခြင်းမှာ ကမ္ဘာ့ သမိုင်းတွင် အခြား အင်ပါယာများ ပေါ်ထွန်း လာခြင်းနှင့် မတူသည်ကို တွေ့ရသည်။ သမိုင်းတွင် ပေါ်တူဂီ၊ ဒတ်ခ်ျ၊ စပိန်၊ ပြင်သစ်တို့ အင်အား ကြီးထွား ခဲ့စဉ်က ၎င်းတို့နှင့် အခြား ပြိုင်ဖက် အင်အားကြီး နိုင်ငံများ အကြားတွင် စစ်ရေး၊ စီးပွားရေး အင်အား ကွာခြား မှုမှာ သိသိ သာသာ ကွာဟခြင်း မရှိလှ သည်ကို တွေ့ရမည် ဖြစ်သည်။ နောက်ဆုံး အင်ပါယာ ဖြစ်သည့် ဗြိတိသျှ အင်ပါယာ သည်ပင်လျှင် ၂ဝ ရာစု အစတွင် ကမ္ဘာ့ လူဦးရေ၏ လေးပုံ တစ်ပုံကို အုပ်ချုပ် ထားလင့် ကစား ကြည်းတပ် အင်အားတွင် ဂျာမနီ၊ ပြင်သစ် တို့နှင့် ကွာခြား လှခြင်း မရှိပဲ ရေတပ် အင်အား တွင်သာ ထိုနိုင်ငံ နှစ်ခု ပေါင်းနှင့် ညီမျှအောင် အင်အား ကောင်းခဲ့ကာ စီးပွားရေး အင်အား တွင်မူ အမေရိကန် ပြည်ထောင်စုနှင့် ညီမျှသည့် အခြေ အနေတွင် ရှိနေ ခဲ့သည် ကိုတွေ့ရသည်။

စစ်အေး ခေတ်လွန် အမေရိကန် နိုင်ငံ မှာမူ ကမ္ဘာ ပေါ်တွင် စီးပွားရေး အင်အား အတောင့် အတင်းဆုံး ဖြစ်ကာ ၎င်းနိုင်ငံ၏ စီးပွားရေး ပမာဏသည် ဂျပန်၊ ဂျာမဏီနှင့် ဗြိတိန် နိုင်ငံ သုံးနိုင်ငံ ပေါင်းနှင့် ညီမျှ သည်ကို လည်းကောင်း၊ ကာကွယ်ရေး အသုံး စရိတ် အနေဖြင့် ၂ဝဝ၃ ခုနှစ်၌ ဒေါ်လာ ၃၃၉ ဘီလီယံ သုံးစွဲ ခဲ့ချိန်တွင် အခြား အင်အားကြီး နိုင်ငံများ ဖြစ်သော ရုရှား နိုင်ငံသည် ၆၃.၇ ဘီလီယံ၊ တရုပ် ၄၆ ဘီလီယံ၊ ဗြိတိသျှ ၃၄.၇ ဘီလီယံနှင့် ပြင်သစ် ၃၃ ဘီလီယံသာ သုံးစွဲ နိုင်ခဲ့ သည်ကို တွေ့ရ ပါသည်။ ထို့ကြောင့် စစ်အေး တိုက်ပွဲလွန် ကာလတွင် အမေရိကန် နိုင်ငံကို စစ်ရေး၊ စီးပွားရေး စသည့် Hard Power ပိုင်းတွင် ကမ္ဘာ အဆင့်တွင် စိန်ခေါ် နိုင်သူ မရှိနိုင် သေးသည်မှာ ထင်ရှား နေပေသည်။

