(ဒီမိုကရေစီ
စနစ်၏ အင်္ဂါရပ် တစ်ခုမှ ပုံမှန် ကျင်းပသည့် ရွေးကောက်ပွဲ များနှင့် ထိုရွေးကောက်ပွဲ
များမှတဆင့် အုပ်ချုပ်ရေး၊ ဥပဒေ ပြုရေး လုပ်ပိုင်ခွင့်
များကို ငြိမ်းချမ်းစွာ လွှဲပြောင်း ပေးခြင်းပင် ဖြစ်သည်။ ရောဘတ် ဂိတ်သည် သမ္မတဘုရ်ှ
ဒုတိယ သက်တမ်းတွင် ကာကွယ်ရေး ၀န်ကြီး အဖြစ် တာဝန် ထမ်းဆောင် ခဲ့သည့် အပြင် ၂၀၀၈ သမ္မတ
ရွေးကောက် ပွဲတွင် အနုိုင် ရရှိခဲ့သည့် သမ္မတ အိုဘားမား လက်ထက် တွင်လည်း ကာကွယ်ရေး
ဝန်ကြီး အဖြစ် တာဝန် ထမ်းဆောင် ခဲ့ရသူ ဖြစ်သည်။ သူ၏ ကာကွယ်ရေး ၀န်ကြီးဘ၀ အတွေ့ အကြုံကို
ရေးသားသည့် Duty စာအုပ် အခန်း (၈) Transition တွင် သမ္မတဘုရ်ှ အုပ်ချုပ်ရေး အဖွဲ့က
သမ္မတ အဖြစ် ရွေးချယ် ခံပြီးသူ အိုဘားမားထံ တာဝန် လွှဲပြောင်း ခဲ့သည့် အတွေ့ အကြုံ များကို
ဖော်ပြထားရာ ထိုအခန်းမှ တာဝန် လွှဲပြောင်းခြင်းနှင့် ပတ်သက်သည့် ဖြစ်စဉ် များကို ဆီလျော်အောင်
ကောက်နှုတ် ဘာသာပြန်ဆို တင်ပြအပ် ပါသည်။ အမေရိကန် နုိုင်ငံရေး လောက သက်သက် နှင့်သာ
ဆိုင်သည့် အကြောင်းအရာ အချို့ ကိုမူ ချန်လှပ်ထားခဲ့ပါသည်။ ဂိတ်၏ အတွေ့အကြုံကို လေ့လာခြင်း
အားဖြင့် ဒီမိုကရေစီ စနစ်၏ ငြိမ်းချမ်းစွာ တာဝန် လွှဲပြောင်းမှု တနည်းအားဖြင့် အာဏာ
လွှဲပြောင်းမှု အခြေအနေ များကို ဆ၀ါးနုိုင်မည် ဖြစ်ပါသည်။ )
သမ္မတဘုရ်ှနဲ့
ကျွန်တော် ရာထူး ခန့်အပ်ရေး ကိစ္စတုန်း ကလိုပဲ ကျွန်တော်နဲ့သမ္မတ အိုဘားမားတို့ တွေ့ဆုံမှု
ဟာလည်း လျှို့ဝှက်ပြီး ဆောင်ရွက်ခဲ့ တာပါ။ နိုဝင်ဘာလ ၁၀ ရက်နေ့မှာ သမ္မတ ရွေးကောက်ပွဲ
မှာ အနုိုင်ရပြီး ဖြစ်တဲ့ အိုဘားမားက ချီကာဂို မြို့ကို ပြန်မယ်။ အဲဒီလို မပြန်ခင်
ရီဂင် နုိုင်ငံတကာ လေဆိပ် ထဲက မီးသတ် အဆောက်အဦ ထဲမှာ ကျွန်တော်တို့ တွေ့ခဲ့ ကြတာ
ဖြစ်ပါတယ်။
ကျွန်တော်က
ရုံးအဖွဲ့ တွေကို အခန်းထဲမှာ သီးသန့် တွေ့ဆုံဖို့ ရှိတယ်၊ ဘယ်သူမှ မလာနဲ့လို့
