အိမ်တိုင်နွယ်ရစ် - လယ် တောဖြစ်ခြင်း

တောဟေ၀န် ဇာတ်လမ်းများ- မောဂ္ဂလိ။  နိုဘယ် စာပေဆုရှင် ရုဒယက် ကစ်ပလင်၏ The Jungle Book ကို ဆရာ ထင်လင်း က ဘာသာပြန် ထားသော စာအုပ်ဖြစ်သည်။ မူရင်း စာအုပ်ရော၊ ရုပ်ရှင်ပါ ကျော်ကြား လှသလို ဆရာထင်လင်း ဘာသာပြန် လိုက်တော့လည်း နံမည်ကြီး ဘာသာပြန် စာအုပ်ဖြစ်ခဲ့သည်။ နိုင်ငံတော်က ချီးမြှင့်သော ဘာသာပြန် စာပေဆုပင် ရရှိခဲ့ည်။  ဆရာထင်လင်း၏ ဘာသာပြန် အရေးအသားများက ချောမွေ့လှသည်။ အထူးသဖြင့် ကစ်ပလင်၏ ကဗျာများကို ပြန်ဆိုထားပုံက မြန်မာလို ရွတ်ဆိုလိုက်လျှင် ချောချော မွေ့မွေ့ အာတွေ့လှသည်။  အင်္ဂလိပ် စာအုပ်များ ကိုသာ အဖတ်များ သည့် ကျွန်တော့် ဖခင်ကပင် ဆရာထင်လင်း ဘာသာပြန်ကို ဖတ်ရတာက မူရင်း စာအုပ်ထက်ပင် ပိုအရသာ တွေ့သည်ဟု ဆိုခဲ့သည်။

မောဂ္ဂလိ စာအုပ်တွင် မောဂ္ဂလိ၏ မိဘနှစ်ပါးကို စုန်း အဖြစ်စွတ်စွဲပြီး မီးရှို့သတ်ရန် ကြိုးစားသော၊ မောဂ္ဂလိကို ၀ံပုလွေ မကောင်းဆိုးဝါး အဖြစ် သတ်မှတ်ပြီး ရွာကနေ နှင်ထုတ်လိုက်သော ရွာသားများကို မောဂ္ဂလိက တောရဲ တိရိစ္ဆာန်များ၏ အကူအညီဖြင့် ရွာပျက်ပြီး တောဖုံးသွားအောင် လုပ်သည့် အကြောင်းပါသည်။ ထိုအခန်းကို ဆရာထင်လင်းက အိမ်တိုင် နွယ်ရစ် လယ်- တောဖြစ်ခြင်းဟု အမည်ပေးထားသည်။ အခန်းအစ ကဗျာတွင် ရွာပျက်ပြီး တောဖုံးသွားပုံကို အခုလို ဖွဲ့နွဲ ပြခဲ့သည်။

××××××

မစိုက်ပျိုးသော ၊ လယ်တကြော၌

တောသားသမင်၊ ပျိုမိခင်တို့

သားစဉ်ပွားပေါက်၊ အချိန်ရောက်လည်း

အခြောက်အလှန့် မရှိစေရ။

နံရံ တံတိုင်း၊ အလုံဝိုင်းတို့ ပိုင်းပိုင်းပြိုကျ

 မြေသို့ခ , လျှက်၊ ဘာမှ မရှိ၊ လူမသိသော

တော၏ အသွင်၊ သည့်နောက်တွင် -----

ရွာဝင်မတည် ကြစေနှင့်တော့။

ထိုအခန်း အဆုံးတွင်မူ ဆရာထင်လင်းက ရွာပျက်ပြီးတောက ဖုံးသွားပုံကို အခုလို ရေးပြခဲ့ပြန်သည်--

××× တစ်လခန့် ကြာသောအခါ ရွာနေရာ၌  စိမ်းစိုသော ရွက်နုများ ဖုံးအုပ်လျှက် အခွက်အချိုင့်များနှင့် ကုန်းမောက်မောက်  တစ်ခုသာ ကျန်တော့သည်။ မိုးရာသီ ကုန်သော အခါတွင်ကား လွန်ခဲ့သည့် ခြောက်လ ခန့်က ထွန်များ၊ ထယ်များ ချလျှက်ရှိ သည့် နေရာတွင် အသံမျိုးစုံနှင့် တောကြီးအတိ ရောက်ရှိ၍ လာလေတော့သတည်း။

ဤ အဖြစ်အပျက်ကား မောဂ္ဂလိ စကားအတိုင်း ဆိုလျှင် တောကို လွှတ်ပြီး နင်းခိုင်းသောကြောင့် ရွာပျက် သွားခဲ့ပုံပင် ဖြစ် သည်။ ထိုအချိန် ကတော့ ရွာတွေပျက်ပြီး တောဖုံးသွားခဲ့ပုံကို စာအရသာ သိခဲ့ရသည်။ ကိုယ်တွေ့ မရှိခဲ့။

အမိ စစ်တက္ကသိုလ်မှာ လေးနှစ်ကြာ သင်ကြား လေ့လာဆည်းပူးပြီး နောက်တွင် ခြေမြန်တပ်ရင်း တစ်ရင်းမှာ ဒုတိယ ဗိုလ် အဖြစ် တာဝန်ထမ်းဆောင် ရသည်။ ကျွန်တော်တို့ တပ်ရင်းက နိုင်ငံ အရှေ့တောင်ပိုင်း ဒေသမှာ စစ်ဆင်ရေး တာဝန်ထမ်းဆောင် ရ၏။ ဒီတော့မှပဲ ရွာပျက်ဆိုတာကို ကိုယ်တွေ့ ကြုံရတော့သည်။ မှတ်မှတ်ရရ နယ်စပ်ဒေသ တောင်တန်းကြီး အခြေမှာဖြစ် သည်။ ဗြိတိသျှတို့ ပြုစုခဲ့သည့် စစ်သုံးမြေပုံပေါ်မှာ ဘုန်းကြီးကျောင်း၊ ခရစ်ယန် ဘုရားကျောင်းများနှင့် ရွာကြီး တစ်ရွာအဖြစ် ပြထားသည့် ရွာဖြစ်သည်။ မြေပြင်တွင်လည်း အိမ်ခြေ နှစ်ရာကျော် ရှိသည့် ရွာကြီးဖြစ်၏။ ရွာနေရာက တောင်တန်းကြီးကို အရှေ့အနောက် ဖြတ်နိုင်သည့် တောင်ကြားလမ်း အ၀အနီးတွင်ရှိသောကြောင့် စစ်ရေးအရ အချက်အခြာကျသည်။ ဒီလိုနဲ့ လွန်ခဲ့သည့် ခြောက်လခန့်က အဲဒီရွာကြီးနဲ့ ပတ်ဝန်းကျင် ဒေသတွေမှာ တပ်မတော် စစ်ကြောင်းများနဲ့ တစ်ဖက် အဖွဲ့အစည်းက လက်နက်ကိုင် တပ်ဖွဲ့များ တစ်လကျော် တိုက်ပွဲဖြစ်ခဲ့သည်။ အရင်က သူ့တပ်အ၀င်၊ ကိုယ့်တပ်အ၀င် ဖြတ်သွား ဖြတ်လာ ပစ်တာခတ်တာမျိုး ရှိပြီး ရွာသားများ ကလည်း တိုက်ပွဲဖြစ်ချိန် တောထဲခ ဏ ရှောင်နေရုံသာရှိသည်။ သို့သော်  ဒီတစ်ခါကြတော့ ဒီနယ်မြေကို စိုးမိုးနိုင်ရေး အတွက် ရာချီသော တပ်ဖွဲ့တွေ ရှေ့တိုး၊ နောက်ဆုတ်၊ ဝိုင်းချီတစ်ခါ၊ ပတ်ခါ တစ်လှည့် ရက်ပေါင်းများစွာ တိုက်ကြခြင်း ဖြစ်သည်။ လက်နက်ကြီးသံတွေ ပွက်ပွက်ညံခဲ့သည်။ အဲဒီတိုက်ပွဲကြီး အပြီးမှာတော့ ရွာသူရွာသားတွေက ရွာကို အပြီးအပိုင် စွန့်ခွာ သွားခဲ့ကြတော့သည်။ တစ်ချို့ က မြို့ပေါ်မှာ၊ တစ်ချို့က တစ်ဖက်နိုင်ငံမှာ၊ တစ်ချို့က ဆွေမျိုးများရှိရာ ရွာတွေမှာ ပြန့်ကြဲ ကုန်တော့သည်။

ထိုရွာကို ရောက်တော့ ညနေစောင်းပြီ။ ရွာပတ်ဝန်းကျင် တောင်ကုန်းတွေကို ရှင်းလင်း၊ နေရာယူ ပြီးသောအခါ ကျွန်တော်တို့ ရွာထဲ ၀င်ခဲ့ကြသည်။ တပ်ရင်းက ရဲဘော်တွေ အတွက်ကတော့ ဒီလိုရွာပျက်တွေ မြင်ဖူးတာ များပြီဖြစ်၍ မထူးဆန်းလှ။ ကျွန်တော့် အတွက်က အရာရာအားလုံး၊ အံ့သြစရာတွေ သာဖြစ်သည်။

ကြည့်ပါဦး။ အိမ်တိုင်းလိုလိုက သစ်ကြီး ဝါးကြီးတွေနဲ့ ဆောက်ထားသည်။ သစ်ကုန်သည်ကြီးရဲ့ အိမ်ဆိုတာက နှစ်ထပ်အိမ် ကြီး။ ကျွန်းတိုင်ကြီးတွေနဲ့၊ ဆင်ဝင်ဆိုသည့် စကားအတိုင်း ဆင်ဝင်လို့ ရအောင် မြင့်သည်။ ဒါပေမယ့် ဒီအိမ် အားလုံးမှာ လူ မရှိ၊ ခြံစည်းရိုးတွေ၊ အိမ်တိုင်တွေမှာ နွယ်ပင်တွေ ရစ်ပတ်လို့၊ အိမ်ဝင်းထဲမှာ မြက်ရိုင်းပင်တွေ ဟီးထနေသည်။ တစ်ချို့ အိမ်နံရံတွေမှာ လက်နက်ငယ် ကျည်ဆံမှန်ထားတဲ့ အရာတွေရှိသလို တစ်ချို့ အိမ်ခေါင်းမိုးတွေ ကတော့ လက်နက်ကြီး စတွေကြောင့် ပေါက်ပြဲနေသည်။  ရွာပြင် လယ်ကွင်းတွေက ရိုးပြတ်တွေ၊ မြက်ရိုင်းတွေနှင့်၊  ဒီတော့မှ ဆရာထင်လင်း ရေးခဲ့သည့် အိမ်တိုင်နွယ်ရစ် လယ်တော ဖြစ်ခြင်းဆိုသည်ကို ကွက်ကွက်ကွင်းကွင်း မြင်မိတော့သည်။ ရွာမှာ ရှိသည့် ခရစ်ယန် ဘုရား ကျောင်းနှင့် ဘုန်းကြီးကျောင်း နှစ်ခုသာဒီရွာကို ၀င်လာတတ်သည့် စစ်ကြောင်းတွေက ရှင်းလင်း ပေးထားသဖြင့် တောမဖုံး သေးတာဖြစ်သည်။ အချိန်ရတုံး တစ်ချို့အိမ်တွေပေါ် တက်ကြည့်တော့ ပရိဘောဂတွေ၊ အလေးအပင် ပစ္စည်းတွေ အများကြီး ကျန်ခဲ့သည်။ သစ်ကုန်သည်ကြီးရဲ့ အိမ်မှာဆိုလျှင် တိုင်းရင်းသား ၀တ်စုံနှင့် မိသားစုခြံရံ ရိုက်ကူးထားသော ဓာတ်ပုံကြီးတစ်ပုံ ပင် ဧည့်ခန်းထဲမှာ ကျန်နေ ခဲ့သည်။ ဘုန်းကြီးကျောင်းပေါ်က ဘီဒိုထဲမှာ ဗုဒ္ဓ၀င် စာအုပ်တစ်ချို့နဲ့ တိုင်းရင်းသားဘာသာဖြင့် ဘုရားစာအုပ် တစ်ချို့ရှိသည်။ ဘုရားစင် ပေါ်မှာတော့ ဆင်းတုတော်တွေနှင့် ဘုရားပန်းအိုးတွေက ဖုန်အလိမ်းလိမ်း ကပ်နေသည်။ ခရစ်ယန် ဘုရားကျောင်းထဲမှာလည်း ထိုနည်းအတိုင်း ၀တ်ပြုရာ ခုံတန်းလျားများက ဖရိုဖရဲ။

ဒီလိုနဲ့ နေ၀င်တော့ ကျွန်တော်တို့တွေ ရွာထဲကနေ ရွာပြင်က တောင်ကုန်းတွေပေါ်ကို ရွှေ့ပြောင်း နေရာယူကြသည်။ ရွာထဲ မှာ ဘယ်သူမှ မနေကြတော့  ဒီနယ်မြေက နှစ်ဘက်လုံး ၀င်ထွက်နေသည့် စပ်ကြား နယ်မြေ ဖြစ်နေဆဲဖြစ်လို့ ကျွန်တော်တို့ စစ်ကြောင်း ရောက်ပြီဆိုလျှင် အနှေးနဲ့အမြန် တစ်ဖက် အဖွဲ့အစည်းက လာရောက်နှောက်ယှက်တော့မှ သေချာသည်။ ဒါ့ကြောင့် နေ၀င်မီးငြိမ်းပြီး နေရာယူရခြင်း ဖြစ်၏။ ဒီလိုနေရာယူတော့ ကျွန်တော့်တပ်စုက ရွာအ၀င် လမ်းဘေးက တောင်ကုန်းလေးပေါ်မှာ တာဝန်ကျသည်။ ဘယ်အချိန် လာတိုက်မယ် ဆိုတာမသိနိုင်တော့ ထုံးစံ အတိုင်း တစ်ဝက်အိပ်၊ တစ်ဝက်နိုး နဲ့ နိုးနိုးကြားကြား နေရသည်။

အမှောင်ရိပ်တွေ တစ်ဖြေးဖြေး လွှမ်းမိုးလာသည်နှင့် တိတ်ဆိတ်မှုက ကြီးစိုးသွားသည်။ မီးမထွန်းရ အမိန့်ကြောင့် ပိုပြီး မှောင်သလို ခံစားရသည်။ ဒါပေမယ့် မှတ်မှတ်ရရ ထိုညက လသာသည်။ ကျွန်တော်တို့ တောင်ကုန်းက ကြည့်လျှင် ရွာဝင် လမ်းတစ်လျှောက်ကို မြင်နေရသည်။ လရောင်အောက်တွင် တိတ်ဆိတ်ငြိမ်သက်နေသော အိမ်တွေကို မြင်ရတာက ခြောက်ခြားစရာ၊ ကြေကွဲ ဆို့နင့်ဖွယ်ရာ ဖြစ်သည်။ တစ်ချိန်ကတော့ အခုလိုလသာချိန်မှာ ရွာလယ်လမ်းပေါ်မှာ ကလေးတို့ ကစားသံတွေ၊ ကာလသား၊ ကာလသမီးတို့ သီချင်းသံတွေနဲ့ စီစီညံ နေခဲ့ပေလိမ့်မည်။ ဝေေ၀စီ နေခဲ့ပေ လိမ့်မည်။ အိမ်ရှေ့ ကွက်ပျစ်တွေမှာ လူကြီးသူမတွေ ဝိုင်းဖွဲ့ စကားပြော နေပေလိမ့်မည်။ အခုတော့ ဆရာဝင်းမင်းထွေးရဲ့ သီချင်းစာသား တစ်ခု အတိုင်း စစ်ပွဲပြီးစ မြို့ပျက်ကြီး လိုဖြစ်နေသည်။ လရောင်အောက်မှာ တိတ်ဆိတ်မဲမှောင် နေသော ရွာကြီးကို ကြည့်ရင်း အိမ် တွေပေါ်မှာ၊ ရွာလမ်းတွေပေါ်မှာ တိတ်တဆိတ် သွားနေသော ဝိဥာဉ်တွေ၊ သူတို့ရဲ့ တီးတိုး စကားသံတွေ ကိုတောင် မြင်မိ ကြားမိသလိုလို ခံစားရသည်။ ရှင်သူတွေက ရွာကို စွန့်သွားကြပေမယ့် ကွယ်လွန်သူတွေ ကတော့ ဒီမှာကျန်ခဲ့မှာ သေချာ ပါသည်။ သူတို့အတွက် ကောင်းမှု ကုသိုလ် လုပ်မယ့်သူတွေ၊ အမျှအတန်း အဝေမယ့်သူတွေ၊ အပြစ်လွတ်အောင် ဆုတောင်း ပေမယ့်သူတွေ မရှိတော့လို့ လိုက်များ ရှာနေသလား။ ဒါမှမဟုတ် ဧည့်သည့်အဖြစ် ရောက်လာသူ ကျွန်တော်တို့ တစ်တွေက လုပ်ပေးဖို့များ မျှော်လင့်နေသလား မသိ။ ထိုညက ရွာမြင်ကွင်းကို ကြည့်ရင်း စိတ်မကောင်းခြင်း ကြီးစွာဖြင့် တစ်ညလုံး ထိုင်နေမိသည်။

အဲဒီတပ်ရင်းမှာ ကျွန်တော် ငါးနှစ်ကျော် တာဝန် ထမ်းဆောင်ခဲ့ရသည်။ နောက်ထပ် ရွာပျက်တွေ အတော်များများတွေ့ခဲ့ရ သည်။ အိမ်တိုင်နွယ်ရစ် လယ် တောဖြစ်သွားရသည့် ရွာတွေကိုတွေ့တိုင်း ရွာပျက်ကြီးမှာ ညအိပ်ခဲ့ရသည့် ပထမဆုံး အတွေ့အကြုံကို ပြန်သတိရသည်။ စိတ်မကောင်း ဖြစ်ရသည်။ ဒီရွာတွေပြန်လည် စည်ကားလာမည့် အချိန်ကို မျှော်လင့်မိ သည်။

ဒီလိုနဲ့ ၁၉၉၀ ပြည့်လွန်နှစ်များရဲ့ အစောပိုင်းမှာ ဒေသတစ်ခုသို့ ပြောင်းရွှေ့ ရောက်ရှိသွားခဲ့သည်။ ထိုဒေသမှာလည်း နှစ်ပေါင်း သုံးဆယ်ကျော် လက်နက်ကိုင် ပဋိပက္ခများ၏ ဒဏ်ကို ခံခဲ့ရသောဒေသ ဖြစ်သည်။ တစ်ခြားဒေသတွေ လိုပဲ အိမ်တိုင် နွယ်ရစ် လယ်တောဖြစ် ခဲ့ရသောရွာတွေ အများကြီး ရှိခဲ့သည်။ လုံခြုံရေး အခြေအနေ ကလည်း မြို့ပေါ်အထိ ၀င်ရောက် လူသစ် စု၊ ဖောက်ခွဲ တိုက်ခိုက်လုပ်လေ့ ရှိသည့် အခြေအနေ ဖြစ်သည်။ သို့သော် ကျွန်တော်တို့ရောက်ပြီး သိပ်မကြာခင် မှာပင် နှစ်ဘက်ကြား အပစ်အခတ် ရပ်စဲရေး အတွက် ဆွေးနွေးဖို့၊ ငြိမ်းချမ်းရေး တည်ဆောက်ဖို့ လုပ်ငန်းတွေ စလာခဲ့သည်။ ထိုအချိန်က ကျွန်တော့်မှာ တိုက်ခိုက်ရေး တပ်ရင်းတွင် မဟုတ်ဘဲ ဌာနချုပ်တွင် ဦးစီးအရာရှိ အဖြစ်တာဝန် ယူနေရသည် ဖြစ်ရာ နှစ်ဘက်ကြား ဆွေးနွေးမှုများတွင် အထောက်အကူအဖြစ် ပါဝင်ခွင့်ရခဲ့သည်။ ဆယ်စုနှစ် သုံးခုကျော် ရန်ဘက် ဖြစ်ခဲ့ သူတွေအကြား ငြိမ်းချမ်းရေး တည်ဆောက်ရသည်မှာ လွယ်ကူ လှသည်တော့ မဟုတ်။ တစ်နှစ်ကျော် ဆွေးနွေးခဲ့ရသည်။ ဆွေးနွေးပွဲတွေ အကြိမ်ကြိမ် လုပ်ခဲ့ရသည်။ မြေပုံတွေချပြီး ဆွေးနွေးကြ၊ ငြင်းခုန်ကြရသည်။ တစ်ခါတစ်ရံ မှာတော့ ငြင်းခုန် မှုတွေက ပြင်းထန်လာသည့်အခါ ကြားလူကြီးများက ဆွေးနွေးပွဲကို ဆိုင်းထားပြီး သွေးအေးမှ ပြန်စရသည်လည်း ရှိသည်။ နောက်ဆုံးတော့ အခက်အခဲ အားလုံးကို ကျော်လွှားပြီး အပစ်အခတ် ရပ်စဲရေးနှင့် နယ်မြေဖွံ့ဖြိုး တိုးတက်မှုအတွက် ပူးပေါင်း ဆောင်ရွက်ဖို့ သဘောတူညီချက်တွေ ရလာခဲ့သည်။