ထို့ကြောင့်ပင် အမေ ရိကန် တို့၏ အမျိုးသား လုံခြုံရေး မူဝါဒသည် အမေ ရိကန်တို့ကို ဒေသ အဆင့်  Regional Level တွင် စစ်ရေး၊ စီးပွားရေး စသည့် Hard Power အပိုင်းတွင် လည်းကောင်း၊ သံတမန်ရေး၊ ယဉ်ကျေးမှု၊ ပြည်သူ့ ဆက်ဆံရေး စသည့် Soft Power ပိုင်းတွင် လည်းကောင်း ပခုံးခြင်း ယှဉ်မည့် သူများ မပေါ်ပေါက်ရေး၊ တနည်း အားဖြင့် အာရှ ဒေသ၊ အာဖရိက ဒေသ၊ အရှေ့ အလယ်ပိုင်း စသည့် ကမ္ဘာ့ ဒေသကြီး များတွင် အမေရိကန် တို့၏ အကျိုး စီးပွားကို စိန်ခေါ် နိုင်မည့် သူများ ပေါ်မလာ အောင် တားဆီးရေး သို့ ဦးတည် သွားခဲ့ လေသည်။

၂ဝဝ၆ ခုနှစ် ထုတ်ပြန် ခဲ့သည့် အမေရိကန် ကာကွယ်ရေး ဝန်ကြီး ဌာန၏ ကာကွယ်ရေး မူဝါဒ ဆိုင်ရာ သုံးသပ်ချက် အစီရင် ခံစာတွင် ၂၁ ရာစု နိုင်ငံတကာ လုံခြုံရေး အခြေ အနေကို သြဇာ သက်ရောက် နိုင်သည့် နိုင်ငံ သုံးခုမှာ ရုရှား၊ တရုတ်နှင့် အိန္ဒိယတို့ ဖြစ်ကြောင်း ဖေါ်ပြ ခဲ့ကာ အိန္ဒိယသည် အမေရိကန်၏ မဟာဗျူဟာ မြောက် လုပ်ဖော် ကိုင်ဖက် ဖြစ်လာ နိုင်ကြောင်း၊ ရုရှား နိုင်ငံမှာ အသွင် ကူးပြောင်းဆဲ ကာလ ဖြစ်ပြီး နိုင်ငံရေး အခြေအနေနှင့် ပတ်သက်ပြီး စိုးရိမ်စရာ ရှိသည့်တိုင် ဆိုဗီယက် ခေတ်လို အမေရိကန် အပေါ် စိန်ခေါ် နိုင်မည့် အနေအထား မရှိကြောင်း သုံးသပ် ထားသည်ကို တွေ့ရသည်။ တရုတ် နိုင်ငံနှင့် ပတ်သက်ပြီးမူ တရုတ်သည် အမေရိကန်ကို စစ်ရေး အရ စိန်ခေါ် လာနိုင်သည့် အနေ အထားတွင် ရှိကာ စစ်အင်အား တည်ဆောက်မှု ကိုလည်း တိုးချဲ့ ဆောင်ရွက် နေကြောင်း၊ သုံးသပ်ကာ အမေရိကန် အနေဖြင့် တရုတ်ကို အာရှ- ပစ္စဖိတ် ဒေသ အရေးတွင် ငြိမ်းချမ်းစွာ ပါဝင် ဆောင်ရွက်အောင် ထိန်းကျောင်း ပေးရမည် ဖြစ်ကြောင်း ဖော်ပြ ခဲ့သည်။ ထို့အပြင် အမေရိကန် အနေဖြင့် မည့်သည့် အင်အားကြီး နိုင်ငံ ကမျှ ကမ္ဘာ့ အရေး၊ ဒေသ အရေးတွင် အမေ ရိကန် တို့နှင့် ဆန့်ကျင်ပြီး ၎င်းတို့ အလိုကျ ဆောင်ရွက် နိုင်စွမ်း မရှိအောင် တားဆီး သွားမည် ဖြစ်သည်ဟု သတိပေး ဖော်ပြ ထားခဲ့သည်။ ထိုပြောကြား ချက်တွင် မည်သည့် နိုင်ငံ ကိုမျှ ရည်ညွန်း ထားခြင်း မရှိ သော်လည်း တရုတ်ကို ရည်ရွယ် ပြောဆိုသည် ဆိုသည်မှာ ထင်ရှား လှပေသည်။