မှာထားတယ်။ ပြီးတော့ ကျွန်တော့် အတွက် ထားတဲ့ သီးသန့် ဓာတ်လှေခါးနဲ့ မြေအောက် ကားဂိုဒေါင်ကို
တိုက်ရိုက်ဆင်းပြီး ကျွန်တော်နဲ့ ကားသမား နှစ်ယောက်ထဲ လေယာဉ်ကွင်းကို သွားခဲ့ပါတယ်။
အိုဘားမား ကတော့ ကွင်းထဲမှာ ရပ်ထားတဲ့ သူ့လေယာဉ်
ဆီကို မသွားပဲ မီးသတ် အဆောက်အဦကို လှည့်ဝင် လာတာ ဖြစ်ပါတယ်။
အစည်းအဝေး
ခန်းထဲမှာ ကျွန်တော်တို့ နှစ်ယောက်ထဲ တွေ့တာပါ။ အိုဘားမားက လက်ဆွဲ နှုတ်ဆက် ပီးတာနဲ့
သူ့အိတ်ထဲက ကျွန်တော့် မေးခွန်း စာရွက်ကို ထုတ်ပြီး အလုပ်ကိစ္စ တန်းပြောပါတယ်။ ကျွန်တော်က
သူ့ကို မေးခွန်း ကိုးခု မေးထားတာပါ။
ပထမ
မေးခွန်း ကတော့ ရိုးရှင်းပါတယ်။ ကျွန်တော့်ကို ဘာ့ကြောင့် ဆက်ပြီး တာဝန်ပေးချင် တာလဲလို့
မေးတာပါ။ အိုဘားမားက ပထမအချက်က ကျွန်တော် ကာကွယ်ရေး ၀န်ကြီး အဖြစ် တာဝန် ထမ်းဆောင်မှု
အပေါ်မှာ ကြိုက်တယ်၊ ဒုတိယ အချက်ကတော့ သမ္မတ သက်တမ်း ပထမ ခြောက်လမှာ သူ့အနေနဲ့ စီးပွားရေး
ကဏ္ဍကို အာရုံစိုက် ချင်တယ်။ (ထိုအချိန်က အမေရိကန် နုိုင်ငံတွင် ၂၀၀၈ ဘဏ္ဍာရေး အကျပ်
အတည်းနှင့် ရင်ဆိုင် နေရချိန် ဖြစ်သည်။ ဘာသာပြန်သူ) ဒါ့ကြောင့် ကာကွယ်ရေး အပိုင်းမှာ
တည်တည် ငြိမ်ငြိမ်နဲ့ ဆက်လုပ် နုိုင်တာကို လိုလားတယ်လို့ ပြောပါတယ်။
ဒုတိယ
မေးခွန်း ကတော့ ကျွန်တော့ကို ဘယ်လောက် ကြာကြာ တာဝန် ပေးမှာလည်း ဆိုတာ ပါပဲ။ ကျွန်တော်က
တစ်ဆက်တည်းပဲ တစ်နှစ် ဆိုရင် အိုဘားမား အဖွဲ့သားတွေ အတွက် ကာကွယ်ရေး ကဏ္ဍကို ဆက်တာဝန်ယူ
နုိုင်အောင် လုံလောက်တယ်လို့ အကြံပေး ထားပါတယ်။ အိုဘားမားက အဲဒီကိစ္စကို လူသိရှင်ကြား
ထုတ်မပြောဘူး။ ဒါပေမယ့် ကျွန်တော်တို့ နှစ်ယောက်ကြား မှာတော့ တစ်နှစ်ဆိုတာကို အခြေခံ
သဘောတူ ထားမယ်လို့ ဆုံးဖြတ်ပါတယ်။
တတိယ
မေးခွန်း ကတော့ ကျွန်တော်နဲ့ အိုဘားမားဟာ တစ်ယောက် အကြောင်း တစ်ယောက် မသိဘူး။ ဒါကြောင့်
ကျွန်တော်ကို ယုံကြည် နုိုင်ပါ့မလား၊ အမျိုးသား လုံခြုံရေး ဆိုင်ရာ ကိစ္စတွေမှာ