ငြိမ်းချမ်းရေး၏ အကျိုးကား မြန်ဆန်လှသည်။  တိုက်ပွဲများကြောင့်၊ တံတားတွေ ဖောက်ခွဲထားသောကြောင့် အဆက် အသွယ် ပြတ်တောက်နေသော လမ်းတွေ ပြန်ပွင့်သွားသည်။ ပြီးတော့ လမ်းတစ်လျှောက်က ရွာပျက်တွေနေရာမှာ အိမ်စု လေးတွေပေါ်လာသည်။ နောက် အဲဒီ အိမ်စုလေးတွေမှာ ယာယီကျောင်းလေးတွေ၊ နောက်တော့ ဘာသာရေးအဆောက် အဦ ခပ်သေးသေး လေးတွေ ပေါ်လာသည်။ နွေရာသီတုံးက တောမီး လောင်ခြောက်သွေ့ နေသည့် မြေပေါ်မှာ မိုးတစ်ပေါက် နှစ်ပေါက်ကြသည်နှင့် အပင်လေးတွေစိမ်းစိမ်းစိုစို ပေါ်လာသလို ရွာပျက်တွေနေရာမှာ အိုးသစ်အိမ်သစ်တွေ အပြိုင်းအရိုင်း ပေါ်လာသည်ကို မြင်ရသည်မှာ စိတ်ချမ်းသာစရာ ကောင်းလှသည်။ တစ်နှစ်ကျော်တော့ အခိုင်အမာ အိမ်တွေ ဖြစ်လာသည်။ လမ်း မကောင်းသေး သည့်တိုင် နေ့ညမရွေး သွားနိုင်သည်။ လမ်း လုံခြုံရေးတွေ၊ ယာဉ်တန်း လုံခြုံရေးတွေ မလို။ ကျွန်တော် တို့ အထက် အရာရှိကြီးဆိုလျှင် အဲဒီလို လမ်းတွေမှာ သွားသည့်အခါ တစ်ချို့အိမ်တွေရဲ့ မျက်နှာစာမှာ ရေးထိုးထားလေ့ရှိ သည့် အိမ်ဆောက်သည့်နှစ်ကို လက်ညှိုးထိုးပြရင်း ဒါ ငြိမ်းချမ်းရေးရပြီးမှ ဆောက်တာကွ ဟု ပြုံးပြုံးပြုံးပြုံးနှင့် ပြောတတ် သည်။

ဒေသခံ ပြည်သူတွေက ကိုယ့်နေရာ ကိုယ် ပြန်လာကြသလို ကျွန်တော် တို့မှာလည်း တစ်ဖက် အဖွဲ့အစည်းက လူတွေနဲ့ ဖွံ့ဖြိုးရေး လုပ်ငန်းတွေ အတွက် ပြင်ဆင်ရသည်။ ထိုအချိန်က စီးပွားရေး ပိတ်ဆို့မှုများကြောင့် နိုင်ငံတကာ အကူအညီက မရ။ ထို့ကြောင့် နတလ ရန်ပုံငွေဖြင့် နိုင်သလောက် ပေါင်းလုပ်ရသည်။ အရင်က တစ်ယောက်နဲ့တစ်ယောက် ဘယ်လို တိုက်ရမလဲ အမြဲ တွေးနေခဲ့သူချင်း ပေါင်းပြီး တည်ဆောက်ရေး လုပ်ငန်းတွေလုပ်ရသည်။ တစ်ချိန်မှာတော့ တိုင်းရင်းသား ခေါင်းဆောင်တစ်ဦးက ငြိမ်းချမ်းရေး မရခင်တုံးကတော့ တံတားတစ်စင်းတွေ့ရင် ဒါကို ဖျက်ပစ်ဖို့ ယမ်းဘယ်လောက်သုံး ရမလဲဆိုပြီး စတွေးတာဗျ။ အခုတော့ တံတားတစ်စင်းဆောက်ဖို့ ဘိလပ်မြေ ဘယ်လောက်၊ သံချောင်း ဘယ်လောက် ကုန် မလဲဆိုတာ တွေးနေရပြီဟု တွေးတွေးဆဆ ပြောပြခဲ့ဖူးသည်။ နောက်ဆုံးတော့ ကျွန်တော်တို့ အားလုံး လက်နက်ကိုင် ပဋိ ပက္ခကြောင့် ပျက်ခဲ့ရသမျှ ပြန်တည်ဆောက် နိုင်ခဲ့သည်။ ထိုဒေသမှာ ခြောက်နှစ် တာဝန် ထမ်းဆောင်ပြီး နောက်တော့   အိမ်တိုင်နွယ်ရစ် လယ်- တော ဖြစ်ခဲ့သည့် အဖြစ်တွေ မရှိတော့တာကို ပီတိဖြစ်ရင်း တစ်ခြား တစ်နေရာသို့ပြောင်းရွှေ့ခဲ့ရ သည်။

ဆယ်စုနှစ် တစ်ခု ကျော်လာချိန်မှာတော့ ကျွန်တော်လည်း နယ်ဘက် တာဝန်တွေကို ပြောင်းလဲ ထမ်းဆောင်နေရပြီ ဖြစ်သည်။ ဒီအချိန်မှာပဲ ငြိမ်းချမ်းရေး ရခဲ့သော ထိုဒေသမှာ ပဋိပက္ခတွေ ပြန်စလာခဲ့သည်။ ပဋိပက္ခ ဖြစ်သည်ဆိုသည်နှင့် ပထမဆုံး ခံစားရတာကတော့ ဒေသခံ လူထုပင်ဖြစ်သည်။ တံတားတွေ ဖောက်ခွဲဖျက်ဆီးခံရ၊ တိုက်ပွဲတွေဖြစ်ကြနဲ့ လမ်းပန်း ဆက်သွယ်ရေးတွေ ပြတ်တောက်ကုန်သည်။ ရွာတွေပျက်သည်။ ဒုက္ခသည် စခန်းတွေ ပြန်ပေါ်လာသည်။  ကျွန်တော့်ဌာန မှ တစ်ချို့ မြို့နယ်ရုံးတွေက ၀န်ထမ်းတွေတောင် လုံခြုံရေး အခြေအနေ အရ ပြန်ခေါ်ခဲ့ရသည်။ သူတို့ထံက ရွာတွေပျက် သည့် သတင်း၊ ဒီရွာတွေမှာ ဖွင့်ထားသည့် စာကြည့်တိုက်လေးတွေပါ ကွယ်ပျောက်သွားသည့် သတင်းတွေ ကြားရတော့ ကြေကွဲ ရပြန်သည်။

နှစ်တွေ ဘယ်လောက်ကြာခဲ့ ကြာခဲ့ ဒုတိယ ဗိုလ်ဘ၀က ရွာပျက်ကြီးမှာ ညအိပ်ခဲ့သည့် ပထမဆုံး အတွေ့အကြုံကို မမေ့ နိုင်သေးပါ။ အခု ပဋိပက္ခ ဖြစ်ရာဒေသမှာ နှစ်ဘက်အဖွဲ့အစည်းက လူငယ်လေးတွေ ကျွန်တော့်တုံးကလို ရွာပျက်ကြီးကို ကြည့်ရင်း ၀မ်းနည်းကြေကွဲ ရခြင်းမျိုးလည်း မဖြစ်စေလိုတော့။ သီချင်းသံ၊ ကလေးများရဲ့ ရယ်သံများနဲ့ ပျော်စရာလပြည့်ည များကိုသာ ကြုံစေချင်ပါသည်။

သို့သော် အိမ်တိုင်နွယ်ရစ် လယ် တောဖြစ် ခဲ့ရတာမျိုးတွေ ရှောင်ရှား နိုင်ပါစေဟု ဆုတောင်း ပေးရုံမှတပါး ဘာမှလည်း မတတ်နိုင်တော့။

ရဲထွဋ်

Read more

ကြိုက်သွားမှာပါ

သူ့ကို ကျွန်တော့် မိခင်တပ်ရင်းမှာ တွေ့ခဲ့ခြင်း ဖြစ်သည်။ လူကထောင်ထောင် မောင်းမောင်း၊ ဗလ ကောင်းကောင်း၊ အသံက လည်း ကျယ်ကျယ်၊ အာဘောင်အာရင်း သန်သန်ဖြင့် ပြောလွန်း သောကြောင့် ရဲဘော်တွေက သူ့နံမည်အရင်းရှေ့မှာ အာဇာနည်လို့ ထပ်တိုးပြီး အခေါ်ခံရသူ ဖြစ်သည်။ နံမည်ကတော့ ထားလိုက်ပါတော့။

ဆရာကြီးကား ရဲဘော်တွေအခေါ် ဆရာကြီး စီကြူ ဖြစ်၏။ ထိုစကားက အင်္ဂလိပ် ဘာသာဖြင့် Company Quartermaster  ကို အတိုကောက် ခေါ်ခြင်း ဖြစ်သည်။ တပ်မတော်ရာထူး အခေါ်အဝေါ် အမှန်အရ ဆိုလျှင် တပ်ခွဲတပ်ကြပ်ကြီး ဖြစ်သည်။ ဒါပေမယ့် တပ်မတော်ထဲမှာတော့ ဘယ်သူမှ ဒီလိုမခေါ် ဆရာကြီးစီကြူဟုသာအမည်တွင်သည်။

တပ်ခွဲတပ်ကြပ်ကြီး တနည်း ဆရာကြီးစီကြူကား အရာရှိမဟုတ်သော်လည်း တပ်ခွဲတစ်ခွဲတွင်မူ အတော်ကြီးသော အကောင် ဖြစ်သည်။ တပ်ခွဲ၏ ရိက္ခာကိစ္စအ၀၀ကို စီမံခန့်ခွဲရသည်။ ထိုအချိန်က ငှားရမ်းသုံးစွဲခွင့်ရှိသည့် အထမ်းသမား၊ လှည်း စသည်တို့ကို ငှားရမ်းခြင်း၊ ခွဲဝေအသုံးပြုခြင်းကိစ္စအ၀၀ကို ကိုင်တွယ်ရသည်။ တပ်ခွဲမှူးနဲ့ တပ်ခွဲရုံး၏ စားရေး သောက်ရေးကို စီစဉ်ရသည်။ တနည်းအားဖြင့် တပ်ခွဲ၏ အုပ်ချုပ်မှု ကိစ္စ အ၀၀တွင် တပ်ခွဲမှူး၏ လက်ရုံး ဖြစ်သည်။

ကျွန်တော်တို့ စီကြူကြီးကား အဆိုပါ အခွင့်အရေး များကို အပြည့်အ၀ အသုံးချသူ ဖြစ်သည်။ ရိက္ခာဝေသည် ဆိုပါစို့၊ ထုံးစံအတိုင်း တပ်ခွဲရုံးက တပ်ခွဲတစ်ခွဲလုံး အတွက် စစ်ကြောင်းရုံး၊ ဒါမှမဟုတ် ရိက္ခာဝေ စခန်းကနေ ထုတ်သည်။ ပြီးတော့မှ တပ်စုများကို သူ့အင်အား အလိုက် ရသင့်သည့် ရိက္ခာကို ခွဲဝေပေးရသည်။ တပ်မတော် ရိက္ခာ နှုန်းထားအရ စစ်သည် တစ်ဦးအတွက် တစ်နေ့လျှင် ဆန် ၂၆ အောင်စ၊ ကုလားပဲ ၅ ကျပ်သား၊ ဆီ ၁.၂၅ကျပ်သား၊ ဆား ၀.၇၅ ကျပ်သား စသည်ဖြင့် ငပိ၊ ငြုပ်၊ နနွင်း၊ လက်ဖက်ခြောက်၊ သကြား၊ နို့ဆီ အမယ်ဆယ်မျိုးအတွက် သတ်မှတ်ထားသောနှုန်းထားရှိသည်။  ရိက္ခာ စိုလို့ခေါ်သည့် အသားငါး ၀ယ်စားဖို့ အတွက် (၁၉၈၁ခုနှစ်) စစ်သည် တစ်ဦးလျှင် တစ်နေ့လျှင် တစ်ကျပ်နှစ်ဆယ့်ငါးပြား ရသည်။

ထိုနှုန်းထားအတိုင်း တပ်စုရှိ အင်အားအတွက် ဘယ်လောက်ရိက္ခာ ဘယ်လောက် ရသင့်သလဲ တွက်ဖို့အတွက် အစဉ် အလာအရ သတ်မှတ် ထားသည့် တွက်နည်းတွေရှိသည်။မှတ်မိသလောက်ဆိုလျှင် အင်အားကိုတည် ၁.၆၂၅ နှင့်မြှောက် လျှင်ဆန်၊ ဆန်ကို .၀၅ နှင့်မြှောက်လျှင် ပဲ၊ ပဲကို ၀.၀၁၂၅ နှင့်မြှောက်လျှင် ဆီ စသည်ဖြင့် အဆင့်ဆင့်တွက်ရသော လက်ရိုး တွက်နည်းတွေနဲ့ တွက်ပြီး ခွဲဝေရသည်။ ရိက္ခာခွဲဝေတော့လည်း ရှေ့တန်းမှာဖြစ်သောကြောင့် ကတ္တား တွေ ဘာတွေရှိတာမဟုတ်။ တပ်မတော်၏ ရှေ့တန်းချင်တွယ်မှုစံသည် စစ်သည်တိုင်းကို ထုတ်ပေးထားသော ဟန်းကော ဖြစ် သည်။ ဟန်းကော ဆိုသည့်ဝေါဟာရ ဘယ်ကလာသည်ကို တစ်ခါမှ မစဉ်းစားမိ။ တစ်ချို့ကတော့ ဂျပန်စကားလို့ လည်း ပြောသည်။  ဟန်းကော ဆိုသည်မှာ သံကိုင်းပါသည့် လေးထောင့်ပုံချိုင့် ဖြစ်သည်။ စစ်သားဘ၀တွင် ဟန်းကောသည် လိုရာ သုံးဖြစ်၏။ ရေချိုးလျှင် ဟန်းကော၊ ရေနွေးတည်ရင်လည်း ဟန်းကော၊ ထမင်းချက်တော့လည်း ဟန်းကော၊ ဟင်းချက်လည်း ဟန်းကော ဖြစ်သည်။ ထိုဟန်းကောသည်ပင် ကျွန်တော်တို့ အတွက် ရိက္ခာချင်တွယ်သော ကရိယာလည်း ဖြစ်သည်။ ဟန်းကောတစ်လုံးသည်ဆန် လေးပေါင်ဖြစ်၏။ ဟန်းကော လည်ပင်း အရစ်အထိသည် ဆားတစ်ပိဿာ၊ ဆီ တစ်ပိဿာ၊ သကြား တစ်ပိဿာ ဖြစ်၏။ ထို့ထက် နည်းလျှင် နို့ဆီဘူးနှင့် ချိန်ရသည်။ နို့ဆီဘူး မရှိလည်း ကိစ္စမရှိ၊ ဟန်းကော အလယ်အံသည် နို့ဆီဘူးတစ်ဘူးနှင့်ညီ၍ ဟန်းကော အဖုံးသည် နို့ဆီဘူး တစ်လုံးခွဲနှင့် ညီ၏။ ဤကား ရှေ့ အဆက်ဆက်သော စစ်သားကြီးများ၏ အလိုတည်း။

ဒီလို ရိက္ခာခွဲပြီ ဆိုလျှင် ဆရာကြီး စီကြူ အခန်းကဏ္ဍ ရောက်ပေပြီ။ ဆရာကြီးက  ရိက္ခာမထုတ်ခင် တစ်ရက်ကြိုပြီး တွက်ချက် ထားသဖြင့် ဘယ်တပ်စု ဘယ်လောက် ရမလဲဆိုတာ အသင့်ရှိနေပြီ ဖြစ်သည်။ ရိက္ခာတွေ ရောက်သည်နှင့် ဟန်းကောနှင့် တစ်ခါတည်း ချင်တွယ်ပြီး ခွဲဝေတော့သည်။ ဒီမှာ ဆရာကြီး စီကြူ၏ ဟန်းကောက စကားပြောလေပြီ။ တပ်မတော်က ထုတ်ပေးသည့် ဟန်းကောကား အလှသွေး ကြွယ်သည့် မိန်းမပျိုလေး သဖွယ် ပြည့်ပြည့် ဖောင်းဖောင်း၊ ဆရာကြီး၏ ဟန်းကောကား ဇရာထောင်းသည့် အဖွားအို သဖွယ် ပိန်လိန်ရှုံ့တွ နေ၏။ ဒီဟန်းကောကို ဘယ်တုံးကစပြီး ဆရာကြီးစီကြူ ထိန်းသိမ်း ထားခဲ့သည်ဟု မသိနိုင်။ ရဲဘော် တစ်ချို့ကတော့ ဆရာကြီးစီကြူ ရဲဘော်သစ် ဘ၀ထဲက ဟန်းကောလို့ ဆိုသည်။ တစ်ချို့ကတော့ ဆရာကြီးက စိတ်တိုတိုင်း ဟန်းကောကို တက်နင်း၊ ပိတ်ကန်သဖြင့် ဒီလိုပုံ ဖြစ်သွားရသည် ဟုလည်း ပြောသည်။ ဘာပဲဖြစ်ဖြစ် ဒီဟန်းကောနှင့် ရိက္ခာချိန်တွယ် ပေးသဖြင့် တပ်စုတွေမှာ ဘယ်တော့မှ ရိက္ခာ အပြည့်မရ။

ခရီး ထွက်တော့လည်း ဆရာကြီးစီကြူက ကျွန်တော်တို့ တပ်စုမှူး တွေထက် ပိုဇိမ်ကျသည်။ ကျွန်တော်တို့ တစ်တွေ ကြောပိုးအိတ် တစ်ကားကားနဲ့ ပြေးလွှား နေချိန်တွင် ဆရာကြီးကတော့ သူ့ကြောပိုးအိတ်ကို ရိက္ခာတွေနဲ့ အတူ အထမ်း သမားများနဲ့ သယ်လာပြီး တုတ်ကောက်လေး တစ်ချောင်းနဲ့ တပ်ခွဲမှူးစတိုင် ဖမ်းပြီး ကြော့နေသည်။ တစ်ခါတစ်လေ လှည်းတွေငှားပြီး သွားရသည့် အခါမျိုး ကျတော့လည်း စားပြီး သောက်ပြီး လှည်းခြောက်စီး  တစ်စီး ပေါင်းမိုး ပါရမယ် ဆိုသည့် စာချိုးအတိုင်း ပေါင်းမိုးတတ် ရိက္ခာလှည်း ပေါ်တွင် ဆရာကြီးက အခန့်သား။

ရွာတွေမှာ စခန်းချ တော့ကော၊ လုံခြုံရေးအရ တပ်စုတွေက ရွာစွန်၊ ရွာပြင်မှာ၊ တပ်ခွဲရုံးက ရွာထဲမှာ။ ဒီလို စခန်းချပြီ ဆိုလျှင် ဆရာကြီး စီကြူက အိမ်ကြီး၊ ရေပေါ၊ အပျိုချောရမယ် ဆိုတဲ့ စာဆိုနဲ့အညီ အိမ်ကြီး အိမ်ကောင်းမှာ နေသည်။ သူ့ဆင်ခြေကတော့ ရိက္ခာတွေ၊ အထမ်းသမားတွေနဲ့ သိမ်းရ၊ ချက်ရ၊ ပြုတ်ရ ဆိုတော့ အိမ်ကြီးဖို့ လိုသည်ဆိုပဲ။ တစ်ခါ တစ်လေ တပ်ခွဲမှူးနေသော အိမ်တောင် သူ့အိမ်လောက် မကောင်း။

ကျွန်တော်က ကျောင်းဆင်းစ ဒုဗိုလ်၊ လူငယ်မာန်နဲ့ ဆရာကြီးစီကြူ လုပ်ပုံကို ကြည့်မရ။ ဒါပေမယ့် ကိုယ်ထက် စီနီယာ ကျသည့် တပ်စုမှူး နောက်တစ်ယောက် ကတောင် ဘာမှ မပြောတော့ ကိုယ်လည်း ဘာမှ မလုပ်နိုင်။ ဒီလိုနဲ့ စစ်ဆင်ရေး နှစ်ကြိမ် ထွက်ပြီး တစ်နှစ်ကျော်ကြာတော့ ကျွန်တော်လည်း ဗိုလ်အဆင့် ဖြစ်လာပြီ။ တပ်ရင်းမှာလည်း တစ်နှစ် ကျော်လာပြီ ဆိုတော့ ရဲဘော်တွေအဆို ပဲချိုး တက်လာပြီး ပြောရဆိုရဲ၊ လုပ်ရဲကိုင်ရဲ ဖြစ်လာသည်။