ထိန်းချုပ်ရေးမူဝါဒ

သို့သော် အမေရိကန် တို့သည် စစ်အေး ကာလက ဆိုဗီယက် ပြည်ထောင်စု အပေါ် ကျင့်သုံး ခဲ့သည့် ထိန်းချုပ်ရေး မူဝါဒ Containment Policy ကဲ့သို့ စစ်ရေး မဟာမိတ် စာချုပ်များ ချုပ်ဆိုခြင်း၊ အရေးယူ ဒဏ်ခတ် ပိတ်ဆို့ မှုများ ပြုလုပ် ခြင်းများ ဆောင်ရွက် နိုင်သည့် အခြေအနေ မရှိသည်ကိုေ တွ့ရသည်။ ထို့ကြောင့် အမေရိကန် အနေဖြင့် တရုတ် နည်းတူ အာရှ ဒေသ နိုင်ငံ များနှင့် စီးပွားရေး၊ လုံခြုံရေးရာ ကဏ္ဍ များတွင် ပူးပေါင်း ဆောင်ရွက်မှု မြှင့်တင်ရန် ဆောင်ရွက် လာသည်ကို တွေ့ရသည်။ ထို့အပြင် တရုတ်ကို အင်အား ချိန်ခွင်လျှာ ထိန်းညှိ နှိုင်မည့် ဂျပန်နှင့် အိန္ဒိယ နိုင်ငံ တို့နှင့် စစ်ရေးအရ ပူးပေါင်း ဆောင်ရွက်မှု များကို မြှင့်တင် နိုင်ရေး ဆောင်ရွက် ခဲ့သည်ကို တွေ့ရသည်။ ထိုမူဝါဒအရ အမေရိကန် အနေဖြင့် ဂျပန် နိုင်ငံ၏ ကာကွယ်ရေး အင်အားကို တိုးချဲ့ပြီး ဒေသတွင်း နှင့် နိုင်ငံတကာ လုံခြုံရေး တွင် ပိုမို ပါဝင်အောင် အားပေးခြင်း၊ ဂျပန် နိုင်ငံ၏ စစ်ပြီး ကာလ ဖွဲ့စည်းပုံ အခြေခံ ဥပဒေပါ ကာကွယ်ရေး ဆိုင်ရာ ကန့်သတ် ချက်များကို ပြင်ဆင်ရန် ကြိုးစား မှုများ အပေါ် ကန့်ကွက်မှု မပြုခဲ့ခြင်း၊ အိန္ဒိယ နိုင်ငံနှင့် အဏုမြူ ဆိုင်ရာ ပူးပေါင်း ဆောင်ရွက်ရေး စာချုပ် ချုပ်ဆိုခြင်း တို့ကို ဆောင်ရွက် ခဲ့ခြင်း ဖြစ်သည်။ ထို့အပြင် တရုတ်နှင့် နယ်နမိတ် ပြဿနာ ကြောင့် စစ်ဖြစ် ခဲ့သည် ဗီယက်နမ် နိုင်ငံ ကိုလည်း သမ္မရော ကာကွယ်ရေး ဝန်ကြီးပါ သွားရောက် လည်ပတ် ခဲ့ပြီး ဆက်ဆံရေး တိုးမြှင့်ရန် ကြိုးစား ခဲ့သည်ကို တွေ့ရသည်။ တကယ်တော့ ကွန်မြူနစ်ပါ တီက တစ်ပါတီ စနစ်ဖြင့် အုပ်ချုပ် နေသော ဗီယက်နမ် နိုင်ငံ၏ နိုင်ငံရေးနှင့် လူ့အခွင့် အရေး စံများက အမေရိကန်တို့ သတ်မှတ် ထားသော စံနှုန်း များကို မှီသည်တော့ မဟုတ်ပေ။ သို့သော် တရုတ် အင်အား ညှိရန် အရေးကြီး နေသော ဘုရ်ှ အစိုးရက သူတို့ စံနှုန်းတွေကို ဘေးချိတ်ပြီး ဗီယက်နမ်နှင့် ပလဲနံပ သင့်ရေးကို အားထုတ် လာသည်ကို တွေ့ရသည်။

