တိုနီဘလဲအကြောင်းတစေ့တစောင်း

ဗြိတိသျှ ဝန်ကြီးချုပ် တိုနီ ဘလဲက မေလ ၁ဝ ရက်နေ့တွင် ၎င်း အနေဖြင့် ပါတီ ခေါင်းဆောင် ရာထူးမှ ဇွန်လ ၂၇ ရက်နေ့တွင် အနားယူ တော့မည် ဖြစ်ကြောင်း ကြေညာ ခဲ့သည်။ ထိုကြေညာ ချက်နှင့် အတူ လေဘာပါတီ သမိုင်းတွင် သက်တမ်း အရှည်ဆုံး တာဝန် ထမ်းဆောင် ခဲ့သော၊ လေဘာ ပါတီကို သုံးကြိမ်ဆက်တိုက် ရွေးကောက်ပွဲ အနိုင် ရအောင် စွမ်းဆောင် ခဲ့သော တိုနီ ဘလဲ၏ နိုင်ငံရေး ဘဝလည်း အဆုံးသတ် တော့မည် ဖြစ်သည်။

နိုင်ငံရေးဘဝအစ

၁၉၅၃ ခုနှစ် မေလ ၆ ရက်နေ့ တွင် မွေးဖွားခဲ့သော တိုနီ ဘလဲသည် အောက်စဖိုဒ့် တက္ကသိုလ်မှ ကျောင်းပြီး သည့် ၁၉၇၅ ခုနှစ်တွင် လေဘာ ပါတီသို့ ဝင်ရောက်ပြီး နိုင်ငံရေး လှုပ်ရှား မှုများကို စတင် ဆောင်ရွက် ခဲ့သည်။ ထို့နောက် ယောက္ခမ ဖြစ်သူ ဗြိတိသျှ သရုပ်ဆောင် တိုနီဘုသ်၏ အကူ အညီဖြင့် ၁၉၈ဝ ပြည့်နှစ် ကြားဖြတ် ရွေးကောက် ပွဲတွင် Beacons Fields မဲဆန္ဒ နယ်တွင် အရွေး ခံရန် ကြိုးစား ခဲ့သော်လည် ရှုံးနိမ့် ခဲ့သည်။ ထိုရွေး ကောက်၌ တိုနီဘလဲ အနေဖြင့် အနည်းဆုံး လိုအပ်သည့် ထောက်ခံမဲ ၁ဝ%ပင် မပြည့် သဖြင့် ရွေးကောက်ပွဲ စပေါ်ငွေ ဆုံးရှုံး ခဲ့ရ သည့်တိုင် ၎င်း၏ စိတ်အား ထက်သန်စွာ မဲဆွယ် စည်းရုံးမှု များကို လေဘာ ပါတီ ခေါင်းဆောင် များက သတိ ပြုမိ ခဲ့ကြပြီး အလား အလာ ရှိသည့် မျိုးဆက်သစ် နိုင်ငံရေး သမား အဖြစ် အသိ အမှတ်ပြု ခံခဲ့ ရသည်။