ဒီလိုနဲ့ နောက်စစ်ဆင်ရေး မှာတော့ အုပ်ချုပ်မှု ကိစ္စတစ်ခုနဲ့ ပတ်သက်ပြီး သူနဲ့ ကျွန်တော် ထိပ်တိုက် တွေ့ရသည်။ တပ်ခွဲမှူး ကွယ်ရာမှာ ဆွေးနွေးရင်း ကျွန်တော်က စိတ်တိုတိုနဲ့ ဆရာကြီးစီကြူ ××× ခင်ဗျား တပ်ခွဲမှူးကိုပဲ ဖားပြီး ကျွန်တော် တို့ဆီက ဟိုဖြတ်၊ ဒီဖြတ် လုပ်မနေနဲ့။ တပ်ခွဲမှူးက နောက်နှစ်ဆို တပ်ပြောင်းရတော့မှာ (ထိုအချိန်က အရာရှိ တစ်ဦးကို တပ်ရင်းတစ်ရင်းတွင် ငါးနှစ်ခန့်သာ ထားသည်။) ကျူပ်က တစ်နှစ်ပဲ ရှိသေးတယ်။ ကျွန်တော် တပ်ခွဲမှူး ဖြစ်ရင် ခင်ဗျား နာမယ်ဟု ပြောလိုက်မိသည်။

ကျွန်တော် စကားသံ အဆုံးတွင် ဆရာကြီးက အံ့အားသင့်ပြီး ကျွန်တော့ကို လှမ်းကြည့်သည်။ ပြီးတော့မှ ဗိုလ်ကြီး တပ်ခွဲမှူး ဖြစ်ရင်လည်း ကျွန်တော့်ကို ကြိုက်သွားမှာပါ ဟု ခပ်အေးအေးလေး ဆိုသည်။ သူ့စကား အဆုံးတွင် ကျွန်တော် ပြန်ပြောစရာ စကား မရှိတော့။ ဒါနဲ့ပဲ လှည့်ထွက်ခဲ့ရသည်။ နှောင်းတမြေ့မြေ့ ရုပ်ရှင်ထဲက (ကို) သုမောင်လို လှည့် အထွက်မှာ ခဲလုံးကို ပိတ်ကန်ပစ်ချင်စိတ် ပေါ်ခဲ့သည်။

သို့သော် ထိုတပ်ခွဲတွင် ကျွန်တော် တပ်ခွဲမှူး မဖြစ်ခဲ့ပါ။ တစ်ခြား တပ်ခွဲများမှာသာ တပ်ခွဲမှူး တာဝန် ထမ်းဆောင်ခဲ့ ရသည်။ ဆရာကြီး စီကြူကတော့ သူ့စကားအတိုင်း ဘယ်တပ်ခွဲမှူး ရောက်ရောက် အဆင်ပြေ နေတာပဲ ဖြစ်သည်။ တပ်ခွဲမှူးက ပုတီးသမား ဆိုရင် ဆရာကြီးက ဥပသကာ၊ တပ်ခွဲမှူးက ညနေစောင်းလို့ ရီဝေေ၀ဆိုရင် ဆရာကြီးက အမြည်းအသင့်။

ဒီလိုနဲ့ ကျွန်တော်လည်း တပ်ရင်း၊ တပ်ဖွဲ့ အမျိုးမျိုးကို ပြောင်းရွှေ့ခဲ့ပြီး နောက်ဆုံးတော့ နယ်ဘက် တာဝန်များကို ပြောင်းလဲ ထမ်းဆောင် ခဲ့ရသည်။ ၂၀၀၈ ခုနှစ်မှာတော့ ကျွန်တော့်မိခင် တပ်ရင်းရှိရာ နယ်မြေသို့ ခရီးထွက်ခဲ့ရသည်။ ကျွန်တော့် တပ်ရင်းရှိရာ မြို့က ကျွန်တော်တို့ ဌာနရုံးလေးမှာ ရဲဘော်ရဲဘက် ဟောင်းများနဲ့ ပြန်ဆုံစည်း ကြသည်။ ထိုအထဲတွင် ဆရာကြီး စီကြူလည်း ပါသည်။ ဆရာကြီးက တပ်မှ အငြိမ်းစားယူပြီး မြို့အထွက်က ရွာလေးမှာ အခြေချ နေသည်။ ဟိုတုံးက အကြောင်းတွေ ပြောကြရင်း ကျွန်တော်က ဆရာကြီးစီကြူကို ကြိုက်သွားမှာပါ ဆိုသည့် စကားအကြောင်း အစဖော်ရင်း ဆရာကြီး အခုရော ဘယ်သူ့ အကြိုက်တွေ လုပ်နေတုံးဟု မေးမိသည်။ ဆရာကြီးက ဗိုလ်ကြီးက ခုထိ သတိရတုံးကိုး၊ ဟိုတုံးတော့ အဲဒီလိုပေါ့။ အခုတော့ ဘုရားအကြိုက်ပဲ နေပါတယ်ဟု ပြန်ဖြေသည်။ တကယ်လည်း အေးအေးချမ်းချမ်း တရားရိပ်မှာ နေထိုင် နေပုံရသည်။

၂၀၀၈ ခုနှစ်နောက်ပိုင်း တံတားအောက်မှာ ရေတွေအများကြီး ဖြတ်သန်း စီးဆင်း သွားခဲ့ပြီ။ ကျွန်တော် ပင်လျှင် ရာထူး အဆင့်ဆင့် တိုးခဲ့ပြီ။ ဆရာကြီး နဲ့လည်း မတွေ့ဖြစ်တော့။ နောက်ဆုံးအကြိမ် တွေ့တုံးကတော့ စိတ်ထဲမှာ ရှိနေသည့် အခု အခံလေးကြောင့် ဆရာကြီးကို ခနဲ့တဲ့တဲ့ မေးခဲ့ခြင်းဖြစ်၏။  အခု ပြန်စဉ်းစား လိုက်တော့ ရင့်ကျက်မှု နည်းပါးသည့် ကိုယ့်စိတ်ကို ပြန်ရှက်မိသည်။

ဒီတစ်ခေါက် အဲဒီ နယ်မြေဘက် ခရီးထွက်ရင်တော့ ဆရာကြီးဆီ ၀င်လည်ပြီး ကျွန်တော့် မရင့်ကျက်မှု အတွက် တောင်းပန် ရဦးမည်။ ပြီးတော့  ကျွန်တော်တို့ ပတ်ဝန်းကျင်တွင် ဆရာကြီး ပြောခဲ့သည့် ကြိုက်သွားမှာပါ ဆိုသည့် လူတွေ အများကြီး တွေ့နေရပြီး ကျွန်တော် ကိုယ်တိုင်ပင် အဲဒီလူတွေကို ကြိုက်မ သွားမိအောင်  မနည်း ထိန်းသိမ်း နေရကြောင်း ပြောပြ ရဦးမည်။ ရင့်ကျက်နေပြီ ဖြစ်သည့် ဆရာကြီးက ကျွန်တော့်ကို ဗိုလ်ကြီး သူတို့ကိုလည်း မကြိုက်နဲ့၊ သူတို့ ကြိုက်တာလည်း မလုပ်နဲ့၊ ဘုရားကြိုက်တာကျင့်၊ ပြည်သူ ကြိုက်တာလုပ်ဟု ပြန်ပြောလိမ့်မည်ထင်သည်။