အမေရိကန် တို့၏ တရုတ် အပေါ် ထိန်းချုပ်ရေးတွင် အဓိက ကျသည့် အချက်မှာ တရုတ် နိုင်ငံ၏ လောင်စာ စွမ်းအင် လိုအပ် ချက်ပင် ဖြစ်သည်။ ၂ဝဝ၄ ခုနှစ်တွင် တရုတ်သည် ဂျပန်ကို ကျော်လွှားပြီး ကမ္ဘာပေါ် တွင် ဒုတိယ ရေနံ အများဆုံး တင်သွင်းသည့် နိုင်ငံ ဖြစ်လာ ခဲ့သည်။ (အများဆုံး တင်သွင်းသော နိုင်ငံမှာ အမေ ရိကန်ဖြစ်သည်။) သို့တိုင်အောင် တရုတ်၏ စွမ်းအင် လိုအပ်ချက် ၇ဝ% ကို ကျောက်မီးသွေးမှ ရယူနေ ခြင်းဖြစ်ရာ အနာဂတ်တွင် ရေနံ တင်သွင်း မှုမှာ ပိုမို များပြား လာဖွယ် ရှိနေ ပေသည်။ တရုတ် နိုင်ငံသို့ တင်သွင်း နေသည့် ရေနံ ၇ဝ% မှာ အရှေ့ အလယ်ပိုင်း ဒေသမှ ဖြစ်ပြီး မလက္ကာ ရေလက်ကြားမှ ဖြတ်ကျော် သယ်ဆောင် နေရခြင်း ဖြစ်သည်။ လက်ရှိ အခြေအနေတွင် အမေရိကန် အနေဖြင့် ပါရှန် ပင်လယ် ကွေ့ရှိ ဟိုမုဇ် ရေလက်ကြားနှင့် မလက္ကာ ရေလက်ကြားကို အချိန်မရွေး ပိတ်ဆို့ပြီး တရုတ် နိုင်ငံသို့ တင်ပို့သည့် ရေနံများကို ပိတ်ပင် နိုင်သည့် အခြေအနေတွင် ရှိနေ သည်ကို တွေ့ရသည်။ ထိုအချက်သည် တရုတ်နှင့် ဆက်ဆံရေးတွင် အဆိုးဆုံး အခြေ အနေသို့ ရောက်လာပါက အမေရိကန် တို့အတွက် နိုင်ဖဲ တစ်ချပ်ပင် ဖြစ်ပေသည်။

ထို့ကြောင့်လည်း ထိုအကဲသာမှု အခြေ အနေကို ထိန်းထား နိုင်ရေးသည် အာရှ ဒေသအတွက် အမေ ရိကန်တို့၏ နောက်ထပ် အရေး ကြီးသော အမျိုးသား အကျိုး စီးပွား ဖြစ်လာ ခဲ့သည်။ ဤအချက် ကြောင့်ပင် တရုတ် နိုင်ငံက အရှေ့ အလယ်ပိုင်းမှ ရေနံ အပေါ် မှီခို နေရမှုကို လျှော့ချပြီး ဗဟိုအာရှ၊ အရှေ့တောင် အာရှ၊ တောင် အမေရိကနှင့် အာဖရိက ဒေသ များတွင် စွမ်းအင် အရင်း အမြစ်များ ရရှိအောင် ကြိုးစားမှု၊ ဆိုင်ဘေး ရီးယား၊ ပါကစ္စတန် နှင့်မြန်မာ နိုင်ငံ တို့ကို ဖြတ်သန်းပြီး တရုတ် နိုင်ငံ ဆီသို့ကုန်းတွင်း ရေနံနှင့် သဘာဝ ဓာတ်ငွေ့ ပိုက်လိုင်းများ တည်ဆောက်ရန် ကြိုးစား နေမှု များကို အမေရိကန်က ၎င်း၏ အမျိုးသား အကျိုး စီးပွား အပေါ် ခြိမ်းခြောက်မှု များအဖြစ် ရှုမြင်ကာ နည်းမျိုး စုံဖြင့် ဟန့်တား နိုင်ရေး ဆောင်ရွက် နေခြင်းပင် ဖြစ်သည်။