အတွင်း စည်းအထိ ကျွန်တော့်ကို ပါဝင်ခွင့် ပြုမှာလား ဆိုတာပါပဲ။ အိုဘားမား ကတော့
ကျွန်တော့် အပေါ်မှာ ယုံကြည်မှု မရှိရင် ဒီတာဝန် ပေးဖို့ မကမ်းလှမ်းဘူး။ ကျွန်တော့်ကို
အရေးကြီးတဲ့ ကိစ္စတုိုင်း အတွက် ဆုံးဖြတ်ချက် ချမှတ်ရာမှာ ပါဝင်ခွင့်ပြု မှာပါလို့
ပြောပါတယ်။
စတုတ္ထ
မေးခွန်း ကတော့ အမျိုးသား လုံခြုံရေးနဲ့ ဆုိုင်တဲ့ ၀န်ကြီး ဌာနတွေ အတွက် ဘယ်သူ တွေကို
လျာထား သလဲဆိုတာပါပဲ။ ကျွန်တော်က သမ္မတ အနေနဲ့ အမျိုးသား လုံခြုံရေးနဲ့ ဆုိုင်တဲ့
ဝန်ကြီး ဌာနတွေ အတွက် လူရွေးရာမှာ အသင်းတစ်သင်း အနေနဲ့ စဉ်းစား သင့်တယ်။ ဒါမှ အလုပ်လုပ်ရာမှာ
ပေါင်းစပ် ညှိနှိုင်းမှု ကောင်းမယ်လုို့ ယူဆထား ပါတယ်။ ကျွန်တော့် အတွေ့အကြုံ အရ ပြီးခဲ့တဲ့
အစိုးရ အဖွဲ့ အတော် များများမှာ နုိုင်ငံခြားရေး ၀န်ကြီးနဲ့ ကာကွယ်ရေး ၀န်ကြီး တွဲလုပ်လို့
မရတာတွေ မြင်ခဲ့ရ ပါတယ်။ အိုဘားမားက နုိုင်ငံခြားရေး ၀န်ကြီး အတွက် ဟီလာရီ ကလင်တန်ကို
လျာထား ကြောင်းနဲ့ အငြိမ်းစား ဗိုလ်ချုပ်ကြီး ဂျင်ဂျုံးကို အမျိုးသား လုံခြုံရေး
အကြံပေး အဖြစ် လျာထားကြောင်း ပြောပါတယ်။
ပဉ္စမ
မေးခွန်း ကတော့ အိုဘားမား အနေနဲ့ ကာကွယ်ရေး ၀န်ကြီး ဌာနရဲ့ အရပ်ဘက် ရာထူး များကို
ခန့်ထား ရာမှာ ကျွန်တော် ပါဝင်ခွင့် ပေးမလား ဆိုတာပါပဲ။ အိုဘားမား အနေနဲ့ နှစ်သက်ရာ
လူကို ရွေးလို့ ရပါတယ်။ ဒါပေမယ့် ကျွန်တော် မကြိုက်ရင် ပယ်ချခွင့် ပေးစေချင် တာပါ။
နောက်ပြီး အိုဘားမား ရွေးချယ်တဲ့ သူတွေ စပြီး တာဝန် မထမ်းဆောင် နုိုင်ခင် စပ်ကူး မတ်ကူး
ကာလမှာ လက်ရှိ တာဝန် ထမ်းဆောင် နေသူ တစ်ချို့ကို ယာယီ ဆက်တာဝန်ပေး ထားခွင့်လည်း တောင်းခဲ့
ပါတယ်။ ဒါမှလည်း လက်ရှိ လုပ်ငန်းတွေကို အဆင်ပြေပြေ နဲ့ဆက် လုပ်ထား နုိုင်မှာ ဖြစ်ပါတယ်။ အိုဘားမားက ဒါဖြစ် နုိုင်ပါတယ်လို့ ကတိပေးပါ တယ်။
(အမေရိကန် နုိုင်ငံရေး စနစ်အရ ၀န်ကြီး ဌာနများတွင် ညွှန်ကြား ရေးမှူးချုပ် အဆင့်နှင့်