ရဲထွဋ်

Read more

ငြိမ်းချမ်းရေးအလှမ်းမဝေးပါ

ရဲထွဋ် ကျွန်တော့ စားပွဲပေါ်က အယ်လ်ဘမ် အဟောင်းလေးထဲမှာ ဓာတ်ပုံတစ်ပုံ ရှိသည်။ ဓာတ်ပုံက အခမ်းအနားတွေ အပြီးမှာ ရိုက် လေ့ရှိသည့် စုပေါင်းဓာတ်ပုံ Group Photo ဖြစ်သည်။ ပုံထဲမှာ စစ်ဝတ်စုံ ၀တ်ထားသူတွေ ပါသလို အရပ်ဝတ် အရပ်စားနဲ့ သူတွေလည်း ပါသည်။ တစ်ချို့က ထိုင်၍တစ်ချို့က ရပ်လျှက်။ နှစ်နှစ်ဆယ်နီးပါး ကြာခဲ့ပြီ ဖြစ်သည့် အတွက် ဓာတ်ပုံက အရောင် ပျက်ချင်ချင်၊ အရွယ်အစား ကလည်း ဟိုတုံးက အသုံးများသည့် ပို့စ်စကဒ်ဆိုက် ဆိုတော့ မျက်နှာတွေက မထင်ရှား။ တကယ်လို့ ပုံကြီးချဲ့ ကြည့်လိုက်မယ် ဆိုရင်တော့ ပုံထဲက လူတွေအားလုံးရဲ့ မျက်ဝန်းတွေထဲမှာ ကြီးမားသည့် လုပ်ငန်း တာဝန်တစ်ခုကို အောင်မြင်အောင် ဆောင်ရွက်နိုင်သူတွေ ဆီမှာ တွေ့ရမြဲဖြစ်သည့် ကျေနပ်ခြင်း၊ ဂုဏ်ယူခြင်း အရိပ်လက္ခဏာ တွေကို တွေ့ရမည်မှာ သေချာပါသည်။ ဓာတ်ပုံ ရိုက်ကူးသည့် နေ့မှာ ၁၉၉၄ ခုနှစ် ဖေဖော်ဝါရီလ ၂၂ ရက်နေ့ဖြစ်သည်။ ပုံထဲက လူတွေက တပ်မတော်နှင့် ကေအိုင် အိုအဖွဲ့အကြား အပစ်အခတ် ရပ်စဲရေးအတွက် ဆွေးနွေးခဲ့ကြသည့် နှစ်ဘက် ကိုယ်စားလှယ် အဖွဲ့ဝင်တွေ ဖြစ်သည်။ အလယ် က တိုက်ပုံ အမဲနှင့် ပုဂ္ဂိုလ်ကြီးက ကေအိုင်အို ဒုဥက္ကဌလည်းဖြစ်၊ စစ်ဦးချုပ်လည်း ဖြစ်သည့် ဗိုလ်ချုပ် ဇော်မိုင်၊ သူ့ဘေးဝဲယာက မြောက်ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ်စောလွင်နှင့် အရှေ့မြောက်တိုင်း စစ်ဌာနချုပ် တိုင်းမှူး၊ ဗိုလ်ချုပ် အေးကျော်၊ ရှေ့တန်း ဘယ်အစွန်ဆုံးက မြောက်ပိုင်း တိုင်း စစ်ဌာနချုပ် ဒုတိုင်းမှူး ဗိုလ်မှူးကြီးမောင်ဘို (နောင် ဒုတိယ ဗိုလ်ချုပ်ကြီး မောင်ဘို) ဖြစ်သည်။ အရပ်ဝတ်နှင့် ပုဂ္ဂိုလ် အားလုံးက ကေအိုင်အို ကိုယ်စားလှယ် အဖွဲ့ဝင်များနှင့် ကြားလူကြီးများ ဖြစ်သည်။ မှတ်မိသလောက် ဆိုလျှင် ကေအိုင်အို၊ ကေအိုင် အေဘက်မှ ဒုဥက္ကဌ ဦး လမုန်တူးဂျိုင်၊ ဒေါက်တာလဂျာ၊ ဒေါက်တာတူးဂျာ၊ ကြားလူကြီးများ ဖြစ်သည့် သံအမတ်ကြီးဟောင်း ဦလ၀မ်၊ ဦးခွန်မြတ်၊ ကျန်တာကတော့ တပ်မတော် ထောက်လှမ်းရေးနှင့် တိုင်းစစ် ဌာနချုပ်နှစ်ခုမှ ဆွေးနွေးပွဲ အထောက် အကူပြု အဖွဲ့များ ဖြစ်သည်။ စာရေးသူ ကျွန်တော်က နောက်ဆုံးတန်း ယာဘက် ဒုတိယ မြောက်ဖြစ်သည်။ ထို့နေ့ မနက်မှာ တပ်မတော်နှင့် ကေအိုင်အို/ ကေအိုင်အေကြား အပစ်အခတ် ရပ်စဲရေးနှင့် ပတ်သက်ပြီး စာချုပ်ပါ အချက်အလက်များကို အပြီးသတ် သဘောတူ ခဲ့ကြသည်။ နောက်နေ့မှာ ထိုစဉ်က အတွင်းရေးမှူး (၁) ဒုတိယ ဗိုလ်ချုပ်ကြီး ခင်ညွန့်လာပြီး ၎င်း၏ရှေ့ မှာ သဘောတူ လက်မှတ် ရေးထိုးရမည် ဖြစ်သည်။ ထို့ကြောင့် မနက်ပိုင်း အစည်းအဝေး ပြီးချိန်တွင် အောင်မြင်မှု အထိမ်း အမှတ် အဖြစ် စုပေါင်းဓာတ်ပုံ ရိုက်ခဲ့ခြင်း ဖြစ်သည်။ တကယ်တော့ ဒီလို သဘောတူဖို့ အတွက် လွယ်လွယ်ကူကူ ဆောင်ရွက် နိုင်ခဲ့ခြင်း မဟုတ်။ ၁၉၉၃ ခုနှစ် ဇန်နဝါရီလ ၂၂ ရက်နေ့မှ လက်မှတ်ထိုးသည့် ၁၉၉၄ခုနှစ် ဖေဖော်ဝါရီလ ၂၄ ရက်နေ့အထိ အကြိမ်ကြိမ် တွေ့ဆုံ ဆွေးနွေးခဲ့ပြီးမှ သဘောတူ နိုင်ခဲ့ခြင်း ဖြစ်သည်။ ပြီးတော့ ဆွေးနွေးပွဲ မစတင်ခင်ကပင် နှစ်ဘက်လုံးက ယာယီ အပစ်အခတ် ရပ်စဲထားဖို့ ညှိရသည်။ သဘောတူတော့ နှစ်ဘက်တပ်များကို ညွှန်ကြားရသည်။ ထိုအချိန်တွင် နှစ်ဘက် တပ်အားလုံးက လက်ရှိ နေရာအတိုင်း ပိုနေမြဲ ကျားနေမြဲ နေကြသည်။ အကြောင်းကြောင်းကြောင့် တပ်တွေ ရွှေ့ပြောင်း သွားလာဖို့ ရှိရင် အောက်ခြေမှာ ဆက်သွယ်ပြီး သွားလာကြသည်။ ဒီတော့ အပစ်အခတ်ရပ်စဲ ရေးအတွက် စတင် ဆွေးနွေးချိန်တွင် ကချင်ပြည်နယ်မှာ သေနတ်သံတွေ၊ မိုင်းကွဲသံတွေ ယာယီအားဖြင့် ဆိတ်သုဉ်းနေပြီ ဖြစ်သည်။ ဒီလို တင်းမာမှုတွေ၊ စစ်ရှိန်တွေ လျော့ပါး သွားခြင်းကြောင့်လည်း ဆွေးနွေးပွဲစတင်ဖို့ ပိုပြီး လွယ်ကူစေခဲ့သည်။ ဒါတောင်မှ ဆွေးနွေးပွဲများ စတင်ချိန်တွင် နှစ်ဘက် ပုဂ္ဂိုလ်များ အကြားတွင် ခပ်တန်းတန်း ဖြစ်နေဆဲ ဖြစ်သည်။ ဒါကလည်း သဘာဝ ကျပါသည်။ ကိုယ်စားလှယ် အများစုမှာ နှစ်ဘက်လုံးက စစ်ရေး ခေါင်းဆောင်တွေ ဖြစ်ပြီး နှစ်ဘက် တိုက်ပွဲတွေ ကိုယ်တိုင်ပါဝင် တိုက်ခိုက်ခဲ့သူတွေ ဖြစ်ရာသူတို့ အသီးသီးမှာ ပုဂ္ဂလိက ခံစားချက်များ ရှိနေကြသည်။ ဒါပေမယ့် ကံကောင်း တာက ဆွေးနွေးပွဲများသည် ယခု ကေအိုင်အိုနှင့် ဆွေးနွေးသလို တစ်ရက်ထဲ တွေ့ဆုံခြင်းမဟုတ်။ ကေအိုင်အို ကိုယ်စား လှယ်များကို ရဟတ်ယာဉ်နှင့် မြစ်ကြီးနားမြို့သို့ ပို့ဆောင်ပြီး တိုင်းစစ်ဌာနချုပ် မလိခ ဧည့်ရိပ်သာတွင် တစ်ပတ် ဆယ်ရက်နေကာ ဆွေးနွေးကြခြင်း ဖြစ်သည်။ ပြီးတော့ ဗိုလ်ချုပ်ဇော်မိုင်၊ ဒုဥက္ကဌ ဦးလမုန်တူးဂျိုင်၊ အထွေထွေ အတွင်းရေးမှူး ဦးဇေင်း ဟရားစသည့် အဆုံးအဖြတ် ပေးနိုင်သည့် ခေါင်းဆောင်များ ကိုယ်တိုင် ဆွေးနွေးပွဲ ဖြစ်စဉ်များတွင် အစထဲက ပါဝင်လာခဲ့ ခြင်း ဖြစ်သည်။ ဥက္ကဌကြီး ဦးဘရန်ဆိုင်းပင် မြစ်ကြီးနားသို့ လာရောက်ရန် စီစဉ်ခဲ့သော်လည်း နောက်ပိုင်းတွင် ဦးဏှောက် သွေးကြော ပိတ်ဆို့သည့် ရောဂါခံစားရသဖြင့် မလာနိုင်ခြင်း ဖြစ်သည်။ ထိုအချိန်က မလိခရိပ်သာတွင် ကေအိုင်အို ကိုယ်စားလှယ်အဖွဲ့၊ အရှေ့မြောက်တိုင်း စစ်ဌာနချုပ် တိုင်းမှူးနှင့် ကိုယ်စား လှယ်အဖွဲ့၊ ကြားလူကြီးများနှင့် တပ်မတော် ထောက်လှမ်းရေး အဖွဲ့တွေ အားလုံး အတူနေကြသည်။ များသောအားဖြင့် နံနက် စာ၊ နေ့လည်စာ၊ ညစာ အတူစားကြသည်။ အိမ်ရှင် မြောက်ပိုင်း တိုင်း စစ်ဌာနချုပ် တိုင်းမှူးကလည်း လာစားသည်။ ဒီတော့ နှစ်ဘက် ကိုယ်စားလှယ်အဖွဲ့က လူကြီးများသည် ဆွေးနွေးပွဲ အတွင်း သာမက စားသောက်ချိန် များမှာပါ အပြန်အလှန် ဆွေးနွေးကြသည်။ လက်ရှိ အခြေအနေ သာမက သမိုင်းကြောင်းတွေ၊ ယဉ်ကျေးမှု ဓလေ့ထုံးစံတွေ၊ နိုင်ငံတကာ ရေးရာတွေပါ ဆွေးနွေးကြ၊ အမြင်ချင်း ဖလှယ်ကြသည်။ မိသားစုတွေ အကြောင်းလည်း ပြောကြသည်။ သံအမတ်ကြီး ဦးလ၀မ်ဆိုလျှင် ပင်လုံစာချုပ်ကိုပါ သိမှီလိုက်သူ ဖြစ်သောကြောင့် သမိုင်း နောက်ခံတွေကို စိတ်ဝင်စားဖွယ် ပြောပြတတ်သည်။ ကျွန်တော်တို့ လူငယ်တွေက နားထောင်သမား သက်သက်။ ဒီလို ပြောရင်းဆိုရင်းနဲ့ နှစ်ဘက်ကြားမှာ ရင်းနှီးမှု၊ ပွင့်လင်းမှုတွေပိုရလာ သည်။ တစ်ချိန်ကျတော့ ဆွေးနွေးပွဲ တက်ရောက်သည့် ကေအိုင်အို ခေါင်းဆောင် တစ်ဦးနှင့် တပ်မတော် ခေါင်းဆောင် တစ်ဦးတို့မှာ ရန်ကုန် တက္ကသိုလ် ပဲခူးဆောင်တွင် အတူ နေခဲ့ဖူးကြောင်း စကားစပ်မိသွားပြီး သူတို့သိသည့် သူငယ်ချင်းတွေ အကြောင်း ပြန်အစဖော်ကာ ပြောမဆုံးနိုင် ဖြစ်သွားကြသည်။ နောက်နေ့တွေ ကျတော့ တစ်ယောက်နှင့် တစ်ယောက် သူငယ်ချင်းဟု အာလုပ်သံဖြင့် စကားပြောသည့် အဆင့်သို့ ရောက်သွားတော့သည်။ ဒီလိုနဲ့ ဒုတိယအကြိမ်၊ တတိယ အကြိမ် စသည်ဖြင့် တွေ့ဆုံသည့် အကြိမ်တွေ များလာလေ နှစ်ဘက်ကြားမှာ နှင်းခဲတို့ အရည်ပျော်တာ မြန်လေဖြစ်လာ တော့သည်။ လက်တွေ့ ဆွေးနွေးရာ တွင်လည်း ညှိရတာတွေ အများကြီး ဖြစ်သည်။ များသောအားဖြင့် လူငယ်တွေ မပါဘဲ နှစ်ဘက် လူကြီးများ၊ ကြားလူကြီးများနှင့် တပ်မတော် ထောက်လှမ်းရေးက အရာရှိကြီးတွေပဲ တံခါးပိတ် ဆွေးနွေးကြသည်။ တစ်ခါ တစ်လေတော့လည်း ဆွေးနွေးပွဲ အပြီးတွင် ပြုံးပြုံးရွှင်ရွှင်၊ တစ်ခါတစ်လေ တော့လည်း မျက်နှာ မသာမယာနှင့်။ သိပ်ပြီး အငြင်းအခုန်တွေ များလာရင်တော့ တစ်ရက်နှစ်ရက်နား၊ ပြီးတော့ ပြန်ဆွေးနွေး၊ အဆင့်တစ်ခု အတွက် သဘောတူပြီး ဆိုလျှင် ကေအိုင်အို ကိုယ်စားလှယ်အဖွဲ့ ကလည်း ဗဟိုကိုပြန်၊ ကျွန်တော်တို့ ဘက်ကလည်း ရန်ကုန်ကို သတင်းပို့၊ ဒီလိုနဲ့ ဆွေးနွေးပွဲတွေ ကြိမ်ဖန်များစွာ လုပ်ခဲ့ရသည်။ သို့သော် ကံကောင်းတာက ထိုအချိန်က ဘယ်သူ့ ဘက်ကမှ ဆွေးနွေးပွဲ ရပ်ပစ်ဖို့၊ မဖြစ်နိုင်သော တောင်းဆိုချက်တွေ တင်ပြဖို့ မလုပ်ခဲ့၊ မဖြစ်ဖြစ်အောင်၊ မညီရင် ညီအောင် ညှိမယ်ဆိုသော စိတ်နှင့် ခရီးဆက်ခဲ့ခြင်း ဖြစ်သည်။ ခက်ခဲသော ကိစ္စတွေကို ဘေးဖယ်ထားပြီး အလွယ်တကူ သဘောတူနိုင်မည့် ကိစ္စများကို စပြီး ကိုင်တွယ်ဖြေရှင်း ခဲ့ကြသည်။ အခြေခံ သဘော တူညီချက်လေးတွေ ရလာတာနဲ့ လူတိုင်းစိတ်မှာ ဆွေးနွေးပွဲ လုပ်ငန်းစဉ် အပေါ် ပိုပြီး ယုံကြည်မှုရှိလာသည်။ အတူနေ အတူစား အတူ ဆွေးနွေးခြင်းကြောင့် နားလည်မှုတွေ ပိုပိုရလာသည်။ ဒီလိုနဲ့ နှစ်ဘက်ကြား အပစ်အခတ် ရပ်စဲရေး သဘောတူညီချက်ကို လက်မှတ် ရေးထိုးနိုင်ခဲ့သည်။ သဘောတူညီချက် ရရှိကြောင်း တရားဝင် ထုတ်ပြန်ချိန်တွင် ကချင်ပြည်နယ်သူ၊ ပြည်နယ်သားတို့ ပျော်လိုက်ကြ ပုံတွေကို ယခုထိ မြင်ယောင် နေမိပါသေး သည်။ ဓာတ်ပုံ ဟောင်းလေးထဲက ပုဂ္ဂိုလ် အတော်များများမှာ ကွယ်လွန် သွားခဲ့ကြပြီ ဖြစ်သည်။ ဓာတ်ပုံမှာလည်း အရောင်ပျယ်လု လုဖြစ်နေပြီ။ သူတို့ တည်ဆောက်ခဲ့သည့် ငြိမ်းချမ်းရေးမှာလည်း အသစ် ပြန်ဖြစ်လာသည့် တိုက်ပွဲသစ်တွေ ကြောင့် ပျက်ပြယ် ခဲ့ရပြီ။ တစ်နေ့က ကချင်ပြည်နယ်က ငယ်သူငယ်ချင်းနဲ့ တွေ့တော့ သူက ငြိမ်းချမ်းရေးတော့ ဘယ်တော့မှ ရမယ် မထင် တော့ဘူးဟု စိတ်ပျက်စကား ဆိုသည်။ ကျွန်တော်ကတော့ သူ့လို မယူဆ။ ငြိမ်းချမ်းရေးသည် ထင်သလောက် အလှမ်းမဝေး ဟု ယုံကြည်သည်။ အဘယ်ကြောင့်နည်း။ ၁၉၉၃- ၉၄ ကာလထက်စာလျှင် ငြိမ်းချမ်းရေး တည်ဆောက်နိုင်ဖို့က ပိုပြီးအခြေအနေ ကောင်းသည်။ ၁၉၉၃ ခုနှစ် ငြိမ်းချမ်း ရေးဆွေးနွေးပွဲများ စတင်ချိန်တွင် ကေအိုင်အို/ ကေအိုင်အေနှင့် ဖြစ်ပွားခဲ့သည့် လက်နက်ကိုင် ပဋိပက္ခသည် ၁၉၆၀ မှ ရေတွက် သော် နှစ်သုံးဆယ် ကျော်ခဲ့ပြီ ဖြစ်သည်။ ထို့ကြောင့် ဆွေးနွေးပွဲတွင် ပါဝင်ခဲ့သည့် နှစ်ဘက် ခေါင်းဆောင်များသည် လက်နက် ကိုင်ပဋိပက္ခ ကာလ သက်သက်ကိုသာ ဖြတ်သန်း ခဲ့ရသည်ဟု ဆိုနိုင်သည်။ ထိုနှစ်ပေါင်း သုံးဆယ်ကာလအတွက် တိုက်ပွဲကြီး ငယ်တွေ များစွာ ရှိခဲ့သည်။ နှစ်ဘက်လုံးမှာ၊ ပြည်သူတွေမှာ ထိခိုက် နစ်နာမှုတွေ အများကြီး၊ ပုဂ္ဂိုလ်ရေး ခံစားချက်တွေ ဖြစ်ဖို့ အကြောင်းအရာတွေက တစ်ပုံတစ်ပင်၊ သံသယတွေ၊ နာကြဉ်းမှုတွေက နှစ်ဘက်လုံးမှာ နက်နက်ရှိုင်းရှိုင်း ရှိခဲ့သည်။ ဒါပေမယ့် ဒါတွေ အားလုံးကို ကျော်လွှားနိုင်ခဲ့သည်။ အခု ပဋိပက္ခသစ်တွေ ပြန်ဖြစ်တာက တစ်နှစ်ကျော်သာ ရှိသေးသည်။ ပတ်သက် သူတွေက ငြိမ်းချမ်းရေး ကာလရော၊ ပဋိပက္ခ ကာလကိုရော ဖြတ်သန်းခဲ့ကြပြီ။ အကောင်းအဆိုး၊ သင်ခန်းစာ ယူစရာတွေ တွေ့ခဲ့၊ မြင်ခဲ့ကြပြီ။ ဆောင်ရန် ရှောင်ရန်တွေကို နားလည်ခဲ့ပြီ။ ဒါ့ကြောင့် ငြိမ်းချမ်းရေး ပြန်လည် တည်ဆောက် ဖို့က မခဲယဉ်း ဟု ဆိုချင်သည်။ ထို့ထက် အရေးကြီး တာက နိုင်ငံရေး အခြေအနေ ဖြစ်သည်။ ၁၉၉၃ မှာ ဆွေးနွေးတုံးက အပစ်အခတ် ရပ်စဲရေး သက်သက် ဆွေးနွေးခဲ့သည်။ နိုင်ငံရေး အတွက် လုံးဝမဆွေးနွေး။ နောက်အစိုးရ တာဝန်ယူချိန်မှသာ ဆွေးနွေးရန်ဟု တပ်မတော် အစိုး ရဘက်က ရပ်တည်ခဲ့သည်။ နောင်မှာ မျှော်လင့်သည့် နိုင်ငံရေး ဆွေးနွေးမှုများ ဖြစ်မလာသည့်အခါ ပဋိပက္ခတွေ ဘက်သို့ ပြန်ရောက် သွားခဲ့ခြင်း ဖြစ်သည်။ ယခု တစ်ကြိမ်တွင်တော့ တိုင်းရင်းသား လက်နက်ကိုင် အဖွဲ့အားလုံးနှင့် အပစ်အခတ် ရပ်စဲရေး တည်ဆောက်ပြီး သည့်နောက် ထာဝရ ငြိမ်းချမ်းရေးအတွက် အားလုံး ပါဝင်သည့် နိုင်ငံရေး ဆွေးနွေးမှုများ ပြုလုပ်မည်ဟု သမ္မတကြီးက ကတိ ပြုခဲ့ပြီး ဖြစ်သည်။ နောက်ပြီး ထိုဆွေးနွေးပွဲတွင် ပါဝင်အားဖြည့်မည့် နိုင်ငံရေး ပါတီများ၊ ပြည်ထောင်စု လွှတ်တော် ကိုယ်စားလှယ်များ၊ ပြည်နယ် အစိုးရများနှင့် ပြည်နယ် လွှတ်တော်များ၊ အရပ်ဘက် လူမှုအဖွဲ့အစည်း များလည်း ရှိ နေပြီ။ မြန်မာ နိုင်ငံ သည်လည်း ၁၉၉၃ ခုနှစ်ကလို အထီးကျန် နိုင်ငံမဟုတ်တော့ ငြိမ်းချမ်းရေး ဆွေးနွေးပွဲများကို အားဖြည့် ကူညီပေးမည့် နိုင်ငံတကာ အသိုင်းအ၀န်း ကလည်း ရှိနေပြီ။ ဒါတွေ အားလုံးက ထာဝစဉ် တည်တံ့မည့် ငြိမ်းချမ်းရေး တည်ဆောက်နိုင်ဖို့အတွက် လိုအပ်တဲ့ အခြေခံ ကောင်းတွေပဲ ဖြစ်သည်။ တစ်ခုသာ ကျန်တော့သည်။ အဲဒါကတော့ ဆွေးနွေးပွဲ စားပွဲ ၀ိုင်းဆီကို အရောက် လာဖို့ပဲ ဖြစ်သည်။ ထိုစားပွဲဝိုင်းကို လာရမည့် ခရီးကား စစ်တိုက်သည်ထက် ပိုခက်ပါသည်။ ပုဂ္ဂိုလ်ရေး ခံစားချက်တွေ၊ နာကြဉ်းချက်တွေကို ဘေးဖယ်ထားဖို့ လိုသည်။ ဒေါ်အောင်ဆန်းစုကြည် စကား အတိုင်း ဆိုရလျှင် မေ့ပစ်ဖို့ မဟုတ် ခွင့်လွှတ်ဖို့၊ သင်ခန်းစာ ဖော်ထုတ်နိုင်ဖို့ ဖြစ်သည်။ နောက်ပြီး ငြိမ်းချမ်းရေး ဆွေးနွေးပွဲ ဟူ သည် မိမိမှန်ကြောင်း တစ်ဘက်က လက်ခံအောင် ငြင်းခုန်ဆွေးနွေးဖို့ မဟုတ်၊ စကား စစ်ထိုးခြင်း မဟုတ်၊ နှစ်ဘက် သဘောတူနိုင်မည့် အချက်တွေကို ရှာဖွေဖို့ ဆွေးနွေးဖို့ ဆိုတာကို လက်ခံဖို့ လိုသည်။ ဆွေးနွေးပွဲ လုပ်ငန်းစဉ်မှာ တစ်ရက်၊ တစ်မနက်နှင့် မပြီး စိတ်ရှည်သည်းခံပြီး ရေရှည် ဆောင်ရွက်ရမည်ကို သဘောပေါက်ဖို့ လိုပါသည်။ ဒါဆိုရင် ငြိမ်းချမ်းရေးက လက်တစ်ကမ်းမှာပဲ ရှိသည်။ ပထမဆုံး ခြေတစ်လှမ်းကို စလှမ်းဖို့ သာလိုပါသည်။ လွင့်မျော နေသည့် အတွေးတွေကို ရပ်ပြီး ဓာတ်ပုံကို လက်နှင့် ဖွဖွလေး ပွတ်သပ်မိသည်။ ငြိမ်းချမ်းရေး ပျက်ပြား သွား သည့်အတွက် ကွယ်လွန် သွားရှာသူတို့ကို အားနာမိသည်။ သို့သော် ထာဝစဉ် တည်တံ့မည့် ငြိမ်းချမ်း ရေးကို တည်ဆောက် ခြင်းအားဖြင့် သူတို့ကိုပြန်ပြီး ကျေးဇူးဆပ်နိုင်ခွင့်ရှိသေးသည် ဆိုသည့် အတွေးကြောင့် စိတ်ဖြေရာ ရခဲ့သည်။ လောလောဆယ်တော့ ဒီဓာတ်ပုံလေးကို ပုံဟောင်းပြင်၊ ပုံကြီးချဲ့သည်ဆိုသည့် ဓာတ်ပုံဆိုင်ကိုပို့ပြီး ပြင်ဆင်ပုံကြီးချဲ့ ရဦးမည်။ ငြိမ်းချမ်းရေး အတွက် စိတ်ပူပန်ရတိုင်း ဓာတ်ပုံကိုကြည့်ပြီး အားတင်းရဦးမည်။ အခြားသူများကိုလည်း မျှဝေပြော ပြရဦးမည်။ မဝေးလှသော အနာဂတ်မှာတော့ မြစ်ကြီးနားမြို့က ငြိမ်းချမ်းရေး ပြတိုက်ကြီးမှာ ဒီဓာတ်ပုံကို ချိတ်ခွင့် ရမည် ထင်သည်။ ရဲထွဋ်

Read more

ကွဲပြားခြင်း၏တန်ဖိုး

ဘူတာရုံလေးက တိတ်ဆိတ် ငြိမ်သက်စွာပဲ ရှိနေသည်။ ကြားဘူတာငယ် လေးများရဲ့ ထုံးစံအတိုင်း ဘူတာရုံ အဆောက်အဦ သေးသေးလေး ရှိသည်။ ရုံးခန်းထဲမှာ  ရုံပိုင် ဒါမှမဟုတ် ရုံပိုင်လေး တစ်ယောက်နဲ့ လမ်းခွဲကိုင်ဟု ထင်ရသူ နှစ်ယောက်ကို တွေ့ရသည်။ ဘူတာဘေးမှာ ရေတွင်းအိုအို တစ်ခုနှင့် အုပ်ကြွတ် မိုးထားသည့် ယိုင်နဲ့နဲ့၊ ခြေတံရှည် ၀န်ထမ်း အိမ်ယာလေး ရှိသည်။ ခေါင်းမိုးက အုပ်ကြွတ်တစ်ချို့ ကွာနေသဖြင့် ဗီနိုင်းစ အပြာဖြင့် ဖာထေးထား သည်ကိုလည်း တွေ့ရ၏။  ကုက္ကိုပင်အိုကြီး တွေက ဘူတာရုံလေးကို အုပ်အုပ်ဆိုင်းဆိုင်း မိုးကာထားသည်။ ရထားလမ်း တစ်ဖက်မှာတော့ မိုးဦးကျ စိမ်းမြနေသည့် လယ်ကွင်းများကို မျက်စေ့တစ်ဆုံး တွေ့နေရသည်။  စင်္ကြန်ပေါ်မှာ ခရီးသည် မရှိ၊ ဈေးသည် မရှိ။ ဒီဘူတာ လေးမှာ အမြန်ရထားတွေ ရပ်လေ့မရှိဘဲ စာပို့ရထား၊ တစ်ခါတစ်ရံ ကုန်ရထား၊ ကျောက်ရထားများသာ နားခိုလေ့ ရှိသောကြောင့်လည်း ဖြစ်နိုင်သည်။ နောက်ပြီး ဘူတာလေးက ကားလမ်းနဲ့ လှမ်းလှမ်း၊ ရွာနဲ့လည်း တစ်မိုင်ကျော်ခန့် ဝေးနေသောကြောင့်လည်း ဖြစ်နိုင်သည်။ စင်္ကြန်ပေါ်တွင် ပျင်းတိပျင်းတွဲ လဲလျောင်း နေသော ခွေးတစ်ကောင် ကတော့ ကျွန်တော် ၀င်လာတာကို ခေါင်းထောင်ကြည့်ပြီး မထူးပါဘူးကွာ ဆိုသည့် သဘောနဲ့ ပြန်အိပ်သွားသည်။

တကယ်တော့ ဒီဘူတာရုံလေးကို ခရီးသွားဖို့ အတွက် ရောက်နေခြင်း မဟုတ်။ ကျွန်တော့်ကားက ဘူတာလေးနှင့် ခပ်လှမ်းလှမ်းက ရန်ကုန်-မန္တလေး ကားလမ်းဟောင်း ပေါ်တွင် စက်ချို့ယွင်းသဖြင့် ပြင်ဆင်နေရသည်။ ဘာမှ မလုပ်တတ်တဲ့ ကျွန်တော်ကတော့ ဟိုငေးသည်ငေး လုပ်ရင်း ခပ်လှမ်းလှမ်းက လှမ်းမြင်နေရသည့် ဘူတာရုံလေး ဆီကို ရောက်လာခဲ့ခြင်း ဖြစ်သည်။ မီးရထားနဲ့ ပတ်သက်လျှင် အစွဲအလန်းကြီးသည့် စိတ်က လှုံ့ဆော်မှုကြောင့်လည်း ဖြစ်နိုင်သည်။  

ဘယ်အချိန်ထဲက မီးရထားကို စွဲလန်းခဲ့သည် ဆိုသည်ကိုတော့ မမှတ်မိတော့။ ကျွန်တော် ငယ်ငယ်တုံးက အဘိုးထံမှ လက်ဆောင်ရသည့် မီးရထားလေး ကြောင့်လည်း ဖြစ်နိုင်သည်။ ရထားသံလမ်းလေး များကို စက်ဝိုင်းပုံ ဆက်ပြီး ဘက်ထရီနှင့် ရထားလေးကို မောင်းရသည်။ ရေနွေးငွေ့ စက်ခေါင်းတစ်ခု လူစီးတွဲ၊ ကုန်တွဲ၊ ဂတ်ဗိုလ်တွဲ စသည့်ဖြင့် အင်္ဂါစုံစွာ ပါသည့် ရထားလေးကို ကစားတုံးက ကြီးလာရင် မီးရထား စက်ခေါင်းမောင်း လုပ်မည်ဟု တဖွဖွ ဆိုခဲ့ဖူးသည်။ ကျွန်တော်ငါးနှစ်၊ ခြောက်နှစ်သားမှာ ဖခင်ဖြစ်သူက ရှမ်းပြည်တောင်ပိုင်း မြို့လေး တစ်မြို့တွင် တာဝန်ကျသည်။ ကျွန်တော်တို့ အိမ်နောက်ဘက်က ဆင်းသွားလိုက်လျှင် ရထားလမ်း၊ ရထားလမ်းအတိုင်း တစ်မိုင်လောက် ဆက်လျှောက်လျှင် ဘူတာရုံလေး ရှိသည်။  စကားစပ်လို့ ပြောရလျှင် မြန်မာနိုင်ငံက ဘူတာရုံတွေ ထဲကတွင် ရှမ်းပြည် တောင်ပိုင်းက လမ်းဘူတာ ရုံလေးများက အလှဆုံးဖြစ်မည် ထင်သည်။ ဥရောပပုံစံ အမိုးစောက်စောက်နှင့် ဘူတာရုံ အဆောက်အဦလေးတွေ၊ ပတ်ဝန်းကျင်က မြေနီရောင် တောင်ကုန်းများ၊ ကြောင်ခြစ်သလို ထွန်ယက်ထားသော ယာမြေတွေ၊ ထင်းရူးပင် မြင့်မြင့်ကြီးတွေ၊ အလေ့ကျ ပေါက်နေသည့် ရောင်စုံပန်းတွေနဲ့ ပန်းချီကား တစ်ချပ်လို လှချင်တိုင်း လှနေသည့် ဘူတာရုံလေးတွေ ဖြစ်သည်။