၁၉၈၃ ခုနှစ် ရွေးကောက်ပွဲ တွင်မူ တိုနီ ဘလဲသည် Sedgefield မဲဆန္ဒနယ်မှ ရွေးချယ် တင်မြှောက် ခံခဲ့ ရသည်။ ပါလီမန် အတွင်းသို့ ရောက်ရှိ သည်နှင့် လေဘာ ပါတီ အတွင်းတွင် တိုနီ ဘလဲသည် အချိန် တိုတို အတွင်း ရှေ့တန်းသို့ ရောက်လာ ခဲ့သည်။ ၁၉၈၄ ခုနှစ်တွင် အတိုက် အခံ လေဘာ ပါတီ၏ ဘဏ္ဍာရေး ဆိုင်ရာ လက်ထောက် တာဝန်ခံ အဖြစ် လည်းကောင်း၊ ၁၉၈၇ ခုနှစ်တွင် ကုန်သွယ် ရေးနှင့် စက်မှု လုပ်ငန်း ဆိုင်ရာ အဖွဲ့ဝင် အဖြစ် လည်းကောင်း၊ ၁၉၈၈ ခုနှစ်တွင် စွမ်းအင် ဆိုင်ရာ တာဝန်ခံ အဖြစ် လည်းကောင်း၊ တာဝန်ယူ ခဲ့ရသည်။ ဗြိတိသျှ တို့၏ နိုင်ငံရေး စနစ် အရ အတိုက် အခံ ပါတီ တွင်လည်း အစိုးရ ဝန်ကြီး အဖွဲ့ ပုံစံ တာဝန်ခံ များကို ခန့်အပ် ထားပြီး အစိုးရ၏ မူဝါဒ များကို ဆန်းစစ် ဝေဖန်ခြင်း၊ ပါတီ၏ မူဝါဒ များကို ချမှတ်ခြင်း တို့ကို ဆောင်ရွက် လေ့ရှိရာ တိုနီဘလဲ အနေဖြင့် ထိုတာဝန် များကို ထမ်းဆောင် ရခြင်းဖြင့် လေဘာ ပါတီ၏ မူဝါဒ များကို အကောင် အထည် ဖော်ရာတွင် အရေး ပါသည့် အခန်းမှ ပါဝင်ခွင့် ရသကဲ့သို့ အစိုးရ အဖွဲ့၏ လုပ်နည်း လုပ်ဟန် များကိုလည်း လေ့လာခွင့် ရရှိခဲ့ ပေသည်။ ထိုအချိန် ကပင် တိုနီ ဘလဲသည် လေဘာ ပါတီ အတွင်း ပြုပြင် ပြောင်းလဲ ရေးများ လုပ်ရန် လိုလားသည့် နီးလ်ကင်နော့ဖ် အုပ်စုတွင် ပါဝင် လှုပ်ရှား ခဲ့သည်ကို တွေ့ရ သည်။ တကယ် တော့လည်း ထိုအချိန်က မာဂရက် သက်ချာ ခေါင်းဆောင် သည့် ကွန်ဆား ဗေးတစ် ပါတီက ၁၉၇၉ ခုနှစ်မှ စပြီး ဆက်တိုက် အာဏာ ရနေခဲ့ သောကြောင့် လေဘာ ပါတီက အိမ်န်ိမ့်စံ ဘဝ ရောက်နေ လေရာ ပါတီ အတွင်း ပြုပြင် ပြောင်းလဲရေး လုပ်လို သူများ အတွက် အခွင့် အလမ်းကောင်း ဖြစ်နေ ခဲ့သည်။

၁၉၉၂ ခုနှစ်တွင် ကွန်ဆာ ဗေးတစ် ပါတီက လေးကြိမ် ဆက်တိုက် ရွေးကောက် ပွဲတွင် အနိုင် ရရှိ ခဲ့သည့် အခါ လေဘာ ပါတီ ခေါင်းဆောင် နီးလ်ကင်းနော့က် နှုတ်ထွက် သွားပြီး ဂျွန်စမစ်က ခေါင်းဆောင် ဖြစ်လာ ခဲ့ကာ လေဘာ ပါတီ ခေါင်းဆောင်သစ် အောက်တွင် တိုနီ ဘလဲသည် လေဘာ ပြည်ထဲ ရေးရာ တာဝန်ခံ ဖြစ်လာ ခဲ့သည်။ ၁၉၉၄ ခုနှစ်တွင် ဂျွန်စမစ် နှလုံး ရောဂါဖြင့် ရုတ်တရက် ကွယ်လွန် သွားသည့် အခါ တွင်မူ တိုနီ ဘလဲသည် လေဘာ ပါတီ ခေါင်ဆောင် ရွေးချယ် ပွဲတွင် ဂျွန်ပရက် စကော့ (ယခု လေဘာ ဒုတိယ ခေါင်းဆောင်) နှင့် မာဂရက် ဘက်ကက် (ယခု နိုင်ငံခြား ရေးဝန်ကြီး) တို့ကို အနိုင် ယူပြီး လေဘာ ပါတီ ခေါင်းဆောင် ဖြစ်လာ ခဲ့သည်။