အထက် နေရာ အများစုမှာ သမ္မတက ခန့်အပ်သူများ ( Political Appointees ) ဖြစ်သည်။ ထို့ကြောင့်
သမ္မတ အသစ် တာဝန်ယူလျှင် ယခင် သမ္မတက ခန့်အပ် ခဲ့သူ များမှာ တာဝန်မှ အနားယူ ရသည်။ ဘာသာပြန်သူ)
ဆဌမ
မေးခွန်းက ကာကွယ်ရေး ၀န်ကြီးဌာန ဒုတိယ၀န်ကြီး ရာထူးနေရာနဲ့ ပတ်သက် ပါတယ်။ ကျွန်တော်တို့
နှစ်ယောက်လုံး ဖြစ်နုိုင်ချေ ရှိတဲ့သူတွေ အကြောင်း ဆွေးနွေး ခဲ့ပါတယ်။ အိုဘားမားက
ဒုဝန်ကြီး နေရာ အတွက် ကျွန်တော်နဲ့ နီးနီး ကပ်ကပ် တုိုင်ပင်မယ် လုို့ကတိ ပေးသွားပါတယ်။
သတ္တမ
မေးခွန်း ကတော့ လက်ရှိ သမ္မတဘုရ်ှ ခန့်ထား သူတွေထဲက ကျွန်တော် ဆက်တာဝန် ပေးချင်တဲ့သူ
သုံးယောက်ကို ဆက်ထားလို့ ရမလား ဆိုတာပါပဲ။ အဲဒီ သုံးယောက် အကြောင်း ရှင်းပြတော့
အိုဘားမားက ကြည့်ရ သလောက် စွံမယ့်ပုံပဲ။ ဒါကြောင့် သူစဉ်းစား ပါ့မယ် လို့ ပြောတယ်။
အဋ္ဌမ
မေးခွန်းကတော့ အိုဘားမား အနေနဲ့ သူ့သက်တမ်း ပထမနှစ်မှာ ကာကွယ်ရေး ဘတ်ဂျက်ကို အကြီးအကျယ်
အပြောင်းအလဲ လုပ်ဖို့ ရှိလား ဆိုတာပါပဲ။ ကျွန်တော်က အိုဘားမားကို ပြီးခဲ့တဲ့ နှစ်တစ်ရာ
ကျော်မှာ စစ်ပွဲတစ်ခု ပြီးတုိုင်း ကာကွယ်ရေး ဘတ်ဂျက်ကို အကြီးအကျယ် ဖြတ်တောက် ခဲ့တယ်။
ဒါပေမယ့် နောက်တစ်ခါ စစ်ပွဲနဲ့ ပြန်ကြုံတော့ အဲဒီ ဘတ်ဂျက် ဖြတ်တောက် မှုတွေအတွက် သွေးနဲ့ချွေးနဲ့
ပြန်ပေးဆပ် ခဲ့ရတယ်လို့ ရှင်းပြခဲ့ ပါတယ်။ အုိုဘားမားက ကာကွယ်ရေး ဘတ်ဂျက်ကို အကြီးအကျယ်
လျှော့ချဖို့ မရှိဘူး၊ ဒါပေမယ့် စီးပွားရေး ကျဆင်းမှုကို ကုစားတဲ့ နေရာမှာ ကာကွယ်ရေး
ကိုလည်း ချန်ထားခဲ့ လို့မရဘူး။ ကာကွယ်ရေး ၀န်ကြီးဌာန အနေနဲ့ ဘဏ္ဍာငွေ သုံးစွဲရာမှာ
ပိုပြီး စီစီစစ်စစ် လုပ်ဖို့ တော့လိုမယ်၊ ခက်ခဲတဲ့ ဆုံးဖြတ်ချက်တွေ ချမှတ်ဖို့
လိုလိမ့်မယ်လို့ ပြောပါတယ်။
နောက်ဆုံး
မေးခွန်း ကတော့ အီရတ်စစ်ပွဲနဲ့ ပတ်သက် ပါတယ်။ ကျွန်တော်က အာဖဂန် စစ်ပွဲနဲ့ ပတ်သက်ရင်
ကျွန်တော်တို့ အမြင် တူပါတယ်။ ဒါပေမယ့် အီရတ်စစ်ပွဲနဲ့ ပတ်သက်ရင် ပြီးခဲ့တဲ့ ၁၈ လ