ကျောင်းပိတ်ရက်တွေဆို မြို့ရဲ့ ဘူတာရုံလေးမှာ ရထားတွေ ၀င်ထွက်တာကို သွားကြည့်သည်။ ကျွန်တော် သဘော အကျဆုံးမှာ လမ်းခွဲကိုင် ဦးကြီးတွေက မောင်းတံကို ဆွဲပြီး လမ်းပြောင်းတာပဲ ဖြစ်သည်။ ရထား သံလမ်းကြီးတွေ ဘယ်ညာ ရွေ့ပြီး ပူးကပ်သွားတာ၊ ရထားကြီး ဦးတည်ရာ ပြောင်းပြီး လွှဲပေးထားသည့် လမ်းကြောင်းအတိုင်း ဆက်ထွက်သွားတာ တွေကို ကြည့်ပြီး ရင်သတ်ရှုမော ဖြစ်ခဲ့ရသည်။ ကလေး ချစ်တတ်သော ဦးလေးကြီး တစ်ယောက်က ရထား သံလမ်းကို နားနဲ့ကပ် နားထောင်ရင် အဝေးကြီးထဲက ရထားလာတာတဲ့ အသံကို ကြားရတယ်ဟု သင်ပြ ပေးသည့်အခါ ကျွန်တော့်မှာ သူငယ်ချင်းတွေကို ပြန်ကြွား၍ မဆုံး ဖြစ်ခဲ့ရသည်။ ဒီလိုနဲ့ပဲ အခု အသက်အရွယ်အထိ ရထားကို စွဲလမ်းတုံး ဖြစ်သည်။ ရထား စီးရင်း ရလာသော အတွေးတစ်စ ကိုလည်း ဆောင်းပါးအဖြစ် ချရေးခဲ့ဖူးပြီ။ အခွင့်အရေး ရတိုင်း ရထားစီးပြီး ခရီးသွားဖို့လည်း ကြိုးစားတုံးဖြစ်သည်။

ငြိမ်သက်နေသော ဘူတာရုံလေးက ရုတ်တရက် လှုပ်လှုပ်ရှားရှား ဖြစ်လာသည်။ ရုံပိုင် အခန်းထဲက အသံတွေ ပြန့်လွင့် လာသည်။ တစ်ဖက်ဘူတာက ချဉ်းကပ်ခွင့် တောင်းတာကို ခွင့်ပြုသံ၊ အခြားတစ်ဖက် ဘူတာသို့ ဆက်လက် စေလွှတ်နိုင်ဖို့ အတွက် လမ်းရှင်း ခွင့်ပြုချက် ယူသံတွေ ကြားရသည်။ ခဏနေတော့ လမ်းခွဲကိုင် တစ်ဦးက ရထားလာမည့် ဘက်သို့ ထွက်သွားသည်။ ကြည့်ရတာ တောက်လျှောက် မောင်းမည့် အမြန်ရထား ဖြစ်လို့ ၂ လမ်းလို့ ခေါ်သည့် မိန်းလမ်းသို့ လမ်းပြောင်းပေးဖို့ ဖြစ်မည်။ နောက်တော့ ရထားဥသြသံ ကြားရသည်။ ရုံပိုင်ဖြစ်သူက အလံစိမ်း ကိုင်ပြိး အပြင်ထွက် လာသည်၊ နောက်ဝန်ထမ်း တစ်ဦးကတော့ လမ်းရှင်းစာရွက် ချည်ထားသည့် ကြိမ်ကွင်းကြီးနဲ့ ရထားလမ်း အတိုင်း ခပ်သုတ်သုတ် လျှောက်သွားသည်။ သိတ်မကြာခင်မှာပဲ ရထားကြီးက ဥသြသံပေးရင်း ဆူညံစွာ ဖြတ်သန်း သွားသည်။ ရထားပေါ်မှာ ငိုက်မြည်းနေသည့် ခရီးသည်တွေ ကတော့ သူတို့ ဘေးရန်ကင်းကင်း ဖြတ်သန်း သွားနိုင်အောင် ဘူတာရုံလေးက ၀န်ထမ်း တွေ လုပ်ဆောင် ပေးလိုက်သည်ကို သတိပြုမိပုံပင်မရ။

ဘာရယ်မဟုတ် တစ်ဖြေးဖြေး ဝေးသွားသော ရထားနောက်ပိုင်းကို လိုက်ကြည့် နေမိသည်။ နောက်ဆုံးတော့ မျက်စိတစ်ဆုံး ဖြောင့်တန်း နေသည့် မျဉ်းပြိုင် ရထားသံလမ်း နှစ်ခုသာ ကျန်နေခဲ့ပြီး ရထားကြီးက မြင်ကွင်းကနေ ပျောက်ကွယ် သွားတော့သည်။ ကြည့်စမ်း၊ ရထားသံလမ်းတွေ၊ မျဉ်းပြိုင် ပြေးနေသော ရထား သံလမ်းတွေ၊ မီးရထား စီးရတာကို အလွန် နှစ်သက်ပေမယ့် ဒီရထားကြီး ခရီးရောက်အောင် ထမ်းပိုး ပေးထားသော သံလမ်းတွေ အကြောင်း တစ်ခါမှ မစဉ်းစားမိခဲ့။

ရထားတစ်စင်း ခရီးရောက်ဖို့အတွက် မျဉ်းပြိုင်သံလမ်း နှစ်ခု လိုသည်။ ထိုသံလမ်း နှစ်ခုသည် ထပ်တူမကျ၊ သို့သော် ရထားကြီး ခရီးရောက်အောင် ပို့ဆောင်ပေးရန် ဆိုသည့် ရည်ရွယ်ချက်က တူသည်။ သံလမ်းနှစ်ခု ကွေ့လျှင်လည်း အတူတူ၊ ဖြောင့်ရင်လည်း အတူတူ ရှိနေခြင်းက ရထားကြီးခရီး ရောက်ရသည့် အဓိက အကြောင်း ဖြစ်သည်။ သို့သော် သံလမ်း နှစ်ခု ထပ်တူကျဖို့ မလိုသလို သူတို့နှစ်ခုကြားမှာ လိုအပ်တာထက်လည်း ပိုဝေးလို့ မရ။ သူတို့ နှစ်ခုကြား အကွာအဝေး ကို သူတို့ ထမ်းပိုး သယ်ဆောင်ရမည့် ရထားဘီး အတိုင်းအတာက ဆုံးဖြတ်ပေးသည်။ ကွယ်လွန်သူ ဆရာ နေ၀င်းမောင် စကားအရ ဆိုလျှင် ရထားဘီးများ၏ အကွာအဝေးသည် ပေးထားချက် ဖြစ်သည်။ ထို့ကြောင့် ရထားသံလမ်း နှစ်ခုသည် ထိုပေးထား ချက်ထက်တော့ ပိုပြီးနီးလို့ ဝေးလို့မရ။ ဒီလိုဖြစ် မသွားအောင် ဇလီဖားတုံးတွေ၊ သံလမ်းထိန်း သံငုတ်တွေနဲ့ ထိန်းချုပ်ထားသည်။ လမ်းကြောင်း တစ်ခုမှ တစ်ခုသို့ အပြောင်းအလဲ လုပ်လိုလျှင် ပြောင်းလဲနိုင်သည့် လမ်းလွှဲ ကရိယာတွေ ရှိသည်။ ထိုအရာတွေက ရထားကြီးကို အန္တရာယ် မဖြစ်စေဘဲ လမ်းကြောင်း ပြောင်းနိုင်အောင် ဆောင်ရွက်ပေးသည်။ ဒါ့ကြောင့် ရထားကြီးခရီး ပေါက်ရခြင်းသည် ထပ်မတူမကျသည့် မျဉ်းပြိုင်သံလမ်း နှစ်ခုနှင့် သံလမ်းထိန်း စနစ်ကြောင့်ဟု ဆိုလျှင် မှားမည်မထင်။

ရထားကြီး ဖြတ်သွားပြီးတော့ ဘူတာရုံလေးက မူလအတိုင်း ပြန်လည် တိတ်ဆိတ်ငြိမ်သက် သွားပြန်သည်။ ကျွန်တော့် စိတ်ထဲမှာတော့ အတွေးတွေက မုန်တိုင်းထန်နေသည်။  ကျွန်တော်တို့ မိသားစုတွေ ထဲမှာ၊ အသိုင်းအ၀န်း ထဲမှာ၊ လူ့အဖွဲ့ အစည်းတွေ ထဲမှာ ထပ်တူကျနိုင်ဖို့ ကြိုးစားရာက ကြီးမားကျယ်ပြန့် သွားခဲ့သည့်  ပဋိပက္ခတွေ၊ ဝိရောဓိတွေ အကြောင်းက ခေါင်းထဲ ရောက်လာ ပြန်သည်။  ပြဿနာ အတော်များများ၏ အစမှ အရာရာကို ကိုယ့်စိတ်နဲ့ တစ်ထပ်တည်း ဖြစ်မှ ဘ၀င်ကျ လေ့ရှိသော ကျွန်တော်တို့ စိတ်အခံကြောင့် ဆိုလျှင် မှားမည်မထင်။ ကျွန်တော်တို့ အတွက် ကွဲပြားခြင်းကို လက်ခံဖို့ ခက်လှသည်။ အရာရာမှ ထပ်တူကျဖို့ ကြိုးစားခြင်းထက် ကွဲပြား ခြားနားမှု တွေကို မိမိတို့ ပတ်ဝန်းကျင်က ပေးထားချက်တွေထက် ကျော်လွန် မသွားအောင် ထိန်းညှိပြီး ရှေ့ဆက်ဖို့ ကြိုးစားခြင်းက ပိုကောင်းသည် ဆိုသည်ကို မေ့လျော့နေလေ့ ရှိသည်။ တစ်ခါတစ်ရံ မှာတော့ ကွဲပြားမှုကို လက်မခံနိုင်ရုံ သာမက ငါ့နဲ့ မတူ ငါ့ရန်သူ အဆင့်ထိ ရောက်သွား တတ်ပြန်သည်။ တကယ်တော့ ဘုံအကျိုး စီးပွား၊ ဘုံရည်မှန်းချက်ခြင်း တူသည် ဆိုလျှင်ပင် လုပ်နည်း လုပ်ဟန်ပိုင်း၊ နည်းနာပိုင်းမှာ ကွဲလွဲမှုများ ရှိနိုင်သေးသည်။ ထိုကဲ့သို့ မတူတာတွေ မှန်သမျှ တူအောင် ညှိကြမည်လား၊ ဒါမှမဟုတ် မိမိတို့ လူ့အဖွဲ့ အစည်းအတွက် ပေးထားချက်တွေကို မကျော်လွန် စေဘဲ ကွဲပြားခြားနားစွာ ကျင့်သုံးနိုင်မည့် နည်းလမ်းများ၊ စနစ်များကို တည်ဆောက်ဖို့ ကြိုးစားမည်လား၊ ဘယ်ဟာက အကောင်းဆုံး ဖြစ်မလဲ၊ မေးခွန်းတွေ၊ အတွေးတွေက မဆုံးနိုင်တော့။

ပခုံးကို အသာအယာ လာတို့ လိုက်သဖြင့် အတွေးများက ရပ်တန့်သွားသည်။ လှည့်ကြည့် လိုက်တော့ ဘူတာရုံ ၀န်ထမ်းတစ်ဦး၊ ခင်ဗျားလူတွေ လှမ်းခေါ် နေတယ်ဟု ပြောလာသည်။ ကျွန်တော့် မိတ်ဆွေက ခပ်ဝေးဝေး ကနေ ကားပြင်ပြီး ပြီ ဟု အချက်ပြနေ၏။ ကျေးဇူးတင်စကားဆိုရင် ဘူတာရုံလေးထဲက ပြန်ထွက် လာခဲ့သည်။ ကျွန်တော် ခရီးဆက်ရ ပါဦးမည်။ မကြာခင် လုပ်ငန်းခွင်ထဲ ပြန်ရောက်တော့မည်။ အကြောင်း ကြောင်းကြောင့် ကွဲပြားခြားနားသော အမြင်တွေ၊ စကားတွေ ကြားရဦးမည်။ ဆွေးနွေးဆုံးဖြတ် ရဦးမည်။ သို့သော် ဒီတစ်ခါမှာတော့ ကွဲပြားမှုတွေကို ပိုပြီး နားလည်နိုင်အောင် ကြိုးစားဖြစ်မည် ထင်ပါသည်။ နောက်ပြီး ကျွန်တော်ရုံးခန်း ထဲမှာ မီးရထား သံလမ်းတွေ ပါသည့် ဓာတ်ပုံ တစ်ပုံကို ထားဖို့ လုပ်ရဦးမည်။ ဒါမှလည်း ကွဲပြားခြင်း၏ တန်ဖိုးကို အမြဲတမ်း နှလုံးသွင်းထား နိုင်မည် ဖြစ်သည်။  

ရဲထွဋ်

Read more

ဘ၀င်ချသည့် စကားများ (၃)

ဇာတ်ဓားတွေ

ရှေ့မှာတုံးက ရေးခဲ့သလိုပင် ကွပ်ကဲမှု ဌာနချုပ်မှာ တာဝန်ကျသည့် လူငယ် ဂျီသရီးဘ၀ကား အတော် ပျော်စရာ ကောင်း သည်။ အလုပ်ဘယ်လောက် များများ နေ၀င်မိုးချုပ် ကြောပိုးအိပ် ပိုးပြီး ခရီးသွား နေရသော၊ ဘယ်အချိန် တိုက်ပွဲ ဖြစ်မလဲလို့ အမြဲသတိထား ပြင်ဆင် နေရသော ခြေလျင်တပ်ရင်းက ဘ၀နှင့်ကား များစွာ ကွာခြားလှသည်။

မြေစိုက် တဲလေးနဲ့ ရုံးဖွင့်ထားဦးတော့ အမိုးအကာ အောက်မှာ စစ်ဝတ်စုံ သပ်သပ်ယပ်ယပ်နဲ့ လုပ်ကိုင်ရသည်။ တပ်ရင်းတုံး ကဆိုလျှင် စစ်ဆင်ရေးကာလ ခြောက်လလောက်ကို စစ်ဝတ်စုံသုံးစုံ၊ အရပ်ဝတ် နှစ်စုံနဲ့ ဒါဝတ်၊ ဒါချွတ် ဘ၀ဖြင့် ဖြတ်သန်းခဲ့ ရသည်။ တစ်နေကုန် ချီတက်ပြီး ရေမချိုးပဲ ရောက်ရာနေရာမှာ ထိုးအိပ်ရသည့် အချိန်များကလည်း မရေမတွက်နိုင်။ ဒီတော့ တစ်နေရာတည်းမှာ အတည်တကျ နေထိုင် လုပ်ကိုင်ရသော ဂျီသရီး ဘ၀ကား ကျွန်တော်တို့ အတွက် လောကနိဗ္ဗာန်ပင် ဖြစ် ၏။

ဒီလို ကွာခြားရသည့် အခြေအနေများ ထဲတွင် ကျွန်တော် တာဝန်ကျသည့် ကွပ်ကဲမှု ဌာနချုပ်မှာ ပြည်နယ် မြို့တော်ကြီးတွင် အခြေပြုရသည် ဆိုတော့ အတိုင်းအထက် အလွန်ပေါ့။ တပ်ရင်းမှာတုံးက ခြောက်လကျော်မှ  တပ်ရင်းပြန် နားရသည်။ တပ်ရင်းပြန် ရောက်တော့လည်း မိဘများရှိရာ ရန်ကုန်ကို ဆယ်ရက် ခွင့်ပြန်ဖို့တောင် အနိုင်နိုင်၊ တပ်ရင်း ဌာနချုပ်ရှိရာ မြို့ကလည်း ရထားလမ်းဘေး မြို့ငယ်လေး။ မှတ်မှတ်ရရ ကျွန်တော်တို့ ရှိချိန်တွင် ဘူတာရုံက ထမင်းဆိုင် တစ်ဆိုင်၊ ကားလမ်း ဆုံက ထမင်းဆိုင်တစ်ဆိုင်နဲ့ တရုတ် စားသောက်ဆိုင် တစ်ဆိုင်သာ ရှိသည်။ တရုတ် စားသောက်ဆိုင် ဆိုတာကလည်း ကြေးဇွန်းခရင်းနဲ့ စားရတဲ့ဆိုင်မျိုး၊ ဟင်းကလည်း ၁၂ မျိုးဟင်းချို၊ ကုန်ဘောင်ကြီးကြော်၊  ချိုချဉ်ကြော်၊  ကစွန်းရွက်ကြော် လောက် အကောင်း လုပ်စားရသည့်ဆိုင်။

ဒီတော့  စားသောက် ဆိုင်တွေလည်း ရှိ၊ ဈေးကလည်း စည်ကား၊ တက္ကသိုလ်ကလည်း ရှိဆိုသည့် ပြည်နယ် မြို့တော်ကြီး မှာ ကျွန်တော်တို့ ပျော်တာဘာမှ မဆန်း။ နောက်ပြီး ဂျီသရီး အားလုံးလိုလို ကလည်း လူငယ် သက်တူရွယ်တူတွေ ဆိုတော့ အား လပ်ချိန်တွေမှာ တရုန်းရုန်း၊ နောက်ပြီး ယူနီဖောင်းစ အကောင်းစားတွေနဲ့ အိုက်တင်ကလည်း ခပ်များများ။

ကျွန်တော်တို့ကို ပန်းသည်တွေနဲ့ ခိုင်းနှိုင်းပြီး ဆုံးမခဲ့သည့် တပ်မှူးကြီးက ထိုအခြေအနေကို ကြည့်ပြီး မျက်စိစပါးမွှေးစူး လာသည် ထင်သည်။

သူ့ထုံးစံကလည်း မနက်ပိုင်း စစ်ဆင်ရေး အစည်းအဝေးပြီးချိန်၊ စစ်ဆင်ရေး အခြေအနေကလည်း အေးအေးဆေးဆေး ဆိုပါက ဌာနချုပ်ရှိ အရာရှိများကို စိတ်ဝင်စားစရာ အကြောင်းတစ်ခုခုကို အခြေခံပြီး ဆုံးမစကား ပြောကြားလေ့ ရှိသည်။ တစ်နေ့တော့ စစ်ဝတ်စုံ ၀တ်စားဆင်ယင်မှုနဲ့ ပတ်သက်ပြီး ပြောဆိုရင်း မင်းတို့ ဦးစီးအရာရှိတွေ ယူနီဖောင်းကို သပ်သပ်ယပ်ယပ် ၀တ်ကြ၊ နေထိုင်ကြတာတော့ ငါကြိုက်ပါတယ်။ ကြည့်လို့လည်း ကောင်းပါတယ်။ ဒါပေမယ့် အပေါ်ယံ မဟုတ်ဘဲ အနှစ် သာရရှိအောင်၊ အရည်အချင်း ရှိအောင်လည်း လုပ်ကြဦး၊ မဟုတ်ရင် ဇာတ်ဓား ဖြစ်နေလိ့မ်မယ်။ ဇာတ်ဓားဆိုတာ သိလား၊ ဇာတ်ခုံပေါ်မှာ အရောင်တောက်တောက် ပြောင်ပြောင်နဲ့  ကြည့်လို့တော့ ကောင်းပါရဲ့၊ ဒါပေမယ့် လက်တွေ့ ထိုးလို့၊ ခုတ်လို့ မရဘူး။ ငါကတော့ ငါ့နားမှာ ဇာတ်ဓား မလိုချင်ဘူး။ ဇာတ်ဓားထက် စာရင်တော့  ကြည့်လို့မကောင်း၊ ပုံတုံးပေမယ့် အလုပ်လုပ်လို့ရတဲ့ ထင်းခုတ်ဓားမကမှ ဟုတ်တုတ်တုတ် ရှိသေးတယ်  ဟု ဆုံးမ ပါတော့သည်။

တပ်မှူးကြီးက အသွင်သဏ္ဍန်နှင့် အနှစ်သာရ နှစ်ခုလုံး ပြည့်စုံရန် လိုအပ်ကြောင်းကို ဇာတ်ဓားနဲ့ အကောင်းဆုံး ဥပမာ ပေးသွားခဲ့သည်။ နောင်တော့ ကျွန်တော်တို့ ဌာနချုပ်မှာ ဦးစီးအရာရှိငယ်များ တစ်ခုခု မှားလိုက်တိုင်း  အထက်အရာရှိများ က ဟေ့ကောင် မင်း ဇာတ်ဓား ဖြစ်ချင်လို့လားဆိုပြီး ဆုံးမကြတော့သည်။ ဪ ဇာတ်ဓား ဇာတ်ဓား၊

ပြေးခုန်ပစ်အားကစားသမား

တစ်ချိန်မှာတော့ တိုင်းအဆင့် ကွပ်ကဲမှု ဌာနချုပ်တစ်ခု၏ တပ်မှူးကြီး လက်အောက်တွင် စစ်ဦးစီး အရာရှိ အဖြစ် အမှုထမ်းခွင့် ရသည်။ ထိုအချိန်က တပ်မှူးကြီး အနေဖြင့် တပ်မတော် တာဝန်များ သာမက နယ်ဘက် အုပ်ချုပ်ရေး တာဝန်များကိုပါ ပူးတွဲ ထမ်းဆောင်ရသည့် အချိန်ဖြစ်သည်။ ထို့ကြောင့် သူ့လက်အောက်မှာ တပ်မတော် တပ်ရင်း၊ တပ်ဖွဲ့ များသာမက တိုင်းအဆင့် ဌာနဆိုင်ရာများပါ  ရှိနေသည်။