လေဘာ ပါတီသစ်

တိုနီ ဘလဲသည် ဗြိတိသျှ မဲဆန္ဒရှင် များ၏ အမြင်တွင် လေဘာ ပါတီ၏ ပုံရိပ်ကို ပြောင်းလဲရန် ဦးစားပေး ဆောင်ရွက် ခဲ့သည်။ ထို့ကြောင့် လေဘာ ပါတီ၏ မူဝါဒ များတွင် ပါဝင် နေသော လက်ဝဲစွန်း အယူ အဆများ ဖြစ်သည့် အဓိက စီးပွားရေး လုပ်ငန်း များကို နိုင်ငံပိုင် ပြုလုပ်ရေး၊ အနုမြူ လက်နက် များကို တစ်ဖက်သတ် ဖျက်သိမ်းရေး၊ ဝင်ငွေခွန် တိုးမြှင့် ကောက်ခံမှု စသည့် မူဝါဒ များကို ပယ်ဖျက်ရန် လုပ်ဆောင် ခဲ့သည်။ ထိုအပြောင်း အလဲများ အပေါ် ပါတီတွင်း လက်ဝဲ အယူ အဆ ပြင်းထန် သူများနှင့် အလုပ် သမား သမဂ္ဂ များက ပြင်းပြင်း ထန်ထန် ဆန့်ကျင် ခဲ့သော်လည်း တိုနီ ဘလဲက ကွန်ဆာ ဗေးတစ် တို့အပေါ် အောင်ပွဲခံ လိုလျှင် လေဘာ ပါတီ အနေဖြင့် အဓိက ကျသော ပြောင်းလဲ မှုများ လုပ်ရန် လိုသည် ဆိုသည့် အယူ အဆကို အောက်ခြေ ပါတီ ဝင်များက လက်ခံအောင် စည်းရုံး နိုင်ခဲ့သည်။ ၁၉၉၄ ခုနှစ် ပါတီ ညီလာခံက တိုနီ ဘလဲ၏ ပြုပြင် ပြောင်းလဲရေး မူများကို လက်ခံ ခဲ့သည့် အခါ တိုနီ ဘလဲက လေဘာ ပါတီသည် လေဘာ ပါတီသစ် New Labour အဖြစ် ပြန်လည် မွေးဖွား လာခဲ့ပြီဟု ကြွေးကျော်ခဲ့သည်။

တိုနီ ဘလဲက လေဘာ ပါတီသည် ကွန်ဆာ ဗေးတစ်တို့ ချမှတ် ထားသည့် ဈေးကွက် စီးပွားရေး စနစ် ဆိုင်ရာ ပြုပြင် ပြောင်းလဲမှု များကို ဆက်လက် ဆောင်ရွက် သွားမည် ဖြစ်ကြောင်း သို့သော် ကွန်ဆာ ဗေးတစ် တို့ထက် ပိုမိုထိ ရောက်အောင်၊ စီးပွားရေး ဖွံ့ဖြိုး တိုးတက်မှု၏ အကျိုး ကျေးဇူးကို လူအဖွဲ့ အစည်း တစ်ခုလုံးက ပိုမို မျှမျှ တတ ခံစား နိုင်အောင် ဆောင်ရွက် မည်ဟု ဗြိတိန် ပြည်သူ များကို ကတိ ပေးခဲ့သည်။ ထို့ပြင် ပညာရေး၊ ကျန်းမာရေး ကဏ္ဍ များကို ပစ်ပယ် ထားသည့် ကွန်ဆာ ဗေးတစ် တို့ကို အပြစ်တင်ပြီး ဗြိတိန် ပြည်သူ တို့သည် ယခုထက် ပိုမို ကောင်းမွန်စွာ ပညာ သင်ခွင့် ရရမည်၊ လေဘာ၏ ဦးစားပေး လုပ်ငန်းမှာ ပညာရေး ကဏ္ဍ ဖြစ်သည်ဟု ထုတ်ဖော် ပြောကြား ခဲ့သည်။ တိုနီဘလဲ၏ ဦးဆောင်မှု အောက်တွင် အသွင် ပြောင်းလာသော လေဘာ ပါတီသည် ၁၉၉၇ ခုနှစ် ရွေးကောက် ပွဲတွင် အပြတ် အသတ် အနိုင်ရခဲ့ပြီး တိုနီဘလဲ သည်လည်း ၁၈၁၂ ခုနှစ် နောက်ပိုင်းတွင် အသက် အငယ်ဆုံး ဗြိတိသျှ ဝန်ကြီးချုပ် ဖြစ်လာ ခဲ့သည်။