အလားတူပင် ရေနံ ကြွယ်ဝသော စပရတ်လေ ကျွန်းစု များကို တရုတ်က ထိန်းချုပ် သွားနိုင်မည့် အရေးကို လည်းကောင်း အိန္ဒိယ သမုဒ္ဒရာ အတွင်းတွင် တရုတ် နိုင်ငံက ရေတပ် အခြေစိုက် စခန်း ရရှိပြီး ကုန်သွယ် ရေလမ်း ကြောင်း များကို ထိန်းချုပ် နိုင်စွမ်း ရှိသွားမည့် အရေးကို လည်းကောင်း အမေရိကန်တို့ စိုးရိမ် ပူပန် နေသည်ကို တွေ့ရသည်။ ထို့ကြောင့်ပင် ၂ဝဝ၅ ခုနှစ်တွင် ဘုရ်ှ အစိုးရက ကွန်ဂရက်သို့ တင်သွင်းသည့် တရုတ် နိုင်ငံနှင့် ပတ်သက်သည့် အစီရင် ခံစာတွင် တရုတ နိုင်ငံက ကမ္ဘာ့ နေရာ အနှံ့ အပြားမှ ရေနံနှင့် ဓာတ်ငွေ့ စွမ်းအင် အရင်း အမြစ် များကို ရရှိအောင် ကြိုးစား လာမှုနှင့် ၎င်း၏ ကုန်သွယ် ရေလမ်းကြောင်း များကို လုံခြုံမှု ရှိစေရန် အတွက် ရေတပ် အင်အားကို တိုးချဲ့ လာမှု များကြောင့် အမေ ရိကန်တို့၏ အကျိုး စီးပွားနှင့် ထိပ်တိုက် ရင်ဆိုင် မှုများ ဖြစ်လာ နိုင်သည်ဟု ဖော်ပြ ခဲ့ခြင်း ဖြစ်သည်။

အထက်ပါ အခြေအနေ များကို လေ့လာ ပါက အနာဂတ် ကာလတွင် တရုတ်- အာဆီယံ ဆက်ဆံရေး တိုးတက် လာမှု ကိုလည်း အမေရိကန် အနေဖြင့် ခြိမ်းခြောက်မှု တစ်ခု အဖြစ် ရှုမြင် လာနိုင်သည့် အလား အလာ ရှိနေ ပေသည်။ ထိုသို့ ရှုမြင် လာသည့်နှင့် အမျှ အာဆီယံ တစ်ဖွဲ့လုံး အပေါ်တွင် လည်းကောင်း၊ အဖွဲ့ဝင် နိုင်ငံများ အပေါ်တွင် လည်းကောင်း နိုင်ငံ တစ်ခုခြင်း၏ ပထဝီ နိုင်ငံရေး အရ အရေးပါမှု အပေါ် မူတည်ပြီး ဖိအား ပေးမှု၊ စည်းရုံး သိမ်းသွင်းမှု များလည်း ပိုများ လာမည်မှာ သေချာ နေပြီ ဖြစ်သည်။ ထို့ကြောင့် အာဆီယံ အနေဖြင့် ယခင် ကျင့်သုံး ခဲ့သည့် မူဝါဒများကို ဆက်လက် ထိန်းသိမ်းပြီး ဒေသတွင်း တည်ငြိမ်မှုနှင့် ဖွံ့ဖြိုး တိုးတက်မှု ကို အင်အားကြီး နိုင်ငံ များ၏ အားပြိုင်မှုတွင် စတေး မခံရရေး အတွက် အားထုတ် လုပ်ဆောင် သွားရမည့် အခြေ အနေသို့ ရောက်ရှိ နေပြီ ဖြစ်ပါသည်။

ရဲထွဋ်

မှီငြမ်းပြုစာစောင်များ

၁။	Jing-dong Yuan, CHINA-ASEAN RELATIONS:PERSPECTIVES, PROSPECTS AND IMPLICATIONS FOR U.S. INTERESTS, October, 2006
၂။	Christopher J. Pehrson , MEETING THE CHALLENGE OF CHINA'S RISING POWER ACROSS THE ASIAN LITTORAL, July , 2006
၃။	David Shambaugh, The US and China: Friends or Foes? , April, 2006
၎။	Joshua Kurlantzick, The Beijing's Big Push, Newsweek 9-4-2007
၅။	Quadrennial Defense Review Report, Department of Defence, United State, February 2006