ထုံးစံအတိုင်း မိမိတို့ တစ်ဦးချင်း၏ လုပ်ကိုင်ဆောင်ရွက်မှု၊ မိမိဦးဆောင်ရသည့် တပ်ရင်း၊ တပ်ဖွဲ့၊ ဒါမှမဟုတ် ဌာန၏ စွမ်းဆောင်မှု များအပေါ် တပ်မှူးကြီးက အမြင် ကြည်လင်အောင်၊ ကြိုက်နှစ်သက်အောင်  အပြိုင်အဆိုင် ကြိုးစားကြသည်။ လူကြီးအနားမှာ နေသည့် ကျွန်တော်တို့ အနေနဲ့လည်း ရိုးရိုးသားသား ကြိုးစားသူတွေကို မြင်ရသလို အခြား နည်းလမ်းများဖြင့် မျက်နှာသာ ပေးခံရအောင်၊ တစ်ခါတစ်လေ တော့လည်း အခြားသူကို နင်းပြီး တက်နိုင်အောင် လုပ်တာတွေလည်း တွေ့ရသည်။

ကျွန်တော်တို့တောင် ဒါမျိုးမြင်နေတော့ တပ်မှူးကြီးလည်း မြင်မှာ သေချာပါသည်။  တစ်ချိန်မှာတော့ ကျွန်တော်တို့ ဌာန ချုပ်မှာ စစ်ဘက်ရော၊ နယ်ဘက် အရာရှိကြီးတွေပါ တက်ရတဲ့ အစည်းအဝေးတစ်ခု ကျင်းပသည်။ အစည်းအဝေး အမှာစကား ပြောချိန်မှာ တပ်မှူးကြီးက လူတိုင်းဟာ အောင်မြင်ကြီးပွားလိုတဲ့ အတွက် အချင်းချင်းယှဉ်ပြိုင် ကြိုးစား အားထုတ် ကြတာမဆန်းပါဘူး။ သူလည်း အခုအချိန်အထိ ကြိုးစားနေတုံးပဲ။ ဒါပေမယ့် မိမိဘ၀ အောင်မြင်မှုအတွက် ယှဉ်ပြိုင် ရာမှာတော့ ဘောလုံးလို၊ လက်ဝှေ့လို တစ်ဘက်အသင်းကို ဂိုးသွင်းနိုင်မှ၊ တစ်ဘက်လူကို အလဲထိုးနိုင်မှ အနိုင်ရတာမျိုး မလုပ်ပါနဲ့။ ဒီလိုလုပ်လို့ နိုင်ရင်တောင် တစ်ဘက်က ရှုံးသွားတဲ့သူမှာ ခံစားချက် မကောင်းဘူး။ ဒီတော့ ပြေးခုန်ပစ် အားကစားနည်းတွေလို ကိုယ့်စံချိန်ကို သူများထက် ကောင်းအောင် ကြိုးစားပြပြီး အနိုင်ယူကြပါ။ ဒါဆိုရင် ရှုံးသွားတဲ့ သူကလည်း အရှုံးကို ကျေကျေနပ်နပ် လက်ခံနိုင်လိမ့်မယ်   စသည်ဖြင့် အတော်ရှည်ရှည် ရှင်းလင်း ပြောကြားခဲ့သည်။

တကယ်တော့ အဲဒီ အရာရှိကြီးတွေသာမ ဟုတ် ကျွန်တော်တို့ ဦးစီးအရာရှိတွေ ထဲမှာလည်း ပြိုင်ကြတာပါပဲ။ ဒီလိုပြိုင်ကြ ရင်းနဲ့ တစ်ခါတစ်လေ ကိုယ်နဲ့ အဆင့်တူ အရာရှိတစ်ဦး လုပ်ငန်းဆောင်ရွက်ပုံ မှားနေတာ တွေ့ရင်တောင် သတိမပေးပဲ ချို တာမျိုးလည်း ရှိသည်။ သူခဏခဏမှားမှ ကိုယ့်ကို လူကြီးက ပိုအားကိုးလာမှာ ဆိုသည့် စိတ်အခံကြောင့် သူ့အရှိန်နှင့် သူ လွှတ်ထားလိုက်တာ ဖြစ်သည်။ တစ်ခါတစ်လေ လူကြီးက အခြားဦးစီးအရာရှိ တစ်ယောက်အကြောင်း မေးလျှင် ကောင်းတာ တွေပြောဖို့ထက် မကောင်းသည့် အချက်လေးများကို သာသာထိုးထိုးလေး ပြောတတ်ကြသည်။ ကျွန်တော်လည်း ဒီလို အကျင့်တွေ ရှိခဲ့ဖူးသည်။ ဒါ့ကြောင့် တပ်မှူးကြီးရဲ့ စကားကို ကြားချိန်မှာတော့ ကိုယ့်ကိုကိုယ် ရှက်စိတ် ၀င်မိသည်။

ကျွန်တော်ကား အားကစားနဲ့ ပတ်သက်လျှင် အတော်နုံချာသူ ဖြစ်သည်။ စစ်တက္ကသိုလ်တုံးက သူများတွေ အားကစား နည်း တစ်ခုမဟုတ် တစ်ခု ကစားချိန်တွင် ကျွန်တော်ကတော့ နံနက်၊ ညနေပုံမှန် လုပ်ရသည့် ကြံ့ခိုင်ရေး လေ့ကျင့်ခန်း လောက်နဲ့သာ ဖြတ်သန်းခဲ့သည်။ ဒါပေမယ့်လည်း ဘ၀ပြိုင်ပွဲကြီးမှာတော့ ပြေးခုန်ပစ် အားကစားသမား ဖြစ်အောင် ကြိုးစားနေသည်။ နိုင်မလား၊ ရှုံးမလား ကျွန်တော်မသိပါ။ ဘာပဲဖြစ်ဖြစ် စိတ်ရှင်းတာတော့ အမှန်ပင်ဖြစ်ပါသည်။

ပြီးပါပြီ

ရဲထွဋ်

Read more

ဘ၀င်ချသည့် စကားများ (၂)

စားရတာမချိုဘူး

၁၉၈၃ ခုနှစ်အတွင်းက ဖြစ်သည်။ မှောင်ခိုခေတ် ဖြစ်၏။ ထိုင်းနယ်စပ်ကနေ အထမ်းသမားတွေ၊ လှည်းတွေနဲ့ ကရင် ပြည်နယ်၊ မွန်ပြည်နယ်များကို ဖြတ်ပြီး လူသုံးကုန် ပစ္စည်းတွေ၊ စားသောက်ကုန်တွေ သွင်းကြ၊ မြန်မာ နိုင်ငံဘက်က နွား၊ သိုး၊ ၀က်၊ ပုဇွန် စတာတွေ ခိုးထုတ်ကြသည့် အချိန်ကာလ။ နယ်စပ်ဒေသမှာ တစ်ဖက် လက်နက်ကိုင် အဖွဲ့အစည်းတွေက အကောက်စခန်းတွေ ဖွင့်ပြီး စီးပွားရေး လုပ်ဆောင်နေသည့် အချိန်။

ထိုအချိန်တွင် ကျွန်တော်တို့ တပ်ရင်းက နယ်မြေတစ်ခုကို ထိုးဖောက်စစ်ဆင်ရေး လုပ်ရသည်။ ထိုနယ်မြေက သာမန် အားဖြင့် တစ်ဖက် လက်နက်ကိုင် အဖွဲ့အစည်းက အများဆုံး လှုပ်ရှားပြီး မှောင်ခိုလမ်းကြောင်း အတွက် အချက်အခြာ ကျသည့် နယ်မြေဖြစ်သည်။ ထိုနယ်မြေထဲသို့ ကျွန်တော်တို့ တပ်ရင်းက အလစ်အငိုက် ၀င်ရောက် စစ်ဆင်ခြင်း ဖြစ်သည်။ ထိုနယ်မြေတွင် တိုက်ပွဲငယ်လေးများ ဆက်တိုက်ဖြစ်ပြီး အောင်မြင်မှုလည်း ရသည်။ တစ်နေရာတွင်တော့ မှောင်ခို လှည်းတန်းကြီးနဲ့ သွားတိုးသည်။ ထိုင်းနယ်စပ်ကနေ လူဖြင့် သယ်လာသော မှောင်ခို ပစ္စည်းများကို ဒေါနတောင်တန်း အနောက်ဘက် ခြမ်းအရောက် လှည်းတွေနဲ့ စုပြီး သယ်နေချိန် ကျွန်တော်တို့ စစ်ကြောင်းနဲ့ တိုးခြင်းဖြစ်၏။

လှည်းအစီး သုံးလေးဆယ်လောက်မှာ ထိုခေတ်က ခေတ်စားသည့် လှိုင်းကြီး၊ လှိုင်းလေးစတွေ၊ လေယာဉ်မောင်အစတွေ၊ နောက်အချိုမှုန့်တွေ ပါသည်။ ထိုအချိန်က မှောင်ခိုပစ္စည်းများ ဖမ်းမိလျှင် အနီးဆုံးမြို့က မြို့နယ်ကောင်စီကို အပ်ရသည်။ ဒီတော့ အဲဒီနယ်မြေနဲ့ အနီးဆုံးမြို့ကို ပြန်ပို့ဖို့ ကျွန်တော်တို့ တပ်ခွဲကို တာဝန်ပေးသည်။  ပိုင်ရှင်တွေ၊ လှည်း သမားတွေ ကတော့ ပြေးကြပြီ။ အဲဒီလှည်းတွေကို ကိုယ့်ဘာသာကိုယ် မောင်းပြီး ပြန်လာခဲ့ရသည်။ ကျန်တပ်ခွဲတွေ ကတော့ စစ်ဆင်ရေး ဆက်လုပ်နေခဲ့သည်။

အဲဒီ အပြန်လမ်းမှာ ရွာတစ်ရွာမှာ ညအိပ်ရသည်။ ထိုအချိန်တွင် တပ်ခွဲမှူး လုပ်သူက ရဲဘော်တစ်ဦးကို ပိတ်စတစ်ဝတ်စာနဲ့ အချိုမှုန့်တွေ ခွဲပေးသည်။ သူက ဒါတွေအပ်ပြီးလို့ ကောင်စီက ပြန်ရောင်းတဲ့အခါ ငါတို့ ရဲဘော်တွေရမှာ မဟုတ်ဘူး။ ငါ့ရဲဘော်တွေ ၀ယ်လည်း မ၀တ်နိုင်ဘူး။ ဒါ့ကြောင့် တစ်ဝတ်စာစီ ယူကြဆိုပြီး ခွဲပေးခြင်း ဖြစ်သည်။ တကယ်တော့ ဒီလိုလုပ် မရ။ ဒါပေမယ့် ကျွန်တော်တို့ကလည်း ပင်ပန်းနေသည့် ကိုယ့်ရဲဘော်တွေကို မှောင်ခို သမားဆီက ရတာခွဲပေးတာ ကောင်းတဲ့ အလုပ်လို့ပဲ ယူဆသည်။

ဒီရွာလေးမှာ ကျွန်တော်နှင့် ခင်မင်နေသည့် ကရင်မိသားစု ရှိသည်။ ဒီတော့ ကျွန်တော့် အတွက်ရသည့် ပိတ်စနဲ့ အချို့မှုန့် ပေါင်ထုပ်ကြီးကို ယူပြီး သူတို့အိမ်သို့ သွားသည်။ အိမ်ရောက်တော့ အသင့်တွေ့သည့် အမိုးကို ကျွန်တော့် လက်ဆောင်ပါ ဆိုပြီးပေးလိုက်သည်။ အမိုးက မယူ၊ တူးတူးခါးခါး ငြင်းသည်။ ကျွန်တော်က အတင်းပေးတော့ ဖိုးခွား ဒါမျိုးက စားရတာ မချို ဘူး၊ အမိုးမယူဘူးဟု ပြောသည်။

ကျွန်တော် တွေသွားသည်။ အမိုးက ဒီနယ်မြေမှာ တပ်မတော် စစ်ကြောင်းတွေနဲ့ မှောင်ခိုတွေတွေ့ကြ၊ ဖမ်းကြ၊ ဖမ်းမိ ပစ္စည်းတွေကို မြို့မှာ အပ်ကြဆိုသည့် အဖြစ်အပျက်တွေကို မြင်ပေါင်း များနေပြီ ဖြစ်သည်။ ဒီတော့ အစိုးရကို အပ်ရမယ့်  ပစ္စည်းတွေကို ခွဲယူပြီး သူ့ကိုလာပေးတာ မကောင်းဘူး၊ ဒါမျိုး သူမသုံးချင်ဘူးဟု ပြောလိုခြင်းဖြစ်သည်။ အော် ငါတို့လို လူတွေက ဒီလိုယူတာ မှန်တယ်ဆိုပြီး လုပ်နေချိန်မှာ အမိုးကတောင် မလုပ်ကောင်းဘူးဆိုတာ သိနေပါလား ဆိုပြီး ကိုယ့် ကို ကိုယ်အပြစ်တင်မိသည်။

မြို့ကိုရောက်၊ ပစ္စည်းတွေ အပ်သည့် အချိန်တွင် ပြဿနာ တက်ပါတော့သည်။ ပိတ်စအချို့မှာ ဖြတ်တောက်ထားတာတွေ တွေ့ရာကနေ ကောင်စီက အထက်ကို တင်ပြ၊ အထက်က စုံစမ်းရေးတွေလုပ်၊ နောက်ဆုံး တပ်ခွဲမှူးကို စစ်စည်းကမ်းအရ အရေးယူ ခံရသည် အထိ ဖြစ်ခဲ့ရသည်။ တကယ်တော့ ထိုတပ်ခွဲမှူးမှာ တိုက်ရည်ခိုက်ရည် အလွန်ကောင်းသူဖြစ်၏။ ဒီကိစ္စ မှာ အဆုံးအဖြတ် မှားခဲ့သည့် အတွက် သူ့ဘ၀ရှေ့ရေး၊ ဘ၀တက်လမ်း အတွက်ပါ ထိခိုက်ခဲ့ရသည်။

ကျွန်တော့် ဘ၀တစ်လျှောက်တွင် လောဘ တက်မိသည့်အချိန် အတော်များများ ရှိခဲ့ပါသည်။ တစ်ခါတစ်လေ ကျတော့ လည်း နည်းအမျိုးမျိုးဖြင့် ကြီးပွားချမ်းသာ နေသူများကို တွေ့သည့်အခါ အားကျ သလိုလိုလည်း ဖြစ်ခဲ့ပါသည်။ ထိုအခါတိုင်းတွင်  အမိုး ပြောလိုက်သည့် ဖိုးခွား  ဒါမျိုးက စားရတာ မချိုဘူးဆိုသည့် စကားလေးကို ပြန်ကြားယောင်ပြီး စိတ်ကို ပြန်လည် တည်ဆောက်ခဲ့ရသည်။ အမိုးရဲ့ နံမည်ကိုပင် မမှတ်မိတော့ပေမယ့် အမိုးရဲ့ စားရတာမချိုဘူး ဆိုတဲ့ စကားကတော့ အခုအချိန်ထိ စိတ်ထဲမှာ စွဲမြဲနေဆဲ ဖြစ်သည်။ ကျေးဇူးတင်ပါတယ် အမိုးခင်ဗျား။

ပန်းသည်တွေ

ကျွန်တော်တို့ ဗိုလ်ပေါက်စဘ၀မှာ ရှေ့တန်း အတက်အဆင်း ဆိုရင် ကွပ်ကဲမှု ဌာနချုပ်တို့၊ ဗျူဟာရုံးတို့ကို ၀င်သတင်းပို့ ရသည်။ အဲဒီမှာ ဂျီသရီး (G3) လို့ ခေါ်သည့် စစ်ဦးစီးအရာရှိ (တတိယတန်း) များနဲ့ တွေ့ရသည်။ ဂျီသရီးတွေက စစ်ဆင်ရေး၊ ထောက်လှမ်းရေး ကိစ္စတွေကို ကိုင်သည့် ဗိုလ်ကြီးများဖြစ်၏။ သူတို့ လိုပဲ ကြူသရီး (Q3)  အေသရီး  (A3)  လို့ခေါ်တဲ့ စစ်ရေး၊ စစ်ထောက် ကိစ္စများကို ဆောင်ရွက်သည့် ဗိုလ်ကြီးတွေ ရှိသည်။

သူတို့တွေကား ဝါရင့်ဗိုလ်ကြီးတွေ ဖြစ်သည်။ အများစုက နောက်နှစ်နှစ်၊ သုံးနှစ်နေလျှင် ဗိုလ်မှူး ရာထူးအတွက် စဉ်းစားခံရ တော့မည့် သူတွေဖြစ်သည်။ ရှေ့တန်းကွပ်ကဲမှု ဌာနချုပ်ပင် ဖြစ်လင့်ကစား ၀တ်စားတာက သပ်သပ်ယပ်ယပ်၊ ဖုန်းပြောလိုက်၊ ဆက်သွယ်ရေးစက် နေပြောလိုက်နဲ့ ကွပ်ကဲနေပုံကလည်း အားကျစရာ။ ကျွန်တော်တို့ တွေကို စစ်ဆင်ရေး ခန်းမထဲ ထည့်ပြီး စစ်ဆင်ရေး အခြေအနေတွေ များရှင်းပြပြီဆိုလျှင် မြေပုံကို ညွှန်တံဖြင့် ထောက်ပြီး စီကာပတ်ကုံး ရှင်းပြနေပုံက ကြည့်လို့မ၀။

ဒီတော့ ဗိုလ်ပေါက်စတိုင်းတွင် တစ်ချိန်ချိန်တော့ ဂျီသရီး ဖြစ်အောင် ကြိုးစားမည်ဆိုသည့် အိမ်မက်ရှိသည်။ ဂျီသရီး မဖြစ် ရင်တော့ ရေးထောက်လောက်ပေါ့။ ကျွန်တော်လည်း ဒီလို အိမ်မက်မက်ခဲ့ ပါတယ်။ ဒီလိုနဲ့ ၁၉၈၈ နှစ်ကုန်ပိုင်းမှာ ကျွန်တော် ဌာနချုပ်တစ်ခုမှာ စစ်ဦးစီးမှူး တတိယတန်း အဖြစ် တာဝန်ပေးအပ်ခြင်း ခံရပါတယ်။ တိုတိုပြောရရင် အလုပ် လုပ်ရတာလည်း ပျော်တယ်။ စတိုင် ထုတ်ရတာလည်း မိုက်တယ်။ လေ့လာသင်ယူ ရတာတွေကလည်း အများကြီးပဲ။ ဌာနချုပ်က ဂျီသရီးဆို တော့ တပ်ရင်းမှူးတွေက အစ ညီလေးဆိုပြီး အလေးထား ဆက်ဆံတာဆိုတော့ တယ်ဟုတ်ပါလားဆိုတဲ့ စိတ်နဲ့ မြောက် ကြွမြောက်ကြွလည်း ဖြစ်သဗျာ။ တပ်ရင်းတုံးက တပ်ရင်းမှူးဆိုရင် တုန်နေအောင် ကြောက်ရတာ မဟုတ်လား။ အခုကျတော့ ဖုန်းနဲ့ တပ်ရင်းကို လှမ်းဆက်၊ သိပ်အရေးမကြီးတဲ့ ကိစ္စတောင် တပ်ရင်းမှူးနဲ့ ပြောမယ်ဆိုပြီး  တိုက်ရိုက်ညွှန်ကြား၊ တစ်ခါတစ်လေများ ဆက်သွယ်ရေး စက်ပေါ်ကနေ သူရိန်ကြီး (တပ်ရင်းမှူးကို ခေါ်လေ့ရှိသော အခေါ်) ကို စက်ပေါ် တင်ပေးဆိုပြီး ပြောလို့ရသေး။ ဘယ်ပြောကောင်းမလဲ၊ ဌာနချုပ်မှာ တစ်နှစ်လောက် နေတော့ လုပ်ငန်းကလည်း ကျွမ်းလာပြီး တစ်ခါ တစ်လေများဆို ဒီတပ်ရင်းမှူးနှယ် ဒါလေးတောင် မသိဘူးလားဆိုတဲ့ မှတ်ချက်တောင် ပေးလိုက်သေး။ ဖြစ်နေပုံများ။

ကျွန်တော်တို့ ဂျီသရီးဖြစ်ပြီး တစ်နှစ်လောက်ကြာတော့ ကွပ်ကဲသည့်တပ်မှူးက ရာထူးတိုးပြီး ပြောင်းသွားသည်။ နောက် တပ်မှူး ရောက်လာသည်။ ရှေ့တန်း ကွပ်ကဲမှုဌာနချုပ် ဆိုတော့ တပ်မှူးရုံးခန်းနဲ့ ကျွန်တော်တို့ ရုံးခန်းက သိပ်မဝေး။ ဖုန်းပြောတာ၊ ဆက်သွယ်ရေး စက်ပြောတာ အသံကျယ်လျှင် ကောင်းကောင်း ကြားရသည်။ တပ်မှူးအသစ်ကလည်း ရောက်ခါစဆိုတော့ ကျွန်တော်တို့ကို အကဲခတ် နေပုံရသည်။