နိုင်ငံရေး အတက် အကျ

တိုနီ ဘလဲသည် ၁၉၉၇ ခုနှစ်မှ ၂ဝဝ၇ ခုနှစ် အထိ ဆယ်နှစ် ဆက်တိုက် ဝန်ကြီးချုပ် တာဝန်ယူ ခဲ့ရာ လေဘာ ပါတီတွင် ဝန်ကြီးချုပ် အဖြစ် တစ်ဆက်တည်း သက်တမ်း အရှည်ဆုံး တာဝန်ယူ ခဲ့ရသူ ဖြစ်သည်။ ထို့အတူ လေဘာ ပါတီကို သုံးကြိမ် ဆက်တိုက် ရွေးကောက်ပွဲ အနိုင် ရအောင် ဦးဆောင် နိုင်ခဲ့သည့် ပထမဆုံး ခေါင်းဆောင်လည်း ဖြစ်ခဲ့သည်။ ထို့ပြင် ဗြိတိန် နိုင်ငံ သမိုင်းတွင် တတိယ မြောက် သက်တမ်း အရှည်ဆုံး ဝန်ကြီး ချုပ်လည်း ဖြစ်ခဲ့သည်။ ( သက်တမ်း အရှည်ဆုံး နှစ်ဦးမှာ လော့ဒ် လစ်ဗာပူး ၁၈၁၂- ၁၈၂၇ နှင့် မဂရက် သက်ချာ ၁၉၇၉-၁၉၉ဝ တို့ ဖြစ်သည်။)

တိုနီ ဘလဲသည် ၎င်း၏ ပထမ သက်တမ်း (၁၉၉၇-၂ဝဝ၁) တွင် အထက် လွှတ်တော်ကို ပြင်ဆင် ဖွဲ့စည်းရေး၊ ဝေလ ပြည်နယ်နှင့် စကော့ တလန် တို့ကို အုပ်ချုပ်ခွင့် အာဏာများ ပိုပေးရေး စသော ဖွဲ့စည်းပုံ ဆိုင်ရာ ပြုပြင် ပြောင်းလဲမှု များနှင့် လူမူ ဖူလုံရေး ကဏ္ဍ ပြုပြင် ပြောင်းလဲရေး များကို ဦးစားပေး ဆောင်ရွက် ခဲ့သည်။ သို့သော် ထိုပြောင်းလဲ မှုများသည် နှေးကွေး လှသောကြောင့် ဗြိတိန် ပြည်သူ များက တိုနီ ဘလဲအပေါ် ပြစ်တင် မှုများ ပြုလုပ် ခဲ့ကြသည့် အပြင် လေဘာ ပါတီ အပေါ် လူထု ထောက်ခံ မှုလည်း ကျဆင်း လာခဲ့သည်။

သို့သော် စက်တင်ဘာ ၁၁ ရက်နေ့ အကြမ်းဖက် တိုက်ခိုက်မှုက ဘုရ်ှ၏ နိုင်ငံရေး ကံကြမ္မာကို ပြောင်းလဲ စေသကဲ့သို့ တိုနီ ဘလဲ ကိုလည်း မျက်နှာ သာပေး ဖေးမ ခဲ့သည်။ သမိုင်း ပညာရှင် အင်ဒရူး ရောဘတ် က စက်တင်ဘာ ၁၁ ရက်နေ့ တိုက်ခိုက် မှုသာ မရှိခဲ့လျှင် တိုနီ ဘလဲသည် ဗြိတိန် သမိုင်းတွင် ဒုတိယ တန်းစား ဝန်ကြီးချုပ် အဖြစ်နှင့် မထင်မရှား ဇာတ်သိမ်း ရလိမ့် မည်ဟု မှတ်ချက် ပြုခဲ့သည်။ အကြမ်းဖက် ဝါဒ တိုက်ဖျက်ရေး စစ်ပွဲတွင် မဟာမိတ် အမေ ရိကန် တို့နှင့် ရင်ပေါင်းတန်း တိုက်ပွဲ ဝင်သွားမည် ဆိုသည့် ရဲရဲတောက် ကတိ ပြုချက် နှင့်အတူ အာဖဂန် စစ်ပွဲကို ဝင်တိုက် ခဲ့သော တိုနီ ဘလဲသည် ဗြိတိန် ပြည်သူ တို့၏ အသဲ နှလုံးကို ဆွဲဆောင် နိုင်ခဲ့ ပေသည်။ ( အီရတ် စစ်ပွဲ ကတော့ တစ်မျိုး တစ်ဘာသာ ဖြစ်ခဲ့သည်။)