အတွင်း ရခဲ့တဲ့ အောင်မြင်မှု တွေကို ဆက်ထိန်း နုိုင်ဖို့ အတွက် သမ္မတ အိုဘားမားရဲ့
အီရတ်စစ်ပွဲ ဆုိုင်ရာ ရည်မှန်းချက် တွေကို ပြောင်းလွယ် ပြင်လွယ် လုပ်နုိုင်ပါ့ မလားလို့
မေးခဲ့ပါတယ်။ အိုဘားမားက သူဟာ ပြောင်းလွယ် ပြင်လွယ် ရှိပါတယ်။ အစွန်းရောက် အုပ်စုတွေ
နောက်ကို ရေဆုံးရေဖျား လိုက်ဖို့ လက်မတွန့် ပါဘူးလို့ ဆိုပါတယ်။
ကျွန်တော်တို့
ဆွေးနွေးမှုဟာ မိနစ် ငါးဆယ်လောက် ကြာပါတယ်။ အဆုံးမှာတော့ ကျွန်တော်က ခင်ဗျား အနေနဲ့
ကျွန်တော့်ကို တစ်နှစ်ဆက် တာဝန်ပေးဖို့ ဆုံးဖြတ်ရင် ကျွန်တော် လက်ခံဖို့ အသင့်
ရှိပါတယ်လို့ ပြောလိုက် ပါတယ်။ အိုဘားမား ကလည်း သူဆုံးဖြတ် ထားပါတယ်လုို့ ပြန်ဖြေပါတယ်။
ကျွန်တော့်ရဲ့
မေးခွန်းတွေအပေါ် ဆွေးနွေးပြီးတဲ့အဆုံးမှာ ကျွန်တော်က အိုဘားမားကို အခုလို ကတိပေးခဲ့
ပါတယ် -
“ ကျွန်တော့် အနေနဲ့ ထဲထဲဝင်ဝင် မေးခွန်းတွေ မေးခဲ့ပြီးပါပြီ။
ကျွန်တော့်ဘက် ကလည်း ကျွန်တော့်ကို တာဝန် ပေးတဲ့အခါ ယုံယုံ ကြည်ကြည် တာဝန်ပေးပါ။
ကျွန်တော့်ဆီမှာ မြုပ်ကွက်တွေ၊ ဖုံးကွယ် ထားတဲ့
တစ်ခြား အစီအစဉ် တွေများ ရှိလေ မလားလို့ စိတ်မပူပါနဲ့လို့အာမခံ ပါတယ်။ အခြား သမ္မတတွေ
လက်အောက်မှာ တာဝန် ထမ်းဆောင်ခဲ့ တုန်းကလိုပဲ ကျွန်တော် အနေနဲ့ အကောင်းဆုံး ဖြစ်မယ်လို့
ယုံကြည်တဲ့ အကြံဥာဏ် တွေကို ပွင့်ပွင့် လင်းလင်း တင်ပြပါ့မယ်။ သမ္မတက ကျွန်တော် ပေးတာကို
လက်မခံဘဲ အခြား နည်းလမ်းကို ရွေးခဲ့ရင် ကျွန်တော် ဆက်ထောက်ခံပြီး လုပ်နုိုင်ရင် လုပ်ပါ့မယ်၊
မလုပ်နုိုင်ရင် ထွက်ပါ့မယ်။ ဒါပေမယ့် သမ္မတ လက်အောက်မှာ အမှုထမ်း နေပြီး နောက်ကွယ်က
သစ္စာမဲ့တဲ့ အလုပ်မျိုး ကိုတော့ ဘယ်တော့မှ မလုပ်ပါဘူး။”
သမ္မတ
အိုဘားမား လက်အောက်မှာ တာဝန် ထမ်းဆောင် ခဲ့တဲ့ နှစ်နှစ် ခွဲကာလ တစ်လျှောက်လုံး အဲဒီကတိ
စကားကို ကျွန်တော် မြဲမြဲမြံမြံ ထိန်းသိမ်း ခဲ့ပါတယ်။
(ဆက်လက်ဖော်ပြပါမည်။)
No comments:
Post a Comment