တစ်ပတ်လောက်ကြာတော့ နေ့စဉ်မနက်တိုင်း လုပ်သည့် စစ်ဆင်ရေး အစည်းအဝေးမှာ တပ်မှူးအသစ်က မင်းတို့  ဦးစီး အရာရှိတွေ လက်အောက် တပ်ရင်းတွေနဲ့ ဆက်ဆံတဲ့အခါ သတိထား။ ဘုရားက ပန်းသည် တစ်ချို့လို မလုပ်နဲ့။ လူတွေက ဘုရားဖူးဖို့ လာရင်းနဲ့ ဘုရားပူဇော်ဖို့ ပန်းဝယ်တယ်၊ ဒါကို မပြည့်ဝတဲ့ ပန်းသည်တစ်ချို့က ငါချောလို့ လှလို့ ပန်းဝယ် တယ်၊ ငါ့ကိုကြည့်ချင်လို့ ဘုရားလာဖူးတယ်လို့ ထင်ပြီး အခြောက်တိုက် ဘ၀င်မြင့်တတ်တယ်။ မင်းတို့လည်း ဌာနချုပ်မှာ တာဝန်ယူရတယ်။ မင်းတို့ ညွှန်ကြားချက်တွေဟာ တပ်မှူးရဲ့ မူဝါဒကို ကိုယ်စားပြုတယ်လို့ မြင်တဲ့အတွက် တပ်ရင်းမှူးတွေ၊ တပ်ခွဲမှူးတွေက လေးလေးစားစား ဆက်ဆံနေတာ။ မင်းတို့ တော်လို့ မင်းတို့ အရည်အချင်းကို အထင်ကြီးလို့ လေးစား နေတာမဟုတ်ဘူး။ အခြောက်တိုက် ဘ၀င်ကိုင်မနေနဲ့။ နောက်ဆို အချိုးမပြေတဲ့ ကောင်တွေ ငါတပ်ရင်းတွေ ပြန်ပို့ပေး လိုက်မယ်။ ကိုယ့်တာဝန် ကိုယ်ကျေအောင်လုပ်ပြီး ဂုဏ်ယူတာနဲ့ အခြောက်တိုက် ဘ၀င်မြင့်တာ မတူဘူး၊ နားလည် အောင်လုပ်   ဟု ကောင်းကောင်းကြီး သြဘာပေးပါတော့သည်။

ကျွန်တော်တို့ အားလုံး ခေါင်းမဖော်ရဲ။ စစ်ဦးစီးမှူး (ဒုတိယတန်း) ဖြစ်သည့် ဗိုလ်မှူးတွေလည်း အလားတူပင်။  ကျန်တဲ့သူ တွေတော့မသိ။ ကျွန်တော့်တော့ ပန်းသည်ဆိုသည့် ဥပမာ တစ်သက်လုံး စွဲမှတ်သွားတော့သည်။  ထိုအချိန်က ပြောဆို ဆုံးမခဲ့သည့် တပ်မှူးကြီးကား ကွယ်လွန်သွားရှာပေပြီ။ ဒါပေမယ့် သူ့တပည့် တစ်ယောက်တော့ ရာထူးတာဝန်ကြောင့် အခြောက်တိုက် ဘ၀င် မမြင့်မိအောင် ပန်းသည် ဥပမာစကားလေးကို မကြာခဏ နှလုံးသွင်းနေသည်ကို သိရလျှင်တော့ ကျေနပ်နေလိမ့်မည် ထင်ပါသည်။

ဆက်ပါဦးမယ်။ 

ရဲထွဋ်

Read more

ဘ၀င်ချသည့် စကားများ (၁)

စာစု ခေါင်းစဉ်ကို ဘ၀င်ချသည့် စကားများ လို့ပေးထားတော့ ဘ၀င်ကျကို  စာမှားရိုက်သည်ဟု ထင်ကောင်း ထင်နိုင်ပါသည်။ မဟုတ်ပါ။ ဘ၀င်ကျ သည်ဆိုတာက မိမိစိတ်ကို နှစ်သက်စေသည့် စကားဖြစ်၏။ ကျွန်တော် ပြောလိုသည့် ဘ၀င်ချသည့် စကားများ ဆိုတာက ဘ၀င် မြင့်ချင်ချင် ဖြစ်နေသည့်၊ ကိုယ့်ဟာကိုယ်တော့ ဟုတ်လှပြီ ထင်နေသည့် ကျွန်တော့်ကို  အခြေအနေမှန် သိအောင်၊ စဉ်းစား ဆင်ခြင်တတ်အောင် လှုံ့ဆော်ပေးသည့် စကားတွေ ဖြစ်သည်။

တပ်မတော်တွင် တာဝန် ထမ်းဆောင်စဉ်က ကရင် တိုင်းရင်းသားများနှင့် အများဆုံး ထိတွေ့ ခဲ့ရသည်။ ရိုးသား ပွင့်လင်းပြီး ဟောဟောဒိုင်းဒိုင်း ပြောတတ်သည့် ကရင် တိုင်းရင်းသားများ ထံက ဘ၀င်ချသည့် စကားတွေ အတော်များများ ကြားခဲ့ရသည်။ ထို့အတူ ပွင့်ပွင့်လင်းလင်း ဟောဟောဒိုင်းဒိုင်း ပြောတတ်သည့် အထက် အရာရှိကြီးများ လက်အောက်တွင် အမှုထမ်းဆောင် ခဲ့ရသည့်အခါ ဘ၀င်ချပေးသည့် မှတ်ချက်တွေ ကြားနာမှတ်သား ခဲ့ရသည်။

ဘာကြောင့်ရယ်တော့ မသိ၊ အခုတလော ထိုစကားတွေကို မကြာမကြာ ပြန်စဉ်းစား နေမိသည်။

ကိုယ့်အလုပ်ကိုယ်လုပ်

စစ်တက္ကသိုလ်က ကျောင်းဆင်းတော့ အဖေက နာရီကောင်းကောင်း တစ်လုံးနဲ့ ဆိုနီရေဒီယို တစ်လုံး လက်ဆောင် ပေးသည်။ နာရီက အချိန် တိတိကျကျ အလုပ်လုပ်တတ်ဖို့၊ ရေဒီယိုက ကမ္ဘာ့အရေး၊ နိုင်ငံ့အရေး သိဖို့။ ထိုရေဒီယိုသည့် သတင်းစာမရောက်၊ စာအုပ်မရောက်သည့် ရှေ့တန်းတွင် ကမ္ဘာကြီးနဲ့ တစ်ခုတည်းသော အဆက်အသွယ် ဖြစ်၏။ ထိုရေဒီယိုနဲ့ ပင် ဘီဘီစီ၊ ဗွီအိုအေ အင်္ဂလိပ်စာ သင်ခန်းစာတွေ၊ အင်္ဂလိပ်ပိုင်းအစီအစဉ်တွေကို နားထောင်ရင်း အင်္ဂလိပ်စာ တိုးတက် အောင်ဆောင်ရွက် ခဲ့ရသည်။

တစ်နေ့တော့ ရွာတစ်ရွာမှာ ကျွန်တော့် တပ်စု စခန်းချသည်။ နယ်မြေကလည်း သိတ်ဆိုးတဲ့ နေရာမဟုတ်တော့ အေးအေး ချမ်းချမ်းရက် အတော်ကြာ အဲဒီရွာလေးမှာပဲ နေဖြစ်သည်။ ထုံးစံအတိုင်း မနက် ခြောက်နာရီထဲက ရေဒီယိုကို ကလိလိုက်တာ ည ၉ နာရီလောက် အထိ တကွီကွီ တတွီတွီနဲ့ မပြီးတော့။ တပ်စိတ်တွေတောင် သွားမစစ်ဖြစ်။  ကျွန်တော် ဒီလိုလုပ် နေတာကို ကျွန်တော့် တပ်စုရုံး စတည်းချသည့် အိမ်က အမိုးကြီး( အမေကြီး) က ထိုင်ကြည့်လေ့ ရှိသည်။ နှစ်ရက် သုံးရက် နေတော့ မျက်စိ နောက်လာပုံရသည့် အမိုးက ဖိုးခွား နင် အဲဒါနဲ့ တစ်နေကုန် ဘာလုပ်နေတာလဲဟု မေးသည်။ ကျွန်တော် ကလည်း အမိုးကို ရေဒီယို အသုံးဝင်ပုံ၊ ကမ္ဘာကြီးရဲ့ သတင်းတွေကို သိရပုံ တစ်နံတစ်လျား ရှင်းပြလိုက်သည်။ အနီးဆုံး ကော့ကရိတ်မြို့တောင် တစ်နှစ်နေလို့ တစ်ခေါက် မရောက်သည့် အမိုးကတော့ စိတ်ဝင်စားပုံ မပေါ်၊ အဲဒါသိတော့ နင် ဘာဖြစ်လဲလို့ ပြန်မေးသည်။ ဘယ်ရမလဲ။ အမိုးရဲ့ ကျွန်တော်တို့ ဗိုလ်ကြီးဆိုတာ နိုင်ငံတကာ အကြောင်း သိရတယ်၊ ဒါ အရေးကြီးတယ် ဆိုပြီး ပြန်ချေပ လိုက်သည်။ အမိုးကတော့ ဘာမှ ထပ်မပြော၊ အပိုတွေပဲဆိုတဲ့ အကြည့်နဲ့ ထထွက်သွား သည်။  ဘာပဲဖြစ်ဖြစ် နိုင်ငံတကာနဲ့ ကိုင်ပေါက်လိုက်ရတဲ့ အတွက် ကိုယ့်ဘာသာ ကိုယ်တော့ အတော် သဘောကျ သွားသည်။ ရေဒီယိုသံ တစ်ကွီကွီနဲ့ ဆက်ပျော်မွေ့ နေမိသည်။

နောက်တစ်ရက် မနက်စောစော ထုံးစံအတိုင်း အိပ်ယာထဲခွေရင်း ရေဒီယိုနဲ့ ငြိမ့်နေသည်။ မနက်အစောကြီး ထပြီး ရွာထဲ ဆင်းသွားသည့် အမိုးက ဝုန်းဝုန်းဒိုင်းဒိုင်းနဲ့ အိမ်ပေါ်တက်လာပြီး ဖိုးခွား  နင်ဒါကြီးနဲ့ပဲ တဂျစ်ဂျစ် လုပ်မနေနဲ့၊ ရွာထဲမှာ ဘာဖြစ်နေလဲ နင်သိလား။ ညက နင့်ကောင်တွေ ကြက်တွေခိုးစားလို့ သူကြီးအိမ်မှာ လာတိုင်နေတယ်။ နင့်အလုပ် နင်လုပ်ဦး ဟု ဆိုသည်။ ဒီတော့မှ ကပျာကယာ ပြေးဆင်းပြီး တပည့်ကျော်များ၏ ကြက်ခိုးမှုကြီးကို သွားရောက်ဖြေရှင်း ခဲ့ရသည်။ တပ်စိတ် တွေနဲ့ အဆက်ပြတ်ပြီး အိမ်ထဲ အောင်းနေမိသည့် ကိုယ့်ကိုကိုယ်လည်း အပြစ်တင်မိသည်။ တော်သေးတာပေါ့။ ဒီထက်ဆိုးတဲ့ အမှုတွေများ လုပ်ခဲ့ရင်၊ ဒါမှမဟုတ် ပျော်ပျော်ပါးပါး သတိလစ်ဟင်း နေချိန်တွင် ရန်သူကများ အလစ် ၀င်တိုက် ခဲ့ရင် ခက်ရချည်ရဲ့။ နောက်နေ့တွေမှာတော့ မနက်တစ်ကြိမ်၊ ညနေတစ်ကြိမ် တပ်စိတ်တွေကို လှည့်လည် စစ်ဆေးရပေပြီ။ နိုင်ငံတကာ သတင်းထက် ရပ်ရွာသတင်း၊ နယ်မြေသတင်းကို ပိုနားစွင့် ရတော့သည်။ အမိုးကိုလည်း နိုင်ငံတကာနဲ့ ကိုင်မပေါက်ရဲတော့။

နောင်တော့ စာအုပ်တစ်ခုမှာ လူတိုင်းတွင် စိတ်ဝင်စားသင့်သည့် ကိစ္စများ (Area of Interest ) နှင့် ကိုယ်ဖိ ရင်ဖိ လုပ်ရမည့်ကိစ္စများ (Area of Concern)  ဆိုတာရှိကြောင်း၊ ကြီးပွား တိုးတက်သူတိုင်းသည် Area of Concern ကို ပိုမို အာရုံစိုက် လုပ်ကိုင်သူများ ဖြစ်ကြောင်း၊ Area of Interest တွင်လိုသည် ထက်ပိုပြီး အချိန် မပေးသင့်ကြောင်း ဖတ်ရသည်။ ဒီတော့မှ အမိုးပြောတဲ့ နင့်အလုပ်နင်လုပ် ဆိုတာ ဒါပါလားလို့ ပြန်သတိရ မိသည်။

ဘယ်သူမှ မလာနဲ့

တပ်ခွဲမှူးဘ၀မှာ ဖြစ်သည်။ တနသာင်္ရီတိုင်း ထားဝယ်ဒေသက ကရင် ကျေးရွာတစ်ရွာကို အခြေခံပြီး နယ်မြေစိုးမိုးရေး လုပ်ရသည်။ တစ်ချိန်တုံးက ဒီနေရာက နှစ်ဘက် အဖွဲ့အစည်းတို့ အားပြိုင်ရာ ဒေသဖြစ်သည်။ အခုတော့ ကျွန်တော်တို့ တပ်ရင်း တစ်ရင်းလုံးဝင်ထိုင်ပြီး ဖြန့်ခွဲကာ တစ်ဖက်အဖွဲ့အစည်းမ၀င်နိုင်အောင်၊ မိမိအမာခံ ဒေသဖြစ်အောင် ဆောင်ရွက်နေခြင်း ဖြစ်သည်။

ထို့ကြောင့် ဒီရွာလေးကို အခြေပြုပြီး ကျွန်တော့်တပ်ခွဲ အတွက် သတ်မှတ်ထားသော နယ်မြေအတွင်း တိုက်ကင်းတွေ၊ ကင်းပုန်းတွေနဲ့ တစ်ဖက်အဖွဲ့အစည်း ၀င်မလာနိုင်အောင် စိုးမိုးထားရသည်။ ရွာတွေမှာ အခါအခွင့် သင့်သလို ဟောပြော စည်းရုံးရသည်။ အချိန်ကြာလာတော့ ရွာသူရွာသားတွေနဲ့လည်း ခင်မင်ရင်းနှီး လာသည်။ တစ်ချိန်မှာတော့ ကျွန်တော်နေ သည့် အိမ်က ဖထီးကြီးနဲ့ စကားလက်ဆုံ ပြောဖြစ်သည်။ ပြောရင်းနဲ့ ဒီဒေသမှာ ဖြစ်နေသည့် တိုက်ပွဲတွေအကြောင်း ရောက်သွားသည်။ ကျွန်တော်ကလည်း ကြုံတုံးစည်းရုံး လိုက်ဦးမှ ဆိုတဲ့စိတ်နဲ့ ဖထီး၊ ကျွန်တော်တို့ ဒီမှာအခုလို လာနေတာ မကောင်းဘူးလား၊ ကျွန်တော်တို့ ရှိတော့ ဖထီးတို့ ဆက်ကြေးတွေပါတွေ မပေးရတော့ဘူး မဟုတ်လားလို့ အစချီရင်း စည်းရုံးရေး ဆင်းလိုက်သည်။

ကျွန်တော့် စကားဆုံးတော့ ဖထီးက ခေါင်းကို တွင်တွင်ခါရင် မကောင်းဘူးဟု ဆိုလေတော့သည်။ ခဲလေသမျှ သဲရေကျ ဖြစ် ရသော ကျွန်တော်က ဘာလို့ တုံး၊ ဖထီးရ။ ကျွန်တော်တို့က ဘာဒုက္ခ ပေးမိလို့တုံးဟု ပြန်မေးရသည်။ ဖထီးကြီးက မထူး ပါဘူး။ ဖိုးခွား (ကျွန်တော်တို့ကို ဆိုလိုသည်။) လာလည်း ချောတပေ့ (ကြက်တစ်ကောင်) ပဲ။ မောင်ကျော် (တစ်ဖက် က လူတွေကို ဆိုလိုသည်။ ) ချောတပေ့ပဲ။  ဟိုကောင်တွေရှိရင် နင်တို့က လာပစ်၊ နင်တို့ ရှိရင် ဟိုကောင်တွေက လာပစ်။ ကုလားမင်း (အင်္ဂလိပ်အစိုးရ) တုံးက ချောင်းဖျားသူကြီးမှာပဲ နစ်လုံးပြူးရှိတယ်။ အားလုံး ကောင်းကောင်း နေရတယ်။ နင်တို့ ခေတ်ကျမှ သေနတ်တွေများ လိုက်တာ၊ ငါတို့လည်း အေးအေးမနေရဘူး။ ဘယ်သူမှ မလာတာ ကောင်းတယ်ဟု အားပါးတရ ပြောချလိုက်သည်။

ဖထီးစကားဆုံးတော့ ကျွန်တော့်မှာ ပြန်ပြောစရာ စကားမရှိတော့။ ဖထီးက သူနားလည်သလို သူပြော လိုက်ပေမယ့် ကျွန်တော့်ကို မျက်စိဖွင့် ပေးလိုက်တာပဲ ဖြစ်သည်။ နောင်လေ့လာဖန်များမှ ငြိမ်းချမ်းရေးဆိုတာ တရားဥပဒေ စိုးမိုးရေး အောက်မှာ ဘယ်သူကိုမှ  မကြောက်ပဲ နေနိုင်ခြင်းတို့၊  အကောင်းဆုံး စည်းရုံးရေးဆိုတာ လူထုကို ၀န်ထုတ်ဝန်ပိုး မဖြစ်စေတဲ့ လုပ်ကိုင်ပုံဖြစ်တယ် ဆိုတာတို့ကို နားလည်လာသည်။ အခုတော့ အဲဒီဒေသတွေမှာ ဖထီးလိုချင်သည့် ငြိမ်းချမ်းရေးမျိုး ရနေသည်ကို တွေ့ရတော့ ဖထီးကြီးကို သတိရ မိပြန်သည်။

ဆက်ပါဦးမယ်

Read more

နှလုံးသားကျောက်စာ

၁၉၇၆ နှစ်ဦးမှာ ဖခင်ဖြစ်သူ ခရီးထွက်ရာ နောက်ကို အဖော်လိုက်ရင်း တောင်တန်းဒေသ တစ်ခုသို့ ရောက်ရှိ သွားခဲ့သည်။ ရိုးသား ပွင့်လင်းသော တိုင်းရင်းသားများ၊ တောင်ခိုးနှင့် တိမ်ရောယှက် လိမ်နေသော တောင်တန်း မြင့်မြင့်ကြီးတွေ၊ မတ်စောက် သည့်တောင် ကမ်းပါးယံတွေကို ကပ်ပြီး ဖောက်ထားသည့် မြေသားကားလမ်း ကျဉ်းကျဉ်း၊ ဟိုးအောက်ကို ငုံ့ကြည့်လိုက်ရင် အဖြူရောင် ဖဲကြိုးလေး ချထားသလို ရှိနေသည့် ချောင်းများ၊ ကားလမ်းကို မေးတင်ထားသည့် ထင်းရူးသား အိမ်လေးတွေနှင့် လှချင်တိုင်း လှနေသည့် ဒေသ ဖြစ်သည်။ အဖြူအမဲ ကင်မရာအဟောင်း တစ်လုံးနဲ့ တွေ့သမျှ မှတ်တမ်း တင်ဖြစ်သည်။

ထိုဒေသတွင် ထူးထူးခြားခြား တွေ့ရသည်က ကားလမ်းဘေးမှာ တွေ့ရသည့် ကျောက်စာတိုင်များ ဖြစ်သည်။ ထိုကျောက်စာ တွေမှာ ကွယ်လွန်သူများ၏ စွမ်းဆောင်မှုတွေ၊ ကြွယ်ဝ ချမ်းသာမှုတွေကို ဖော်ပြထားသည်။ အုတ်ဂူမဟုတ်၊ အုတ်ဂူတွေက သက်ဆိုင်ရာ သုဿန်မှာ၊ ကျောက်စာတွေက လူအများ သွားလာတဲ့ နေရာတွေမှာ သီးခြား လာစိုက်ထားခြင်း ဖြစ်သည်။  မှတ်မှတ်ရရ ကျောက်စာ တစ်ခုမှာတော့ ကွယ်လွန်သူသည် ဒီဒေသမှာ ကားအရင်ဆုံး မောင်းတတ်သူ ဖြစ်ကြောင်း၊ ထရပ်ကား တစ်စီး ပိုင်ခဲ့ကြောင်း၊ ကျားနှစ်ကောင် ကိုလည်း ပစ်ဖူးကြောင်းနဲ့ သူ့ဈာပနမှာ ကျွေးမွေးခဲ့သည့် နွားနောက် စာရင်းများကို ဖော်ပြထားသည်။ စာနဲ့သာမက ကားမောင်း နေသော လူပုံ၊ ကျားပုံ၊ နွားနောက်ပုံတွေပါ ထွင်းထုထားသည်။ 