တိုနီ ဘလဲ၏ ဝန်ကြီးချုပ် သက်တမ်း တစ်လျှောက်တွင် အအောင် မြင်ဆုံးဟု ပြောနိုင်သည့် လုပ်ရပ်မှာ မြောက် အိုင်ယာလန် အရေးကို ငြိမ်းချမ်းစွာ အဖြေရှာ နိုင်ခဲ့ ခြင်းပင် ဖြစ်သည်။ ဂျွန်မေဂျာ လက်ထက်တွင် စတင် ခဲ့သော မြောက် အိုင်ယာလန် ဆွေးနွေး ပွဲသည် တိုနီ ဘလဲ လက်ထက် ၁၉၉၈ ခုနှစ်တွင် Good Friday Agreement ဟု အမည် တွင်သည့် သဘော တူညီချက်ကို လက်မှတ် ရေးထိုး နိုင်ခဲ့သည်။ သဘော တူညီ ချက်ကို အကောင် အထည် ဖော်ရာတွင် အခက် အခဲ များစွာ တွေ့ခဲ့ သည့်တိုင် တိုနီ ဘလဲသည် အမေရိကန် သမ္မတ များနှင့် ဆက်ဆံရေး ကောင်းမွန် မှုကို အခွင့်ကောင်း ယူပြီး ဆင်ဖိန်း အဖွဲ့ကို ငြိမ်းချမ်းရေး လုပ်ငန်းစဉ် များအား လက်ခံ လာအောင် စွမ်းဆောင် နိုင်ခဲ့ ပေသည်။ ထို့အတူ တိုနီ ဘလဲသည် ဥရောပနှင့် အာဖရိက ဒေသ ပဋိပက္ခ ဖြေရှင်းရေး များတွင် ဗြိတိန် နိုင်ငံက အဓိက အခန်းမှ ပါဝင် နိုင်အောင် လုပ်ဆောင် နိုင်ခဲ့ သည်ကို တွေ့ရသည်။

တိုနီ ဘလဲသည် ဝန်ကြီးချုပ် ဘဝတွင် ဗြိတိန် နိုင်ငံ အတွက် စီးပွားရေး ဖွံ့ဖြိုး တိုးတက်မှု၊ ပညာရေး၊ ကျန်းမာရေး၊ လူမှု ဖူလုံရေး ကဏ္ဍ ပြုပြင် ပြောင်းလဲ မှုများ ဖော်ဆောင် ပေးသကဲ့သို့ နိုင်ငံ တကာ ရေးရာ များတွင် အဓိက အခန်း ကဏ္ဍမှ ပါဝင် နိုင်အောင် စွမ်းဆောင် နိုင်ခဲ့ သည်မှာ သံသယ ရှိစရာ လိုမည် မဟုတ်ပေ၊ တိုနီဘလဲ ကလည်း ၎င်း၏ နှုတ်ဆက် မိန့်ခွန်းတွင် ထိုအချက် များကိုသာ လေဘာ ပါတီ၏ အဓိက အောင်မြင် မှုများ အဖြစ် အကြိမ်ကြိမ် ရည်ညွှန်း ခဲ့ပေသည်။ သို့သော် ဗြိတိန် နိုင်ငံ သမိုင်းတွင် ဝန်ကြီးချုပ် များကို ၎င်းတို့ သက်တမ်းတွင် ပေါ်ပေါက် ခဲ့သော အဓိက ဖြစ်ရပ်၏ အောင်မြင်မှု၊ ဆုံးရှုံးမှု များနှင့်သာ ယှဉ်တွဲပြီး ချိန်ဘာလိန် ကို မြူးနစ် သဘော တူညီချက်၊ ချာချီကို ဗြိတိန် လေကြောင်း တိုက်ပွဲ၊ အန်တော်နီ အီဒင်ကို စူးအက် တူးမြောင်း အရေး အခင်း၊ မာဂရက် သက်ချာကို ဖော့ကလန် စစ်ပွဲ စသည်ဖြင့် ပြည်သူ များက သတိ ရလျှက် ရှိကြရာ တိုနီဘလဲ ကိုလည်း အီရတ် စစ်ပွဲနှင့် တွဲပြီး သတိရ နေကြ မည်မှာ သေချာ နေပေသည်။

အီရတ် စစ်ပွဲ

စက်တင်ဘာ ၁၁ ရက်နေ့ တိုက်ခိုက်မှုနှင့် ပတ်သက်ပြီး မိန့်ခွန်း ပြောကြား ရာတွင် တိုနီ ဘလဲက ဗြိတိန် နိုင်ငံသည် အမေရိကန်နှင့် ရင်ပေါင် တန်းပြီး အကြမ်းဖက် ဝါဒကို တိုက်ပွဲဝင် သွားမည် ဖြစ်ကြောင်းနှင့် အမေရိကန် ပြည်သူ တို့နှင့် အတူ နောက်ဆုံး အချိန် အထိ ရပ်တည် သွားမည် ဖြစ်ကြောင်း ကတိပြု ခဲ့သည်။ ထိုစကား နှင့်အညီပင် တိုနီဘလဲသည် ဗြိတိန် ပြည်သူ အများစုနှင့် ဥရောပ မဟာမိတ် များ၏ သဘော ထားကို ဆန့်ကျင်ပြီး ဗြိတိန် နိုင်ငံကို အီရတ် စစ်အတွင်း ဆွဲသွင်း ခဲ့သည်။ အီရတ် စစ်ပွဲလွန် ကာလ အီရတ် နိုင်ငံတွင် အခြေ အနေများ ယိုယွင်း ပျက်စီး လာသည့် အခါ တိုနီဘလဲ အပေါ် ထောက်ခံ မှုများ ကလည်း တဟုန်ထိုး ကျဆင်း လာခဲ့သည်။

ထို့ကြောင့် ၂ဝဝ၅ ခုနှစ် ရွေးကောက် ပွဲတွင် လေဘာ ပါတီ အနိုင်ရ ခဲ့သည့်တိုင် အများစု ရရှိ ထားသော အမတ် အရေ အတွက်မှာ ၁၆၇ နေရာမှ ၆၆ နေရာသို့ ကျဆင်း သွားခဲ့သည်။ နိုင်ငံရေး အကဲခတ် အများစု ကမူ ထိုရွေး ကောက်ပွဲတွင် လေဘာတို့ အနိုင်ရ ခြင်းမှာ ကွန်ဆာ ဗေးတစ် တို့၏ အားနည်းချက် ကြောင့်သာ ဖြစ်သည်ဟု သုံးသပ် ခဲ့ကြသည်။ ၂ဝဝ၆ ခုနှစ် မေလ တွင်မူ တိုနီဘလဲ အပေါ် လူထု ထောက်ခံ မှုမှာ ၂၆% အထိ ကျဆင်း သွားခဲ့ပြီး ၎င်းလတွင် ပြုလုပ်သည့် ဒေသန္တရ ရွေးကောက်ပွဲ များတွင် လေဘာ ပါတီ အနေဖြင့် ဒေသ အုပ်ချုပ်ရေး ကောင်စီ ၃၁၉ နေရာကို လက်လွတ် လိုက်ရသည့် အခါ လေဘာ ပါတီ အတွင်းတွင် တိုနီဘလဲ နှုတ်ထွက် ပေးရန် တောင်းဆို မှုများ ပိုမို များပြား လာခဲ့သည်။ ထို့ကြောင်း ၎င်းနှစ် စက်တင် ဘာလတွင် ပြုလုပ်သည့် လေဘာ ပါတီ ညီလာခံတွင် တိုနီ ဘလဲက ယခု ညီလာခံသည် လေဘာ ခေါင်းဆောင် အဖြစ် ၎င်းနောက်ဆုံး တက်ရောက်သည့် ညီလာခံ ဖြစ်ကြောင်း ပြောကြား ခဲ့ရ ပေသည်။