ပြီးခဲ့သည့် နှစ်နှစ်က ထိုဒေသသို့ တစ်ခေါက် ပြန်ရောက်ခဲ့သည်။ ဝေးလံခါင်သီသည့် ထိုဒေသသို့ ဌာန အကြီးအကဲ မရောက် သည်မှာ ဆယ်ငါးနှစ် ကျော်ခဲ့ပြီ ဖြစ်သည်။ ထိုဒေသကို ရောက်သည်နှင့် ပထမဆုံး ပြန်ရှာမိသည်က ဟိုတုံးက ကျောက်စာ တိုင်တွေ ဖြစ်သည်။ အတော်များများ မရှိတော့။ ဒေသဖွံ့ဖြိုးရေး အတွက် လမ်းတွေ ချဲ့သည့်အခါ သက်ဆိုင်ရာက ရွှေ့ပြောင်း ခိုင်းသည်ဟု ဆိုသည်။ တစ်ချို့ မိသားစုတွေ ကတော့ နေရာသစ်ကို ရွှေ့ပြောင်း စိုက်ထူပြီး တစ်ချို့ကတော့ အဲဒီလိုရွှေ့ ပြောင်းနိုင်စွမ်းပင် မရှိတော့။ ငွေကြေး မတတ်နိုင်၍လား၊ ဒါမှမဟုတ် ဟိုတစ်ချိန်က ယုံကြည် ဆောင်ရွက် ခဲ့သည့် ရိုးရာ ကိုးကွယ်မှု အစဉ်အလာ တွေကို စွန့်ပစ်ခဲ့၍လား၊ သူတို့ပဲ သိနိုင်လိမ့်မည်။

ဒါပေမယ့် နောက်ထပ် ကျောက်စာတိုင် အသစ်တွေလည်း တွေ့ရသည်။ ဟိုတုံးကလို နွားနောက်သတ် ပူဇော်တာ မျိုးတွေ၊ အမဲလိုက်ခဲ့ပုံတွေ မပါတော့တာ ကလည်း ပြောင်းလဲလာနေသော လူမှုစီးပွားဘ၀ အခြေအနေတွေကို ညွှန်ပြ နေခြင်းဖြစ် သည်။ ဘာပဲဖြစ်ဖြစ် ဒီခရီးစဉ်မှာတော့ ငယ်ငယ်တုံးကလို အမှုမဲ့ အမှတ်မဲ့မဟုတ်ဘဲ သေသေချာချာ လေ့လာ ဖြစ်သည်။

နောက်ပိုင်း စိုက်ထူထားသည့် ကျောက်စာများက ဟိုတုံးကထက် ပိုပြီး ကြီးမား ခံ့ညားလာသည်။ တစ်ချို့ကတော့ ကျောက် စာသက်သက်၊ တစ်ချို့ကတော့ အမိုးအကာနဲ့ ထိုင်စရာ ခုံလေးပါ တွဲလုပ်ထားသည်။ ပလိုင်းတွေ၊ အထမ်းအပိုးတွေနဲ့ ခြေလျင် ခရီးသွား များလှသည့် ဒီဒေသမှာ ခရီးသွားများအတွက် နားစရာအဖြစ် စဉ်းစားဆောင်ရွက် ပေးထားမှုက ချီးကျူးဖွယ်ရာ ဖြစ်သည်။ ထိုကဲ့သို့သော ကျောက်စာများကို တွေ့တော့ ဆရာ မင်းယုဝေက ဦးရာကျော်၏ ကောင်းမှု အမည်ဖြင့်  အက်ဆေးတစ်စောင် ရေးဖူးသည်ကို သတိရမိသည်။ ထိုအက်ဆေးတွင် ဆရာမင်းယုဝေက ခရီးသွားများ နားစရာ ထိုင်ခုံအဖြစ် ပြုလုပ်ထားသည့် ဦးရာကျော် အုပ်ဂူအကြောင်းကို-

ဦးရာကျော် ကွယ်လွန်သည့်အခါ ကျန်ရစ်သူတို့သည် ဤနေရာတွင် လူအများ အပန်းဖြေ ထိုင်နားရန် နှိမ့်ချစွာဖြင့် အုတ်ခုံ တည်ကာ ဦးရာကျော်အတွက် ကောင်းမှုပြုခြင်း ဖြစ်သည်။ စိတ်ကူး ကောင်းလေစွ၊ စေတနာ ကြီးမားလေစွ၊ အံ့သြ ချီးကျူးဖွယ် ကောင်းလေစွ  ဟု  ရေးသားခဲ့သည်။

ထို့အတူ မိမိကွယ်လွန်ပါက မိမိအုပ်ဂူကို ကလေးတွေ တက်မဆော့ နိုင်အောင်၊ လူတွေထိုင်ပြီး ကျားမထိုး နိုင်အောင် အုပ်ဂူ မျက်နှာပြင်ကို အပြားမလုပ်ဘဲ တြိဂံပုံအချွန်လုပ်ထားရန် တပည့်တွေကို မှာထားခဲ့သော စာရေးဆရာကြီး တစ်ဦးကိုလည်း ပြန်သတိရ မိသည်။ သူကတော့ သူ့အတ္တတွေ၊ မာနတွေကို ကွယ်လွန်ပြီးသည် အထိ သယ်ဆောင်သွားခဲ့ပုံ ရသည်။

ကျောက်စာတိုင် အများစု ကတော့ ကွယ်လွန်သူများ၏ ကျန်ရစ်သူ မိသားစုတွေက ပြုလုပ်ထားခြင်း ဖြစ်သည်။ ဒါပေမယ့် မြို့ လေးတစ်မြို့ အ၀င်မှာတော့ ရေရှားပါးလှသည့် တောင်ပေါ်မြို့က မြို့သစ်ရပ်ကွက် ကလေးအတွက် ရေရအောင် လုပ်ဆောင် ပေးခဲ့သော ဗမာလူမျိုး အင်ဂျင်နီယာ တစ်ဦးကို ရပ်ကွက် လူထုက ဂုဏ်ပြုထားသည့် ကျောက်စာတိုင် တစ်ခုကိုလည်း တွေ့ရသည်။ သာမန် တွေ့နေကြ တံတားထိပ်က၊ အဆောက်အဦရှေ့က ကမ္ပည်း ကျောက်စာမျိုး မဟုတ်။ မြို့ကို အပေါ်စီးက မြင်နိုင်သည့် မြို့အ၀င်က တောင်ကုန်းလေးမှာ အမိုး၊ အကာနဲ့ လူတွေပါ နားခိုနိုင်အောင် တည်ဆောက် ထားခြင်းဖြစ်သည်။ ပြီးတော့ ကွယ်လွန်သူကို ဂုဏ်ပြုထားခြင်း မဟုတ်၊ ကာယကံရှင်က ရာထူးတိုးပြီး ပြောင်းရွှေ့ သွားပြီဟု ဆိုသည်။ ကျွန်တော်တော့ ထိုအဆောက်အဦ ထဲမှာ ထိုင်နားရင်း ဖွင့်ပွဲ အခမ်းအနားတွေမှာ မြင်နေကြ အစဉ်အလာ ကမ္ပည်း ကျောက်စာများနှင့် ယှဉ်စဉ်းစားကာ ပီတိဖြစ်ခဲ့ရသည်။

နောက်တစ်နေရာ မှာတော့ ကွယ်လွန်သူ တိုင်းရင်းသား အဆိုတော်လေး၏ အထိမ်းအမှတ် ကျောက်စာတိုင်ကို တွေ့ခဲ့ ရသည်။ ကျောက်စာတိုင် အနီးမှာတော့ ကမ်းပါးရံထိပ်မှာ ဇရပ်လို အဆောက်အဦလေး ဆောက်ထားသည်။ ထိုနေရာက ထိုင်ကြည့် လိုက်လျှင် တောင်ကြား တစ်လျှောက် ရင်သတ် ရှုမောဖွယ်ရာ မြင်ကွင်းကို တွေ့ရသည်။ တောင်ကြားထဲမှာ မြစ် တစ်စင်းက ကွေ့ကွေ့ကောက်ကောက် စီးနေသည်။ မိုးဦးကာလဖြစ်၍ မြစ်ရေက အညိုရောင် သန်းနေ၏။ အစိမ်းရောင် တောင်တန်းများ၊ အညိုရောင်မြစ်၊ နောက်ပြီး ပန်းနီနီတွေ၊ အဲဒီရှုခင်းကို ဓာတ်ပုံရိုက်ရင်း အဆိုတော်လေး၏ နံမည်ကြီး ဆောင်းညတစ်ညကို ဖွဲ့ထားသည့် သီချင်းကို တိုးတိုးလေးညည်းမိသည်။ ဒီနေရာလေးကို ဘာ့ကြောင့်ရွေးခဲ့လဲ မသိရ။ ဟိုတုံးက အဆိုတော်လေး အမြဲလာပြီး ဂစ်တာတီးလို့လား၊ ဒါမှမဟုတ် ဇာတ်လမ်းလေးတွေရှိခဲ့လို့လား။ ဘာပဲဖြစ်ဖြစ် အဆို တော်တစ်ယောက်အတွက် ဂုဏ်ပြုဖို့ အကောင်းဆုံး နေရာလေးကို ရွေးခဲ့သူတွေကို ကျေးဇူး တင်မိသည်။

နောက်မြို့ တစ်မြို့ရောက်တော့ ကျွန်တော်တို့ ဌာနရုံးဝင်းထဲမှာ ကျောက်စာတိုင် နှစ်ခုကို တွေ့ရသည်။ ၁၉၄၉ ခုနှစ်က ရန်ကုန်ကို တောတွင်း လက်နက်ကိုင် အဖွဲ့တွေ ဝိုင်းနေစဉ် ကာလမှာ ကျဆုံးခဲ့သည့် တိုင်းရင်းသား တပ်ရင်းမှူးကို ဂုဏ်ပြုထားသည့် ကျောက်စာတိုင်များ ဖြစ်သည်။ ကျွန်တော်တို့ စစ်တက္ကသိုလ်မှာ ပြည်တွင်းသောင်းကျန်းမှု သမိုင်း သင်တော့ ထိုတပ်ရင်းမှူး ကျဆုံးသည့် တိုက်ပွဲအကြောင်း ပါသည်။ ရန်ကုန်မြို့တော်ကို တောတွင်း လက်နက်ကိုင်တွေ လက် မကျရောက်အောင် ခုခံခဲ့သည့် အရေးကြီးသည့် တိုက်ပွဲတစ်ခု ဖြစ်သည်။ သူ ဒုတိယဗိုလ်မှူးကြီး အဆင့်နဲ့ ကျဆုံးချိန်တွင် အသက် နှစ်ဆယ့်ကိုးနှစ်သာ ရှိသေးသည်။ တိုက်ပွဲတွင် ရရှိသော ဒဏ်ရာဖြင့် မင်္ဂလာဒုံ စစ်ဆေးရုံမှာ ကွယ်လွန်တော့ နိုင်ငံတော် အကြီးအကဲတွေ၊ တပ်မတော် ခေါင်းဆောင်တွေ လိုက်ပါပို့ဆောင် ခဲ့ကြသည်။ ကျွန်တော်တို့ ဌာနက ၁၉၉၁ခုနှစ်မှ တည်ထောင်တာ ဆိုတော့ ဒီနေရာမှာ ဒီကျောက်စာတိုင်တွေက အရင် ရှိနေခဲ့တာ ဖြစ်သည်။ နှစ်စဉ် မိသားစုတွေ လာပြီး ဂါရ၀ပြုဆဲ ဖြစ်သည်ဟု ဆိုသည်။  ဌာန၀န်ထမ်း တွေကို မိမိတို့ ရုံးဝင်းမှာ ဒီလို မြင့်မြတ်တဲ့ အထိမ်းအမှတ် တစ်ခု ရှိနေသည့် အတွက် ဂုဏ်ယူနိုင်ဖို့ မှာပြီး အခုထက် ပိုမို ကောင်းမွန်အောင် ပြင်ဆင်နိုင်ဖို့ ရန်ပုံငွေ ခွဲဝေပေးခဲ့သည်။ နောက်ပြီး ဒေသခံ လူငယ်များ ကိုလည်း ဒီရုံးထဲမှာ ပြည်ထောင်စုကြီး ပြိုကွဲမသွားအောင် စောင့်ရှောက်ခဲ့သော သူတို့လူမျိုး သူရဲကောင်း တစ်ယောက်ရဲ့ အထိမ်းအမှတ် ရှိနေတာကို အသိပေးဖို့၊ ဂုဏ်ယူတတ်အောင် ရှင်းပြဖို့ မှာခဲ့ရသည်။

အလွန်လှပသော တောင်ပေါ်မြို့ လေးက ဘုရားကျောင်းဝင်း အတွင်းမှာတော့ တိုင်းရင်းသား စာပေကို တီထွင်ခဲ့သူ  နိုင်ငံခြားသား သာသနာပြု ပုဂ္ဂိုလ်တစ်ဦးကို ဂုဏ်ပြုထားသည့် ကျောက်စာတိုင် ရှိသည်။ ထိုပုဂ္ဂိုလ်သည် အသက် နှစ်ဆယ့်ရှစ်နှစ် အရွယ် ၁၉၁၀ ပြည့်နှစ်တွင် တောင်တန်းဒေသသို့ ရောက်လာခဲ့ပြီး တိုင်းရင်းသား စာပေကို တီထွင် ပေးခဲ့သည့် အပြင် ကျောင်းသုံးစာအုပ် ၃၅ အုပ်ကိုလည်း ရေးသားပြုစု ပေးခဲ့သည်။ ၁၉၃၈ ခုနှစ်မှာတော့ တောင်တန်း ဒေသတွေမှာ လှည့်လည်ရင်း ကွယ်လွန် သွားခဲ့သည်။ ကျွန်တော် ရောက်နေသည့် မြို့လေးက သူ့ သာသနာပြု လုပ်ငန်းများ စတင်ခဲ့ရာ နေရာ၊ ပထမဆုံး တည်ဆောက်ခဲ့သည့် ဘုရားရှိခိုးကျောင်း ဖြစ်သည်။ ကျွန်တော် ရောက်သည့်နှစ်က သူ့သာသနာပြု လုပ်ငန်းများ ရာပြည့် အထိမ်းအမှတ်ပွဲ ပြုလုပ်ရန် ပြင်ဆင်နေချိန် ဖြစ်သည်။ နှစ်တရာ ပြည့်ချိန်အထိ သူ့ကို သတိရကြ နေကြဆဲ၊ သူတီထွင်ခဲ့သည့် စာကို ယနေ့အထိ သုံးနေကြဆဲ။ ကျွန်တော့် မေးခွန်းတွေကို ဖြေကြားနေသည့် တိုင်းရင်းသား ဘာသာရေး ခေါင်းဆောင်ရဲ့ မျက်နှာမှာ ကြည်ညိုလေးစားမှု အရိပ်အယောင်တွေ ထင်ဟပ် နေသည်။ ဟိုတုံးက လူနှစ်ဆယ်လောက်ဆန့်သည့် ဘုရား ကျောင်းလေးကတော့ လူသုံးရာကျော် ၀တ်ပြုနိုင်သည့် ဘုရားရှိခိုးကျောင်းကြီး ဖြစ်နေသည့် အပြင် ရာပြည့်ပွဲ အတွက် ထပ်ပြီး ပြင်ဆင်နေတာကို တွေ့ရသည်။

ထိုတောင်တန်းဒေသမှာ နှစ်ပတ်နေပြီး ပြန်လာသည့်တိုင်ကျောက်စာတွေအကြောင်းက ပါလာသည်။ တကယ်တော့ ဒီတောင်တန်းဒေသတွေမှာမှမဟုတ် နေရာတိုင်းမှာ၊ ကမ္ဘာသမိုင်းမှာ အထိမ်းအမှတ်တွေ၊ကျောက်စာတွေရှိနေတာပဲဖြစ် သည်။ လူတိုင်းတွင် အသိအမှတ်ပြုခံချင်သည့်စိတ်ရှိသည်။ ထိုစိတ်ကြောင့်လည်း ကျောက်စာတွေ၊ ကမ္ပည်းတွေ၊ အထိမ်းအမှတ် ဗိမာန်တွေဆိုတာ ပေါ်လာရတာဖြစ်သည်။

ဘုရင်တွေ၊ ခေါင်းဆောင်တွေက သူတို့ကို လူတွေအမှတ်ရစေဖို့ ဗိမာန်ကြီးတွေ၊ ရုပ်ထုကြီးတွေဆောက်ခဲ့ကြသည်။ မကွယ်လွန်ခင်ထဲက ဆောက်လုပ်ကြသလို ကွယ်လွန်ပြီးမှ နောင်လာ နောက်သားများက၊ ကျန်ရစ်သူများက ဂုဏ်ပြုပြီး ဆောက်ကြတာလည်းရှိသည်။ ဒီလိုပဲ နယ်ပယ်ကဏ္ဍ အသီးသီးမှာ ထင်ရှားကျော်ကြား သူတွေကို ဒီနည်းနဲ့ ဂုဏ်ပြုကြ သည်။ သာမန်လူတွေမှာလည်း တောင်တန်းဒေသ တွေမှာ တွေ့ရသလို ကျန်ရစ်သူ မိသားစုများက လုပ်ပေးကြသည်။ ဒါပေမယ့် နှစ်ကာလတွေ တိုက်စား လာသည်နှင့်အမျှ အပြောင်းအလဲတွေ ဖြစ်ကုန်သည်။ သဘာဝဘေး ဒဏ်ကြောင့် ပျက်ကုန်သည်။ ဒါမှမဟုတ် ခေါင်းဆောင်တစ်ဦး နံမည်ပျက်နဲ့ ကျဆုံးသွားချိန်မှာ ဖြိုဖျက်ခံရသည်။ အခုအချိန်အထိ ရှိနေ သေးသည့်တိုင် ဂုဏ်ပြုချီးကျူးသည့် နေရာအဖြစ်မှ  ရှေးဟောင်း အမွေအနှစ် စိတ်ဝင်စားစရာအဖြစ် လည်ပတ်ရာ နေရာ ဘ၀သို့ ရောက်သွားသည့် အဖြစ်အပျက်တွေလည်း ရှိသည်။ သက်ဆိုင်သူ သားသမီးများ ကပင် အကြောင်း ကြောင်းကြောင့် တစ်နှစ်နေလို့ တစ်ခါ ပြန်မကြည့်နိုင် တာလည်း ရှိသည်။

သို့သော် တစ်ချို့ ခေါင်းဆောင်တွေ၊ ထင်ရှားကျော်ကြား သူများကိုတော့ ကျောက်စာတွေ၊ ဗိမာန်တွေ မရှိသည့်တိုင် မျိုးဆက်ပေါင်း များစွာက လေးစားဆဲ၊ ဂုဏ်ယူဆဲ၊ သူတို့၏ အဆုံးအမတွေကို လိုက်နာဆဲ၊ သတိရ အောက်မေ့ဆဲ ဖြစ်သည်ကို တွေ့နေရပြန်သည်။ ထိုကဲ့သို့သော ပုဂ္ဂိုလ်များ အကြောင်းကို လေ့လာလိုက်တော့ သူတို့ပုံရိပ်တွေ၊ လုပ်ဆောင်ချက် တွေက လူတွေ နှလုံးသားမှာ စွဲထင် ကျန်နေသည်ကို တွေ့ရသည်။ ထို့ကြောင့်လည်း အချိန်ကာလတွေ၊ သဘာဝ ဘေးတွေ၊ လောကဒဏ်တွေကို ကျော်လွန်ပြီး တည်တံ့နေခြင်း ဖြစ်သည်။

ကျွန်တော်တို့ အားလုံးလည်း ကိုယ့်အတိုင်း အတာနဲ့ကိုယ် အသိအမှတ်ပြု ခံလိုစိတ်တွေ ရှိကြမည်မှာ သေချာပါသည်။ မိမိတို့ မရှိတော့သည့်တိုင် အနည်းဆုံး ကိုယ့်သားသမီး ဆွေမျိုးများက တမ်းတမ်းတတ သတိရ နေစေချင်သည်။ ဖြစ်နိုင်ရင် တပည့်တပန်းတွေ၊ မိတ်ဆွေတွေကပါ သတိရ စေချင်သည်။ အဲဒီလိုဖြစ်ဖို့ အကောင်းဆုံး နည်းလမ်းကတော့ သူတို့ နှလုံးသားမှာ မိမိနှင့်ပတ်သက်ပြီး ကောင်းသည့်ပုံရိပ်တွေ ကျန်နေအောင် ထွင်းထုခြင်းပင် ဖြစ်သည်။ နှလုံးသား ကျောက်စာကသာ  ကျွန်တော်တို့ကို တမ်းတမ်းတတ သတိရနေအောင် တတ်နိုင်ပါလ်ိမ့်မည်။

ရဲထွဋ်

Read more