သမိုင်း စာမျက်နှာ ပေါ်က နေရာ

တိုနီဘလဲ ကဲ့သို့ နိုင်ငံတကာ ရေးရာ အတွေ့ အကြုံ များသော၊ နိုင်ငံရေး ပါးဝ လှသော ခေါင်းဆောင် တစ်ဦးက ဘုရ်ှကဲ့သို့ တစ်ယူသန် ကွန်ဆာ ဗေးတစ် တစ်ယောက်၏ ဦးဆောင်မှု အောက်တွင် မျက်စိ စုံမှိတ် လိုက်ခဲ့ ခြင်းနှင့် ပတ်သက်ပြီး အယူအဆ အမျိုးမျိုး ပေါ်ထွက် ခဲ့ကြ ပါသည်။ တိုနီဘလဲ ကမူ ၎င်း၏ နှုတ်ဆက် မိန့်ခွန်းတွင် တိုင်းပြည်ကို ဦးဆောင် ရာတွင် တစ်ခါ တစ်ရံ ပြည်သူ များ၏ ဆန္ဒကို ဆန့်ကျင်ပြီး တိုင်းပြည် အတွက် အကျိုး ရှိမည်ဟု မိမိ ယုံကြည်သည့် အချက်ကို ဆုံးဖြတ် ဆောင်ရွက် ခဲ့ရကြောင်း ပြောဆိုပြီး အီရတ် စစ်ပွဲကို ကာကွယ် ပြောဆို သွားခဲ့သည်။ ထို့ကြောင့် ဘာကြောင့် အီရတ် စစ်ပွဲတွင် အမေ ရိကန်ကို ထောက်ခံရန် ဆုံးဖြတ် ခဲ့သည်ကို တိုနီဘလဲ တစ်ဦးသာ သိနိုင် ပေလိမ့်မည်။

မည်သို့ပင် ဆိုစေ ရှက်ဖီး တက္ကသိုလ် ခေတ်သစ် သမိုင်း ပါမောက္ခ အီယန် ကားရှော၏ အောက်ပါ မှတ်ချက်က တိုနီဘလဲ၏ သမိုင်း စာမျက်နှာ ပေါ်က နေရာကို ဖော်ပြ နေပေသည်။

အန်တိုနီ အီဒင် အကြောင်း ပြောရင် ဆူးအက် တူးမြောင်း အရေး အခင်းမှာ အဆုံး  အဖြတ်မှားခဲ့တာကို ပဲ သတိရ ကြလ်ိမ့်မယ်၊ တိုနီဘလဲ ဆိုရင်တော့ အီရတ် စစ်ပွဲ ပဲပေါ့။ ရှောင်လို့ရနိုင်တဲ့ အမှားကို ဇွတ်တိုး လုပ်ခဲ့တဲ့ လုပ်ဆောင် ချက်ကို တိုနီ ဘလဲရဲ့ သင်္ကေတအဖြစ် အမြဲ သတိရ နေကြမှာ သေချာတယ်၊ လူတွေကမှာ တိုနီဘလဲ အောင်မြင် ခဲ့တာတွေ အားလုံးကို အီရတ် စစ်ပွဲ အမှားနဲ့ ချေလိုက် ကြမှာပါ။ အီရတ် စစ်ပွဲက တိုနီဘလဲ ဝန်ကြီးချုပ် သက်တမ်း အတွက် အကြီးဆုံး အနှုတ် လက္ခဏာ အဖြစ် တစ်သက်လုံး စွဲကျန် နေမှာ သေချာ ပါတယ်။

ရဲထွဋ်

မှီငြမ်းပြုစာစောင်များ

၁။	BBC News 10-5-2007, 11-5-2007
၂။	Tony Blair on his legacy and Iraq, Newsweek, 26-2-2007